Read Khiamniungan Naga Ngiokhem 19 Bible Online

Ngiokhem 19 - Khiamniungan Naga bible

Ngiokhem 19

¹“APAOU asam Goaüh asam hau kiutsün goumchi nai kihtsün khaiunia hoi lomowankütün phiai, naiuso ngüso noksong, tsam nouso thaloküta kihlokü phiai,

²Siutekü sao iuao shiokü hau noknio tsak tsak hakü nungh goumchi haoson süme hau ajanthat. Nungaih khaiunia tsaküh amao hai ajantso loatnai nung noknio ongko tsak da khulutau shio-e.

⁴Khaiunia tsaküh apa eh tsüdekü loüh mongdem tsüdekü khaiunia tsak loat nai apa nung noknio nouso tsak da khulutkü aaloau shio-e.

⁵Athatlu: khaiunia nime liutsa lang tsak ai paisahong khukü ngüne ongko tsaküh paisahong taoko ow nou khaiusankü apa hai nou tawai nai, apa nung noknio süme ongko tsak nai khulutau shio-e.

⁶Noknio tsaklu thekü nung ajet thatü laiukü tha naito, eantsün deisiniosoüh apa to eao maikü tsünoi lüko amongmat naiuso amongkia lamkü noi taoko thalokü phaosankü loatkü wanao shiom.

⁷Nung thaiutha ko ngo asam tü noknio süme chosankü ataiu ta ngioji.

⁸“Tilai APAOU asam Goaüh asam paosiposo tü apaüh thalotaiutsünli asam goumchi losonge, naiuso apaüh nung apem asam hau kiu-e,

⁹nungai asamüh loüh noknio süme shinglo shiao noin.’ Asam tü ngo lonyi thoiluttsün apem chhi naito naiuso asamüh APAOU asam Goa tsüojinkü apaüh tsandetsün tsangkü kih-etünaito, apaüh asam hau nung goumchi kiu-e.’

¹⁰Nungti chhi naito, aphio tsünoikün khaiuniahoi nouso tsü eane, naiuso APAOU nou asam hau kiutsün goumchi nai nungso loattsün thaiutha aphio tsünoi-e.

¹¹“Lüko khaiunia tsaküh apa eh angem ti tsülosankü mongdem loat küta nung noknio ongko tsak nai haiulo nai,

¹²nung yamko naito, nok- song ainou aheihoi nousoüh eantsün tsammongso hau phaosan-iau apa kiuwanao noin, küta apa loatkü wanao noin.

¹³Apa hau atsüojinyang lahan, Israel hai nungtin aküo thako loattsün ainou thakhukü anoi, nungaito asam thaiutha aküo meikü khu-e.

¹⁴“APAOU asam Goaüh asam hau kiutsün goumchi nai atao laiukü naita shankü taiutsün asam paosiposo elung lasoisoi.

¹⁵“Khaiunia tsak mitha tsangkülu to khaiunia tsak hau aphio kiuao tsüshio, tititenai khaiunia tsak aphio ta tsangsheiau khaiunia nime ainou mitha pokü noin.

¹⁶Khaiunia tsaküh amaohai tsak hau aphio kiukü angja kiuao kowe nai,

¹⁷ngüne nemthso amkham thang tsak nai khuau noin, naiuso nung taoko mesonhoi si mikhemhoi sauhai noin ngüsoüh mi kheme.

¹⁸Mikhemhoi nou nung mi- singem tü thathaiukü yame, naiuso khaiunia tsak meshen Israelhoi tha- ko atsüotsüdekün mitha shanlokü ta kiukü noi naito,

¹⁹apaüh nung aphio ta mitha kiutsün angja nou akiupao nou eppe. Nungli asamüh nung tsümeikün wanao noin.

²⁰Nungaito khaiunia apem nou ti thawaokü shin nung lula-e, küta ngüso hatkü nungtin tsümeikün chhisiya sauüh tilaitso tsüchhi shi-e.

²¹Nungtin misingem ko naito, atsüojinyang lahan, nungko angja epao nou to: aa liko aa, niovei liko niovei, pha liko pha, hou liko hou, naiuso hok liko hok noi-e.”