Read Khiamniungan Naga Ephesa 2 Bible Online

Ephesa 2 - Khiamniungan Naga bible

Ephesa 2

¹Akeng vetaoko asam angio tsüang naiuso chaithe suntsün shioko onthso nai ee noiküla.

²Nung goumchi vetaoli asamüh ah-wem nai oukong nouso asonghai, sübao Onthso nou angio tsüangkün thsoso da lu chhiji, nung phiai chaithe yam nai jam tsakei.

³Atsüoting sam apemüh sam shesinyih mongchiotsün naiuso tilüsong pem naiuso mong nou aiutsün chhin naiuso kih, nung da noitsün saisile aküo amaohai lilu Goa mongmattsün sungkü noiküla.

⁴Lüko Goa sau atsüojinyang nai memei, apa atsüojin asong nou sam tü tsüojin nung shioko,

⁵tilai sam angio tsüangkü onthso nai ee noiküla, Goa nou Khrista ko sam aa nai niakü shin. Nung Goa atsüojin tsangkü asam kipsankü noin.

⁶Sam aün nokshing nai Khrista Yisu ko jeiaikü nokshingau apaüh niasan.

⁷Yisu Khrista nai sam hau atsüojin hantsün apa atsüojin asong atao chikü thaiutha anyamsim shi-iau apaüh nung tsangsheikü chhikü han.

⁸Tititenai atsüojin nou amonglam tsangkü asam kipsanji. Nung meshen chija nou tsüde, lüko nung Goa paopei,

⁹sauüh tsübülomau thaiutha nung chhi nou tsüde.

¹⁰Tititenai apa ashantsün chhi nou sam, naiuso sübao chhi amei nai samüh tsakeiau Goa nou kümei khemlo, nung chhi amei thaiutha Khrista Yisu nai sam shan-iu.

¹¹Sam nyih nai Melemao, sauhai tü “tsütippankünso” ta Yihudahai “atippantsünso” üh jonji (nung ngüso pem shesinyih da ti chhiji, nung thaiutha ngioji) -asam ayanan taoko ti noiküla lüyangshi.

¹²Nungtao nai asam Khrista ainou pungekü noiküla. Asam Israelhai mele nokpao tsüde, athalou-etsün ainou gohmao mele, ayang tsünoi, naiuso goumchiko Goa tsüngekü noiküla ta lüyangsan.

¹³Lüko lo, Khrista Yisu nai asam sauhai kümei laiukü nai noiküla, asam Yisu she nai shimkü iulakü noin.

¹⁴Tititenai Khristaüh apa chija sam hau nokmei kankü shi nou, Yihudahai naiuso Melemao nouso khaiunia tsak hau shan. Ngüso punge-itsün tisübao eh noiküla, nung dio-ai apa meshen pem tsangkü lothekiu;

¹⁵nung nokmei nouko nung mele nime apako khaiunia ayan tsak haulu aikü shanshiau thaiutha, apaüh Yihudahai Ngiokhem apa ngiokhem nou naiuso sai nou lomokiu.

¹⁶Nungüh apaüh atsao-etsün loatküta Paiphu tsangkü pem tsak nouko nime nou Goa ko jeiai-in, naiuso Goa dongai laokü niakü shin.

¹⁷Nungtiphe Khrista aalo Ngem Amei asam Melemao sauhai Goa ainou laiukü pungekü noin, naiuso Yihudahai, sauhai shimkü noiküla nungso tü shikü chim.

¹⁸Nung Khrista tsangkü sam chikü, Yihudahai naiuso Melemaohai, Po nou dongai Onthso tsak nai shiau shiom.

¹⁹Nungtiphe asam Melemaohai loto gohmao khaiunia tsüdekünai mesanhoi tsüdeshi; lüko lo asam Goa paopunghoi naiuso tsammong haove nai noin.

²⁰Asam hongthon naiuso E-po nouso, akihthang chiai shan, naiuso Khrista Yisu apa pem tsamnuo Lung atengting tsak noin.

²¹APAOU Amkham tsam asio nai losiokü shankü sung-iau tsam apem kamshikü helutkü noitsün apa tsak noin.

²²Asam lüko Khrista ko jeiaikü amao tsam apem hakü athang tsak hau thekü Goa Asio Onthso kihtsün lahkü noin.