Read Khiamniungan Naga Ngiokhem 23 Bible Online

Ngiokhem 23 - Khiamniungan Naga bible

Ngiokhem 23

¹“Khaiunia sau tü li-ou lowan- kü noin, tsüdekünai tsashe lamankü noin, nung khaiunia nou APAOU ün khaiuniahoi ongko tsüha-e.

²“Peikhemthso saulünou tsüde- künai apa ün thsaosithsoso saulünou vetao che nou mongko APAOU ün khaiuniahoi ongko tsüha-e.

³“Ammon hai tsüdekünai Moab hai saulünou vetao che nou mongko APAOU ün khaiuniahoi ongko tsüha-e.

⁴Ngüsoüh asam Ijip ainou shitsün taoko eheau tsüdekünai ashiuao tsükiu, naiuso ngüsoüh Mesopotamia nai Pethor noknio ainou Beor thso Balam tuh küta asam tü athesan kiu-in.

⁵Lüko APAOU asam Goaüh Balam tü tsüang; nungliko to apaüh athesan nou ouk hau bao li-ekiu, tiautenai apaüh asam tü tsüojinkü noiküla.

⁶Asam mele tsak ta noitsün lektso, nung mele nouso tü lahachu, tsüdekünai ngüso tsüomeikü iulaau lachhikiu.

⁷“Edom hai lalochi naiuso lalotsao, tiautenai ngüso asam deisinioso noin. Naiuso Ijip hai lalochi naiuso lalotsao, tiautenai asam jam ngüso goumchi nai kihkü shin.

⁸Vetao süme nouko yaküto ngüso thsaosithsoso asamüh APAOU ün khaiuniahoi ongai ha-iau shio-e.

⁹“Tilai asam ehli taoko asaothang nai noi-e, amkham yamko asam tsüsiokü lotheao noitsün ayam alum lüwan.

¹⁰Asam ongko khaiunia ajantso asoh meamean nouko nuo khuküta tsüsiokü iulanai, apa asaothang ainou khuküta bechiai noianela.

¹¹Asham apaüh khiam pengküta asaothang nai ajenap taoko laokü shiao noin.

¹²“Asam siua si atsa-an khuau potsün thaiutha asaothang bechiai athang tsak ashantaiu.

¹³Dun tsakli ni pailai tsak kankeiküta tilai asam siua khuau atao sao-e, nung pailai nou khan tsak thaiukü nung lopokkü wanao noin.

¹⁴Asam saothang nung amkham yamko siokü lütaiu, tiau- tenai APAOU asam Goa nung athang nai asam kipsanau naiuso ehoi khako ashio kiuao hakü noin. APAOU asam ainou laokü tsükhuwanao asamüh asaothang nai tsüsiokü nou saisile titso lakankei.

¹⁵“Sua khaiunia tsak apa APAOU ainou khulükhunankü adongai akiploau shinai, apa laokü lahongshi.

¹⁶Apa asam noksong tiko lünou apaüh mongchiotsün ko kih au shio-e, naiuso asamüh apa tü tsaokü lakankei.

¹⁷“Israel hai melo tsüdekünai menyiu saulünou amkham tsamai ajisiwop chhitsün tsüiula ao noin.

¹⁸Loüh nungtin ajisiwop chhisiya tsangkü chensantsün chai APAOU asam Goa Tsamai ngiomong shinge tsak thawaoiau thaiutha ko kankü tsüshi-ela. APAOU nou Amkham Tsamai ajisiwop chhitsünso tü chinyanji.

¹⁹“Tilai asamüh meshen Israel khaiunia hau chai, eheshiu, tsü- dekünai tso tsak alaiu kiu-e, apa tü aphop nou lasao.

²⁰Asamüh melemao hai hau laiukiutsün nouko aphop saoau shio-e, lüko meshen khaiunia Israel hai hau laiukiutsün ko to aphop tsülo-e. Nung ngiokhem yam nouso angkü lüthe, naiuso APAOU asam Goaüh asam hau akihloau kiutsün goumchi nai asam chhisiya apemai ouk kiu-e.

²¹“Tilai asamüh APAOU asam Goa tü ngiomong shingetsün tsak shane, nung tsüphiokü chhianau noin. Asamüh ngiomong shingtsün APAOU nou tsüle-e, naiuso nung tsüchhikü nai angei noi-e.

²²Ngiomong shinge tsüshankü nai nung APAOU khako angei tsüde,

²³lüko asamüh nung asam chija shan naito, nung tsübeankü lüchhi.

²⁴“Tilai asam khaiunia maohai sainaoshep eiu yankü tsakeikü khu-e, sainaoshep asamüh aiutsünli heau shio-e, lüko asamüh asam cha ai kankü lakhu.

²⁵Tilai asam khaiunia maohai eiu yankü khu-e, asamüh chonglam ngaoheau shio-e, lüko sah nou lahelo.”