Read Khiamniungan Naga 1 Korint 13 Bible Online

1 Korint 13 - Khiamniungan Naga bible

1 Korint 13

¹Ngü khaiunia nou ngiotsün ngio in apemko naiuso aünhonghoi ngioko chiteau shiokü noilüko, lüko ngo tü atsüojin tsünoikünai, ngü chitetsün ngio nung taoson si son thiongemtsün sangngem ko ti amomo tsünoi.

²Ngo achimau paopei noilüko, naiuso akaungio apem ngelüko, naiuso ngü da king lekkanau lümeikü amonglam asong noilüko, atsüojin tsünoikünai ngo ti tsüde.

³Ngo tsosiluhai tsadau meshen jengtsaiu apem kiulüko, naiuso jüpem in nai ja-anau thumkü kiulüko atsüojin tsünoikünai, ngo alesan tsünoi.

⁴Atsüojin nou laiukü kiploji, naiuso atsüojin hanji. Atsüojin nou aluau tsüaiukü tsüchhiji, atsüojin nou anga tsüchhiji, abülom tsüchhiji, tsüjeiaikü tsükankeiji.

⁵Meshen thaiutha ti tsüyamji, mongmat tsüsungji, amaohai tsümeikün tsüvesanji,

⁶tsümeikünai tsümonglingji, lüko ngiotsüo nouko monglingeji;

⁷apem jeiloji, apem monglamji, apem yangji, apem kiploji.

⁸Atsüojin tilaitso akeng tsü-iula-e; lüko achimtsün noinai, nung yanlükhune. Ngio in amomo noinai nung laowan-e. Angetsün noinai, nung yanlükhune.

⁹Tititenai samüh apaitsolu ngeji, naiuso apaitsolu chimji.

¹⁰Lüko ahaupungtsün tilai shi-e, nungai ahau tsüpungkü nou yanlükhune.

¹¹Tilai ngo methso noiküla, methsoli ngü chite, methsoli ngü yang, methsoli ngü thatlu. Loto sunganphe, ngü methso sai nou waniu.

¹²Lo samüh ti epji nungto sousaiu nai soutsüsasakü eptsün tsakli noin; nungphiai samüh khasikha eppe. Ngo lo ti ngeji nung apaitsolu noin; nai ahaupungtsün Goa nou ngetaiutsünli ngo nge-e.

¹³Loto amonglam, ayangtaiu, atsüojin nungso süme asaita noin; naiuso nungso ongko atsüojin asongting.