Read Khiamniungan Naga Galatia 1 Bible Online

Galatia 1 - Khiamniungan Naga bible

Galatia 1

¹Paul, hongthon tsak iulaau thaiutha khaiunia ainou tsüde, khaiunia tsangkü tsüde, lüko Po nou Goa, naiuso eküta ahkü shitsün APAOU Yisu Khrista tsangkü noin.

²Ngoko nungai aikü noitsün deisiniohoi apem nou Galatia nai noitsün donthe nouso dongai salam hongji:

³Sam Po Goa naiuso APAOU Yisu Khristaüh asam hau atsüojin naiuso aalo lükiu.

⁴Nung tsümeikün vetao ainou sam kipsanau Khristaüh sam Po Goa tü angio angtsün nai sam chaithe thaiutha meshen pem thumkü kiu.

⁵Athontsüyang thaiutha Goa hau ajinka lüthe. Amen.

⁶Ngo asam tü ngaji! Atao laiukü mokhukü sauüh Khrista atsüojin tsangkü asam jon, nung ainou shakta tsakai soikü khuküta asamüh amao Ngem Amei Tsak louji.

⁷Atsüo naito “Amao Ngem Amei Tsak ta tsünoi” lüko asam angja-itsün khaiunia ajantso noin, naiuso ngüsoüh Khrista Ngem Amei nou li-ekü ngem tsümeikü iula-iau aiuji.

⁸Loto samüh asam tü chimtsün Ngem Amei tü simkü samüh lüko, aün ainou hongthon tsaküh lüko, amao Ngem Amei chimnai, apa da athesan lünoi!

⁹Samüh ayanai ngiotsünli ngüto loüh ngioji; asamüh lutsün Ngem Amei tü simkü amao Ngem Amei khaiunia tsaküh chimnai, apa da athesan lünoi!

¹⁰Tititenai ngü lo khaiunia mongtsam-iau yamji süne? Tsüde! Ngü yamtsün to Goa mongtsam-iau! Tsüdekünai ngo khaiunia monglengiau kowejiso? Ngü khaiunia mongleng-iau kowe naito, ngo Khrista yathsüotsün tsüthe-ela.

¹¹Deisinioso, ngü chimtsün Ngem Amei nung khaiunia nou shansantsün tsüde ta ngü asam hau ngela-iji.

¹²Tiautenai ngü nung Ngem Amei khaiunia ainou tsüep, tsüdekünai loüh nung ngü hau tsütsande, lüko Yisu Khrista atsangshei jü dongai sung.

¹³Tititenai ngo kümi Yihudahai don nai titi aa noiküla, naiuso ngü Goa ün donthe thatü omhe-ikü angjakü mowan-iau kowen, nung asamüh lu-iu.

¹⁴Naiuso jü paosiposo kümi ngiolat thaiutha ngü thatü mongchiokü Yihudahai don nai jü mele ongko jü haiso piakü ainou ngo laiukü jetekü noiküla.

¹⁵Lüko tilai Goa, sauüh ngo achet ainou pungekü taiu, naiuso apa atsüojin nou ngo jon,

¹⁶Apaüh meshen thso ngo tü atsangshei sung-iau mongchiokü noiküla, nungai ngü apa thaiutha Ngem Amei Melemaohai ongko chimau shiokü hau ngo sau dongai asanglo tsükhu.

¹⁷Tsüdekünai loüh ngo tü chong hongthonhoi dongai ngo Yirusalemai lüko tsüsung. Lüko ngo Arabia saokü khuwan, küta Damaska ai phokle.

¹⁸Nungai pon süme phiai, ngo Peter ko pheteau Yirusalemai sung, naiuso ngo apako chekü pungonyi saman.

¹⁹Lüko amao hongthon nouso, APAOU nio Yakob tü simkü, ngü tsaktso tsüep.

²⁰Ngü asam dongai sattsün thakü noin. Ngo tsüphio ta Goa nou ngekü noin!

²¹Nungthanko ngo Seria si Kilikia goumchi ai khu.

²²Naiuso Khrista nai noitsün Yihuda goumchi ko donthe nousoüh ngo meikü tsüngeküla.

²³“Khaiunia sauüh ataojam sam jeiatikü lomokiuau kowekü noiküla, apaüh nung amonglam lo chimshiji!”, ta amaohaiüh ngiotsünlu ngüsoüh ngen.

²⁴Naiuso ngo shioko ngüsoüh Goa hau alomsan kiu.