Read Khiamniungan Naga Yihusua 12 Bible Online

Yihusua 12 - Khiamniungan Naga bible

Yihusua 12

¹Israel haiüh Yordan ajepek nai noitsün goumchi shiolo- küta thalotsün nung Arnon Tsamei ainou Yordan Tsamei sungsaokü, naiuso ajepekki nai noitsün Hermon King saokü noiküla. Ngüsoüh nokpao nime shioloum.

²Nokpao tsak nian nou Sihon, apa Hesbon nai nok- shingtsün Amor hai nokpao noiküla, apa nokshing mongko hatsün Aroer ainou Gilead goumchi apaitso (nung Arnon Tsamei thun ko noin) naiuso nung tsamei awem nouko noknio nou, naiuso Jabbok Haiumong, Ammon hai elung saokü noiküla;

³nung mongko Yordan Tsamei ainou ajepekki nai noitsün Galil khiamnok ainou Bet Jeshimod (Ee Khiamnok tü ajepek nai) naiuso Pisga kinghok saokü noiküla.

⁴Ngüsoüh Bashan Nokpao Og, sau Refaim hai nokpao aphiting tsak, apaüh Astarod naiuso Edrei nai nokshingkü noiküla, apa lüko shiolo.

⁵Apa nokshing nou Hermon king, Saleka, Geshur naiuso Maaka elung saokü, Bashan goumchi apem, Gilead goumchi apaitso, Hesbon nokpao Sihon goumchi tü thalutkü noiküla.

⁶Nung nokpao ne Mosa naiuso Israel haiüh shiolo. Mosa, APAOU yathsotsün nou ngüso goumchi nung Reuben naiuso Gad naiuso Manase kau apaitso nou kau süme hau ngüso tengkam ao kiuwan.

⁷Yihusua naiuso Israel haiüh Lebanon Tsamei nai Baalgad ainou Edom shimkü ajepekki nai noitsün Halak king tü thalutkü, Yordan ajenap nai noitsün goumchi nokpao nouso apem shiolowan. Yihusuaüh nung goumchi kau nouso mongko paithat küta nung ngüso hau asaita tengkamao kiuwan.

⁸Nung pai- thattsün haoson nouso king goumchi, ajenap nai kinghok goumchi nouso, Yordan Tsamei naiuso nung kinghok nouso, ajepek nai noitsün tsatha goh nouso, naiuso ajepekki goumchi nai gohwai nouso sunkü noiküla. Nung goumchi nouko Hit hai, Amor hai, Kanan hai, Periz hai, Hiv hai, naiuso Jebus hai gohpao noiküla.

⁹Israel haiüh shiolotsün nokpao naiuso noknio nouso nungso noiküla: Yeriko, naiuso Ai (Bethel shimkü noitsün noknio);

¹⁰Yirusalem, Hebron, Jarmud, Lakis, Eglon, Gezer, Debir, Geder, Horma, Arad, Libna, Adullam, Makkeda, Bethel, Tappua, Hefer, Aphek, Lasharon, Madon, Hazor, Shimron, Meron, Akshap, Taanak, Megiddo, Kedes, (Karmel nai noitsün) Jakneam, (Haiusai nai noitsün) Dor, (Galil nai noitsün) Goiim, naiuso Tirza- apem nai nokpao hoi aosamkü tsak noiküla.