Read Khiamniungan Naga Galatia 6 Bible Online

Galatia 6 - Khiamniungan Naga bible

Galatia 6

¹Deisinioso, khaiunia ajantso aphio nai thalonai, asam Onthso noinsoüh meshen thaiutha yanglukü, meshen chija alilu epküle ta, Onthso amongmei nai nungtin khaiunia lüphokle-i.

²Haisihai ne thsa lükankiu-e, naiuso nungti Khrista Ngiokhem lüshinappi.

³Tititenai khaiunia tsaküh ti tsüdekü noikün apa tso tsak ta yang nai, apaüh meshen chija sapthioloji.

⁴Khaiunia pungkü nou meshen chhi thaiusanau noin. Nung amei naito, apaüh chhitaiutsün chiai apa bülomau shio-e, amaohaiüh ti chhikü taim nungko weluauto tsünoi-e.

⁵Tititenai khaiunia pungkü nou meshen thsa kanau noin.

⁶Sau khaiunia ta Ngem amei tsandekü noin apaüh amei noitsün apem apa tü tsandetsün ko haoson wekü janau noin.

⁷Lasapthio-e, Goa tsüwesankü tsütheji. Tititenai khaiunia nou tilüsong shiupeng-e nunglu apaüh yamhe-e.

⁸Sauüh meshen nyih nai shiupenge, apaüh nyih ainou amowantsün yamhe-e, lüko sauüh Onthso nai shiupenge Onthso nai asaita aa yamhe-e.

⁹Nungtiphe sam amei chhitsün nouko mong lathonko, tititenai sam monghenkü tsü-iula naito, samüh yamhe-au atao shi-e.

¹⁰Nungtiphe samüh atao epnou lektso khaiunia pungkü tü amei chhiko, naiuso mothikü sauhai sam amonglamtsün tsammonghai noin ngüso ta chhiko. Athon Alotsüo Naiuso Salam Ngio

¹¹Thsamsat asong nai meshen pha nou ngü asam dongai sattsün nung tü lülo!

¹²Khaiunia sauhaiüh asam tü atippanau kojaji, ngüso khaiunia khako epiau thaiutha asong aiutsünso noin. Tiautenai Khrista Paiphu thaiutha ngüso tsüjeiatau ngüsoüh nung chhiji.

¹³Sauhaiüh atippantsün kankeiji, ngüsoüh lüko Ngiokhem to tsükankei; lüko ngüso Ngiokhemai asam kaoji ta ngüso bülomaolu ngüsoüh chhiji.

¹⁴Jü thaiutha to, sam APAOU Yisu Khrista Paiphu nailu bülom-e; apa Paiphu tsangkülu jü thaiutha goumchi nou e-e noin, naiuso ngo goumchi nou tü e-e noin.

¹⁵Tititenai khaiunia ayan iulatsün tü simkü atippantsün lüko, tsütippankün lüko ti tsünoi.

¹⁶Titithatso nung Ngiokhem nou tsakei-e, ngüso khako naiuso Goa khaiuniahoi apem khako aalu naiuso atsüojinyang lünoi!

¹⁷Lo yakü sauüh ngo la-angja-i, tiautenai ngü jüpem nai Yisu thsüluchon sunkü noin.

¹⁸Jü deisinioso, sam APAOU Yisu Khrista atsüojin asam chikü ko lünoi. Amen.