Read Khiamniungan Naga Ngiokhem 9 Bible Online

Ngiokhem 9 - Khiamniungan Naga bible

Ngiokhem 9

¹“Anglu, Israel khaiuniahoiso! Lonyi asamüh Yordan Haiu yanao noin küta asam tü tekkü kongkü naiuso songkü noitsün mele nouso ün goumchi thaloküta kihlo-e, Ngüso noknio nouso songkü naiuso be nou maou thayapkü noin.

²Nung khaiunia nouso laiukü naiuso kong- kü noin, ngüso pem sitheng aphop laiusisongkü noin, naiuso ngüso thako saulünou khengshiau tsüshio ta lula-iu.

³Lüko lo APAOU asam Goa asam khako in li oukongkü khutsün asamüh eppe. Asam khutsün taoko apaüh ngüso shiolo-e, naiuso asamüh apaüh thalotaiutsünli ngüso shakta komankü shiolo-e.

⁴“APAOU asam Goaüh ngüso asam thaiutha komankiukü phiai nung goumchi thaloau asam maikü noitsün tsangkü nialokü shin ta langio. Lüko APAOU nou nung khaiunia nouso ngüso akausai shioko asam thaiutha komane.

⁵Nung asam asio shioko tsüdekünai asam mong saitha shioko ngüso goumchi loau khuji ta tsüde, lüko nungso mele tsümeikün shioko APAOU Goaüh ngüso asam khako nou komantsün noin; nung asam paosiposo Abraham, Isak, naiuso Yakob tü thaloutaiutsün thawao au thaiutha noin.

⁶Nungti- phe meikü lüngelo, asam asio shioko APAOU asam Goaüh nung goumchi amei nou thaloau asam hau kiuji ta tsüde, tiautenai asam mongkong khaiuniahoi noin.

⁷“Asamüh APAOU asam Goa liutsa nai titi mongmati nung tilaitso labean. Asamüh Ijip wankü khutsün ajekhaiu ainou nung athang shisao- tsün ajekhaiu saokü apa thako khengshikü noiküla.

⁸Sinai King ai nai lüko asamüh apa mongmati, asam lomowanao maikü apa mong- mat sungh.

⁹APAOU nou asam ko athalou-e taiutsün ngiokhem nouso sattsün lungkhio loau ngo king nai sungh.Ngo nungai ajekhaiu aopüle nyi naiuso aopülesoh titso tsühe naiuso tsüshiukü noiküla.

¹⁰Asam tilai kinghok nai kamsankü noiküla nung ajekhaiu ko APAOU nou In ainou asamko chitetsün lungkhio nime nou da apa phaüh satkü Ngiokhem nouso ngü hau kium.

¹¹Ah, nung aopülenyi naiuso aopülesoh nouso noikütün phiai APAOU nou ngü hau apaüh athalou-e sattaiutsün lungkhio nime nou kium.

¹²“Nungai APAOU nou ngü tü ngiom, ‘King ainou liukü lüsao, tiautenai akhaiuniaso sauhai Ijip goumchi ainou nialokü shin ngüso tsümeikünai khuwaniu, naiuso angei sunhe-iu. Ngüso tü ngo ti chhiao thoilutkü noiküla, nung ainou ngüso phoklekü khuwaniu, naiuso ngüsoüh ngüso goa au sotsom tsak shankü noin.

¹³“APAOU nou ngü tü loüh ngiom, ‘Ngo ngeji, nung khaiunia nouso mong thatü kongkü noin.

¹⁴Ngo lalolao. Ngo ngüso tilaitso tsüyang- sanshikü lomokü wanao ayang noin. Küta ngo ni, ngüso chiai oukong naiuso mele asong po tsak iula-i-e.’

¹⁵“Nungtiphe athalou-e satlut- tsün lungkhio nime nou kankü ngo king ainou phoklekü saom, nungai king nai In nou nyaikü noiküla.

¹⁶APAOU asam Goaüh asam hau athoilut kiutsün asamüh angio tsü ang ta ngo epiu, naiuso asamüh daoson nou langtsün jangtsopong sotsom shantsün tsangkü apa thako angei sunhe-iu.

¹⁷Nungtiphe ngo asam khako lungkhio nouso yakkan naiuso nung nelangkü phetpaian.

¹⁸Nungai loüh jam ngo APAOU khako aopülenyi naiuso aopülesoh kha thaothiokü titso tsühekü naiuso tsü- shiukü noiküla. Ngo nung asamüh APAOU thako angei sunlo naiuso apa mongmati nou shioko chhikü noikü- la.

¹⁹Ngo APAOU mongmat sungtsün lün hatkü noiküla, tiautenai apa asam lomowanao shiokü mongmat sungkü noiküla; nung taoko lüko APAOU nou ngü tü ang.

²⁰APAOU nou Aron lüko loatkü wanao chomkü mongmat, nungtiphe ngo nung taoko Aron thaiutha misaokiu.

²¹Asamüh daoson nou jangtsopong sotsom shantsün angei nou loküta in nai yakthio, naiuso ngo nung nelangkü thiopek, pokhaoli thaone, naiuso nung king ainou tsangkü saotsün haiuthso nai yakthio.

²²“Asam Tabera, Massa, naiuso Kibrod-Hattaava, nai noi taoko lüko APAOU asam Goa mongmatikü noiküla.

²³Naiuso tilai apaüh asam Kades Barnea ainou hongkü, sungküta ngo asam hau kiutsün goumchi nou lülo ta ngiom, nungai asamüh APAOU asam Goaüh thoiluttsün thako khengshikü tsalo, naiuso asamüh apa da mong tsülam, tsüdekünai apa ngio tsü ang.

²⁴Ngo asam ngelotsün ko yakü, asamüh APAOU thako khengshi.

²⁵“Nungtiphe ngo APAOU khako kha thaothiokü aopülenyi naiuso aopülesoh noiküla, tiautenai apaüh asam lomowanao yangsananiu ta ngo ngelakü noiküla.

²⁶Naiuso ngo misao saokü ngiom, ‘Apem khaiuko APAOU, ni meshen khaiuniaso lalomowan, nung khaiuniahoi aoukong asong nou ni Ijip ainou kipsankü nialokü shitsünso noin.

²⁷Ni yathsüotsünso Abraham, Isak, naiuso Yakob lü- yangsan, nung khaiunia nouso mong kongtsün akausai, naiuso angei ta lathap.

²⁸Tsüdekünaito Ijip haiüh ni ngüso tü thalotsün goumchi nai akhaiuniaso kankü khuau tsüshio ta ngio-e. Ni liutsa nai aloat ao nialükhun ta Ijip haiüh ngio-e, tiautenai asamüh nungso chinyan.

²⁹Nungti lüko ngüso akhaiuniaso, atengkamso, sübao ni aoukong asong nou naiuso apha loksantsün tsangkü niakü shin.’