Read Khiamniungan Naga Ngiokhem 4 Bible Online

Ngiokhem 4 - Khiamniungan Naga bible

Ngiokhem 4

¹Nungai Mosaüh khaiuniahoi nouso tü ngiom, “Ngo asam hau tsandetsün ngiokhem nouso apem angkü lüthe, naiuso APAOU asam paosiposo Goa nou asam hau kiutsün goumchi nai napkü thalokü ta asam nungai kih-e.

²Ngo asam tü ti thoilutji nungtü amao titso lakamlut, naiuso nungko nou titso laolowan. Ngo asam hau kiutsün nung APAOU asam Goaüh thoiluttsün angio lüang.”

³APAOU nou Peor King nai ti chhin nung asam pemüh epiu, apaüh nungai Baal tü amkhamtsünso apem lomowan,

⁴lüko asam sauhai APAOU asam Goa tü mongkiukü noiküla, nungso lonyi saokü aa noin.

⁵“APAOU jü Goaüh ngü tü chhiao ngiotsünli, ngo asam hau ngiokhem nouso apem tsande-iu. Goumchi sübao asamüh shioloküta kihloau noin nung goumchi nai asamüh nung ngiokhem nouso angkü lüthe.

⁶Nung ngiokhem nouso mong kiukü angio angkü lüthe, naiuso nungüh asam amao mele nouso khako mongyang pungtsün khaiuniahoi ta hane. Tilai ngüsoüh nung ngiokhem nouso thaiutha lula-e, ngüsoüh, ‘Nung mele asong nou mongyang naiuso angelatsün titi ep ta ngio-e!’”

⁷“Amao mele titi songkü noilünou asam APAOU Goa nou sam tü hachutsünli to amao goa tsaktso shimkü tsünoi! Ti taoko samüh apa ahachu sange apaüh sam tü hachuji.

⁸Amao mele titi songkü noilünou, ngo asam hau lonyi tsandetsünli ngiotsüo ngiokhem sauüh tsütaiu.

⁹Asam tsokü lünoi! Asam aakihlaiu chikü asam nioveiüh epkü shitsün tsüpeanau tsangsheikü lüthe.

¹⁰Sinai King nai APAOU asam Goa khako asam tsatsün ajekhaiu thaiutha asamüh asam thsoso naiuso thsaoso hau lüchite. Tilai apaüh ngütü ngiom, ‘Khaiuniahoi nou akamshi-i, Ngo ti ngioau noin, nung ngo ngüso hau lula-iau aiuji, nungaito ngüsoüh aa noitsün lektso ngü tü angio angao ngelo-e naiuso ngüsoüh nungtilu chhisiya au ngüso thsoso tü thoilutshi-e.’”

¹¹“Asam thsoso hau thengmia ateitham anyaching inkhao maou sungyapkü in nyai loijeikü noitsün kinghok nai asam titi khukü tsakü noiküla nung lüchite.

¹²In nyai ainou APAOU asam ko titi chite, asamüh apa singiotsün titi lula, lüko apa tsüep, nung ngüso hau lüchite.

¹³Apa atha- lou-e asam ko shantsün kankeiau asamüh ti chhi-e nung apaüh asam hau chiten- asamüh sübao lungkhio nime nai Apaüh Ngiokhem che satkü noiküla, nung angao noin.

¹⁴Asamüh shioloküta kihloau noitsün goumchi nai angio angkü kankeiau ngiokheim nouso apem asam hau lütsande ta APAOU nou ngü tü ngiokü noin.”

¹⁵“Tilai APAOU nou Sinai King nai In ainou chite asamüh pem titso tsüep.

¹⁶Asam meiao thaiutha asa- müh asam chija sotsom goa shankü angei lasunhe melo tsüdekünai menyiu lüko,

¹⁷thainian si waio lüko,

¹⁸achinkeitsün chajiin, naiuso ngou lashan.

¹⁹Asamüh maou nai eptsün aje, alei, naiuso kianthsüo nouso tü amkhamau naiuso yathsüoau lalilu-i. APAOU asam Goaüh nungso tü amkhamau thaiutha amao mele hau kiuwaniu.

²⁰Lüko asam to Ijip nai In nyai asong ainou kipsantsün khaiuniahoi noin. Asam lonyi noi- tsünli apaüh meshen khaiunia theau asam niasankü noin.

²¹Asam shioko APAOU asam Goa ngüko mongmat küta apaüh asam hau kiuao noitsün memei goumchi nai Yordan Haiu yankü ngo napao tsüshio-e ta kongkü ngiowaniu.

²²Ngo nung goumchi nai haiu nou tsüyankü eane, lüko asamüh yankü khuküta memei goumchi nou lüthalo.

²³APAOU asam Goaüh asamko athalou-e shantsün tsüpeanau asam tsüokü lüthe. Asamüh sotsom goa ti tsüshankü hau apaüh thoiluttsün ngiokhem nouso lü-ang;

²⁴tiautenai APAOU asam Goa alomowantsün In tsak khekkü noin; Apaüh akhengshitsün jeitaiuao tsüshio.

