Read Khiamniungan Naga Ngiokhem 18 Bible Online

Ngiokhem 18 - Khiamniungan Naga bible

Ngiokhem 18

¹“Meson kau Levi haiüh Israel nai goh haoson ti tsüepao noin. Nungliko ngüso to APAOU hau aloat chaithio kiutsün naiuso chaithio shisantsün tü kih au noin.

²Amao mele nousoli, ngüsoüh teng- khaiu goh haoson tsünoi-e, APAOU nou thalokü taiutsünli, ngüso haoson to APAOU ün meson thetsün aküo nou noin.

³“Tilüsong taoko jang naiuso onne- mok nouso loatkü chaithio kiu-e me- sonhoi hau asangdong, aküp, naiuso athain nou kiuao noin.

⁴Khülam, theng, Olip khiam, naiuso emok nouso ainou ayating haoson ngüsoüh epao noin.

⁵APAOU nou asam mele apem ainou Levi kau apa athon- tsüyangkü meson theao chosan.

⁶“Levi hai sauüh mongchiokü Israel nai noksong ajantso ainou am- kham athang nai shi-e,

⁷apa APAOU Goa meson tsakli amao mesonhoi sauhaiüh nungko yathsüokü noin nungli yathsüo au shio-e.

⁸Apaüh lüko amao mesonhoi nou eptsün eheshiu wekülu epao noin, naiuso apa tsammongsoüh tilüsong apa hau kiuji, nung apaüh taiuao shio-e.

⁹“Tilai APAOU asam Goaüh asam hau kiutsün goumchi nai asam shi-e, nungko noitsün melehoi achinyan chhisiya nouso tü lahoilut.

¹⁰Asam amthang nouso nai asam thsoso jah- kü la amkham, tsüdekünai e-pohoi, alat kiutsün, tsüdekünai athesan kiutsün chhisiya akhaiuniaso hau lachhi-i,

¹¹tsüdekünai ii hankü chhi- siya nouso, naiuso eanhai onthso ko chiteau chataiu lataiu.

¹²Khaiunia sauhaiüh nung amongkia-itsün chhisiya nouso chhiji, APAOU asam Goa nung chhitsünhoi tü chinyanji, nung shioko asam khutsün taoko nung chhitsün mele nouso nung goumchi ainou koman-

¹³APAOU tü thumkü lu mongkiukü anoi.”

¹⁴Mosaüh ngiom, “Asamüh thaloau noitsün goumchi nai khaiuniahoi nousoüh goa khekkü asio chhisiya chhitsünso ayamhan nouso tü hoilut, naiuso alatkiutsünso tü thapkü noiküla, lüko APAOU asam Goaüh nung chhisiya nouso tsüchhi- iji.

¹⁵Nunglikoto, apaüh e-po tsak ngüli asam khaiuniahoi ong ainou honge, naiuso asamüh apa tü angio angkü theau noin.

¹⁶“Asam Sinai King nai kam- shitsün ajekhaiu nai, asamüh APAOU chitetsün loüh lalula-ishi ta koja, tiautenai asam eane ta hatkü noiküla.

¹⁷Nungtiphe APAOU nou ngü tü ngiom, ‘Ngüsoüh mongyang amei tsak nou ngü tü kojaji.

¹⁸Ngo nili e-po tsak ngüso dongai ngüso khaiunia ongko nou honge, ti ngioau noin nung ngo apa hau chite-e, naiuso apaüh khaiuniahoi nouso tü ngo thoiluttsün alum chite shi-e.

¹⁹Apaüh jünianko ngio-e, naiuso khaiunia sauhaiüh apa ngio tsü ange, ngo angja kiu-e.

²⁰Lüko e-po ajantsoüh apa tü ngo tsüthoilutkün ko jünianko ngiongem chitenai, apa nung thaiutha ee, naiuso e-po saulünou amao goa nouso nianko chitenai, apa nung thaiutha ee.’

²¹“Tilai APAOU ainou tsüshikü e-po tsaküh ngiongem chite-e ta asam ngakü noi-e,

²²E-po tsaküh APAOU nianko chiteküta apaüh ngiotsünli nung atsüo tsüshi thawao künaito, nung APAOU ainou ngiongem tsüde. Nung e-po nou apa tengkhaiu oukong tsangkü chite-iu, naiuso asam apa lün tsühatao noin.”