Read Khiamniungan Naga 1 Thesalonika 1 Bible Online

1 Thesalonika 1 - Khiamniungan Naga bible

1 Thesalonika 1

¹Paul, Sila, naiuso Timothiso ainou Thesalonika donthe nai sauhai Po nou Goa naiuso APAOU Yisu Khrista ün hoi noin, nungso dongai: Atsüojin naiuso aalu asam ko lünoi.

²Samüh misao nai asaita asam nian jonkü, apem thaiutha Goa hau nianlom kiuji.

³Asamüh sam APAOU Yisu Khrista da ayangtaiu noitsün nai titi amongting noikü asam atsüojin nou sam chhi titi oukongkü iulan, nung asamüh asam amonglam chhi nai han, nungtiphe samüh sam Po Goa khako yangsanji.

⁴Deisinioso, Goa nou asam tsüojinji naiuso asam apa ün hau chosan ta samüh ngeji.

⁵Tititenai samüh Ngem Amei nou asam dongai ngio nailu tsüde, lüko Asio Onthso nai, oukong nai, naiuso atsüoting thumkü yangsantsün ngiotsüo nai kankü shin. Sam tilai asamko noiküla, sam titi noila nung asam alesan eppiau thaiutha noiküla ta asamüh ngeji.

⁶Asam angja asong nai noi lüko asamüh Asio Onthso nou kiutsün amongling ngiongem monglingkü lo, nungko asamüh APAOU naiuso sam sakshi kheklotsün iula.

⁷Nungtiphe Makedonia si Akaiya hai amonglamhoi thaiutha asam athatluau tsak iula.

⁸Tititenai APAOU thaiutha asam ainou ngiongem Makedonia si Akaiya ailu tsüde, lüko asam Goa da monglamtsün goumchi apemai khu-iu, nungtiphe nungko samüh ngioau ti poukü tsünoi.

⁹Asam dongai sam shinai asamüh sam titi nialo, naiuso asam atsüoting Goa nou yathsüoau sotsom nouso leankü titi phokle,

¹⁰naiuso Apa Thso Yisu sau ashiao noitsün Goa amongmat ainou sam kipsanao apaüh ee ainou ahkü shi-in, nung Yisu aün ainou shitsün tü samüh taiuji.