²⁵“Asam thsaosithsoso chetsin- yimkü nung goumchi nai atao laiukü kih-e, asam thaiutha sotsom goa shantsün tsangkü angei titso lasun- lo. Nung APAOU khako angei noin, naiuso nungüh apa lomongmate.

²⁶Ngo lonyi asam khako mitha ao aün naiuso goum tü jonji, nung asamüh ngü tü angio tsüangkü naito, asam goumchi ainou shakta mowane. Yordan yankü asam kihloau noitsün goumchi nai asam laiukü tsükih-e; asam moisemkü mowane.

²⁷APAOU nou asam amao mele nouso ongai pengpunan-i-e, nungai asam thsao- thsaokülu aasane.

²⁸Nung goumchi nouso ai asamüh pha nou shan- tsün, pai nou shantsün, naiuso lung nou shantsün goa, sauüh tsüepji, na- iuso tsülulaji, heshiuao tsüdekünai anyam ngesanau tsüshioji nung yathsüo-e.

²⁹Nungai asamüh APAOU asam Goa tü yame, naiuso apatü asam mongpem apem nou yam naito, asamüh apa eppe.

³⁰Tilai nungso chikü asam tü thawaokü asam angja nai noiji, nungai asam athon nai apa ngio angkü APAOU dongai phokle-e.

³¹Apa atsüojinyang kiutsün Goa noin. Apaüh asam tsüleane tsüde- künai tsülomowan-i-e, naiuso apaüh asam paosiposo ko athalou-e shantsün tsüpeane.

³²“Goa nou goumchi ko khaiunia shansantsün atao nou tü laoshikü asam mochetkün ayanan tao nou tü lüyam. Goumchi thapekkü lüyam, Nung khako nungli songkü thawao- kü noimo? Khaiunia ajantsoüh nung khako nungli nou tsülulakü noimo?

³³Asamli khaiunia ajantso in ainou Goa ngio chitetsün lulakü ta phiai aa kihshitsün noimo?

³⁴APAOU asam Goaüh asam thaiutha Ijip goumchi nai amao mele ainou meshen khaiunia tsak theao khukü niasanao somkü goa ajantso noimo? Asam pemüh epkülu apaüh meshen oukong naiuso akong asong kankei, apaüh akiasiya naiuso ehli kankü shin, ii naiuso athanga nouso apaüh chhin, naiuso alekkat au chhi thawao-in.

³⁵APAOU nou nung apali amao goa sau tsünoi ta ngesan-iau hankü noiküla.

³⁶Apaüh asam hau ayam hanau apa sang aün ainou lula-i, naiuso nung goumchi nai apa asio epiau thaiutha nung In tsangkü asamko chite.

³⁷Apaüh asam pao- siposo tsüojin shioko asam chosan, naiuso apa oukong asong tsangkü asam Ijip ainou niasankü shin.

³⁸Goumchi sübao losaokü asam ün noin nungko apaüh asam niathiokü hau asam khuau tsalotsün taoko apaüh asam chiai oukongkü naiuso songkü noitsün mele nouso koman.

³⁹Nungtiphe APAOU nou Goa ta lüyangsan, naiuso laitso labean.

⁴⁰Ngo asam hau lonyi kiutaiutsün ngiokhem nouso chikü angio angkü lüthe, naito asamko naiuso asam thsaosithsoso ko meikü noi-e. Naiuso asam hau APAOU Goa nou asaita hau kiutsün goumchi nai asam kihkü khu-e.”

⁴¹Nai Mosaüh Yordan ajepek nai noknio süme,

⁴²khaiunia ajantsoüh mongdem tsüdekü naiuso apatü mongkia noikü tsüdekü aphio ai khaiunia ajantso loatan nai, apaüh nung noknio süme nouso mongko tsakai khulutkü aloat ainou kipsanau chosan.

⁴³Reuben mele thaiutha tsamei nai Bezer noknio, Gad mele thaiutha Gilead goumchi nai Ramot noknio; naiuso Manase mele thaiutha Bashan goumchi nai Golan noknio noiküla.

⁴⁴Mosaüh Goa ngiokhem nouso naiuso atsandetsünso Israel khaiuniahoi hau kium:

⁴⁵Nung ngüso Ijip goumchi ainou shikhuküta Betpeor noksong tü lashikü Yordan Haiu ajepek tsamei nai noi taoko apaüh nungso ngiokhem ngüso hau kium. Nung Amor hai nou Sihon nok- paoüh apa goumchi Hesbon noksong nai nokshingtsün tao noiküla. Tilai ngüso Ijip goumchi ainou shikhu, Mosa naiuso Israel khaiunia hoi nousoüh apa shiolom.

⁴⁶

⁴⁷Ngüsoüh apa goumchi naiuso Yordan ajepek nai kihtsün amao Amor hai nou Og nokpaoüh shingtsün Bashan goumchi shiolo.

⁴⁸Nung goumchi Aroer noksong ainou Arnon Haiukok saokü ajenapki Sirion King(nung Hermon King saokü).

⁴⁹Loüh ajepek Yordan Haiu khiamkhan, ajepekki nai Ee Khiamnok saokü, naiuso Pisga Kinghok ajepek saokü hakü noiküla.