Read Khiamniungan Naga 1 Korint 8 Bible Online

1 Korint 8 - Khiamniungan Naga bible

1 Korint 8

¹Sotsom goa nouso hau chih chaithio kiutsün thaiutha asamüh sattsün nung, “Sam chiküüh ngekü noin,” ta ngüsoüh ngiotsün nung ngiotsüo noin. Nungtin ange nou khaiunia tsak abülom mekoi nou putsanji; lüko atsüojin nou yamlukü sung-iji.

²Ajantsoüh tsotsak ngen ta yangnai, apaüh loüh titi ngeau ayam noin nung titso monge.

³Lüko khaiunia tsaküh Goa tsüojin nai, Goa nou apa ngen.

⁴Nungtiphe sotsom goa nouso hau chaithio kiutsün eheshiu hetsün thaiutha, goumchi ko sotsom goa nung atsüoting to ti tsünoi, tiautenai Goa tsak tü simkü sau tsünoi ta samüh ngen.

⁵Aün nai tsüdekünai goumchiko, “goa piakü” naiuso “Apaou piakü” noin.

⁶Nungti lüko sam khako Goa tsaklu noin. Po, naiuso Apa sau apem shantsün noin, naiuso sam apa thaiutha noin, naiuso APAOU tsaklu noin, nung Yisu Khrista, apa tsangkü apem noin, naiuso sam apa tsangkü noin.

⁷Lüko nung ngiotsüo, khaiunia apem nouto tsünge. Khaiunia ajantsoüh lonyi saokü sotsom goa amtsün nai kankeiji, tilai ngüsoüh amkham eheshiu heji; ngüsoüh nung losaokü sotsom goa ün eheshiu ta yangji, ngüso mongyang outsükong, naiuso ngüsoüh eheshiu tsangkü ngüso longei-iu ta yangji.

⁸Lüko eheshiu nou sam Goa khako nian tsülom-e, loüh samüh tsühekünaiüh asappat tsüde, henaiüh asappat tsüde.

⁹Lüko asamüh aiutsün kankei nou amonglam outsükongkünso tsüthekkat-iau lütsüolo.

¹⁰Tititenai nung thaiutha “ang-e,” khaiunia tsaküh ni sotsom goa amkham tsamai moknoikü heshiukü epnai, apaüh amonglam outsükongkünso lüko sotsom goa tü chaithio kiutsün eheshiu heau, apa mong songkü tsüiula-i-e süne?

¹¹Tititenai ni “ang-e,” nou tsangkü amonglam outsükongkün deisinioso sau thaiutha Khrista ean, apa mowanji!

¹²Nungti deisinioso thako chaithe chikü naiuso amonglam outsükongkü noinai, ngüso mong tawaikiukü, Khrista thako samüh chaithe sunloji.

¹³Nungtiphe eheshiu nou jü deisinio amonglam lotheau lümeikü noinai, ngü jü deisinio amonglam tsülothe au thaiutha tilaitso nyih tsühe-e.