Read Khiamniungan Naga 1 Thesalonika 2 Bible Online

1 Thesalonika 2 - Khiamniungan Naga bible

1 Thesalonika 2

¹Deisinioso, sam asam dongai shitsün nung yaang tsü-iula ta asamüh asam chija ngen.

²Sam asam dongai Thesalonika ai moshikünai, samüh Philipi nai tsüvesankü alochi lotsao ti ep nung asamüh ngen. Naiuso akhengshitsün piakü noilüko, sam Goaüh sam hau apa ainou shitsün Ngem Amei chiteau mongsong nou kiu.

³Samüh asam tü lotsüotsün nung aphio nai, tsüyanthsüokü nai, tsüde naiuso samüh sau sapthiokiu-ao tsükowe.

⁴Lüko Goa nou sam da Ngem Amei thoilutkiuau titi monglamkü ep, nungti samüh khaiunia mong tsamiau tsüde, lüko Goa sauüh sam mong liluji, apa mongtsamiau samüh chhiji.

⁵Sam asam dongai atsüotsüdekün anyaothing ngio kankü tsüshi ta, asamüh thatü meikü ngen, tsüdekünai samüh sam achinek tsangpukau tsüchhi, samüh ti chhin Goa nou meikü ngen!

⁶sam lüko Khrista hongthonhoiphe asam ainou nianlom loau shio lüko

⁷samüh asam si amaohai sau ainou nianlom epau tsükowe. Lüko nyiuhai tsaküh meshen thso paotsangkü tsadsetsünli sam asam ko noi nai mongmeikü noiküla.

⁸Samüh asam tü mongchiokü tsüojin shioko, samüh asam hau Goa ainou Ngem Amei lu tsüde, lüko sam aa lüko kiuau mongchiokü noiküla, tiautenai samüh asam tü thatü tsüojinkü iula!

⁹Deisinioso, samüh asam sauhau angja tsükiu-au thaiutha samüh asoh si anyi chhisiyakü asam tü Goa Ngem Amei chimtsün ko samüh thatü kongkü tankü chhi ta asamüh yangsanji.

¹⁰Asam amonglamhoi khako samüh sam chija titi asio naiuso ngiotsüo, naiuso aphio tsülepkü kankei, nung thaiutha asam naiuso Goa mitha noin.

¹¹Samüh asam apem tü pohai tsaküh meshen thso paotsangtsünli kankei ta asamüh ngen.

¹²Sauüh asam apa nokshing naiuso ajinka haoson theau jon, naiuso asam aa nung Khrista mongtsamitsün nai kih au tsülaokü koja nungti samüh asam monglosongkü, alu-iji.

¹³Samüh Goa hau tiau asaita nianlom kiuji nung thaiutha loüh ayam noin. Tilai samüh asam dongai Goa ngiongem kankü shin, nung khaiunia ainou ngiongem tsüde lüko Goa ainou ngiongem ta asamüh lou naiuso lukü noiküla. Tititenai Goa nou amonglamhoi nouso da chhi nou chhiji.

¹⁴Deisinioso, Yihuda nai Goa ün donthe tü ti thawao nunglu asam Yisu Khrista donthe tü thawaokü noin. Ngüsoüh Yihudahai ainou awontsao eptsünli, asam lüko meshen goumchi khaiunia ainou nung awontsao wekü ep.

¹⁵Yihuda haiüh APAOU Yisu naiuso E-po nouso aikü wontsaokü luat, ngüsoüh Goa tsümonglingi! ngüso khaiunia chiküko eh au iulaji!

¹⁶Melemaohai aasantsün dongai niajikanau ngem amei chimtsün ainou lüko ngüsoüh sam lolaoau kowe. Nungti ngüsoüh angei asaita hau sunlo. Naiuso lo athon nai Goa mongmattsün aphiteng ngüso chiai saokü noin!

¹⁷Deisinioso, sam tilai atao letletkü thaiutha asam ainou pungekü noiküla, nung sam ayang ainou pungean tsüdelüko asam kha eppau tsüshiokü punge nou shioko, sam loüh asamko eppeshiau thaiutha amongchio asong nou kowe!

¹⁸Tititenai sam naiuso ngo, asam dongai laokü shishiau thatü mongchioküla, lüko Biya nou sam yam kiapjei.

¹⁹Apem khaiuko sam ayang, sam amongling, naiuso APAOU Yisu shinai apa khako ashio eptsün nai sam bülomau maikü noitsün amao sau tsüde, lüko asamlu!

²⁰Atsüoting nai, asam nung sam lokoitsün naiuso amongling!