Read Khiamniungan Naga Yihusua 15 Bible Online

Yihusua 15 - Khiamniungan Naga bible

Yihusua 15

¹Yihuda kau tsammong nousoüh goumchi haoson tsak eptsün nungti noi-e: Ngüso goumchi ajepekki elung nou Zin liutsa thunting nou tü thalutkü, Edom hai elung nai noiküla.

²Nung ajepekki elung nou Ee Khiamnok athun ajepekki ainou,

³tsülaokü Akrabbim Aoyan naiuso Zin saokü. Nung Kades Barnea ajepekki nai saokü Hezron yanküta Addar ai Karka dongai phoklekü,

⁴naiuso nung Azmon yankü khukü Ijip haiu tü sungh; naiuso elung nou Mediteranian Khiamnok khütha ai khukü thunkü. Nung Yihuda hai ajepekki elung noin.

⁵Naiuso ajepek elung Ee Khiamnok Yordan Haiujong tü thalutkü. Ajenapki elung nou nungko yalo,

⁶nou Bet Hokla saokü, naiuso ajenapki nai Yordan Tsamei tü thapthiokü noitsün athang saokü. Küta nung Bohan lungsong saokü (Bohan nung Reuben thso melothso tsak noiküla.)

⁷Akor Tsamei ainou Debir sung saokü, loüh ajenap nai Gilgal dongai phoklekü, ajepekki tsamei ta lalutkü noitsün Adumim Aoyan saokü. Loüh nung ainou Eurokel ainou Enshemes haiungan saokü,

⁸Hinnom Tsamei yankü sungkü Jebus hai noknio Yirusalem ajepekki king nai elung noiküla. Nungko yalo nou elung ajenap nai Hinnom Tsamei kingkhaiu saokü, naiuso ajenapki Refaim tsamei athun saokü.

⁹Nungko nou Neptoa Haiungan ai khukü Efron King shimkü noitsün noknio nouso dong ainou Baala (Kiriat Jearim) ta jontsün dongai lapkü khukü;

¹⁰Edom king goumchi nou dongai Baala lemkü ajenap nai khu, küta ajenapki Jearim King dongai khu (Kesalon ta lüko jonji), nung ainou Bet Shemes ai sao, küta Timna yankü khu.

¹¹Loüh elung nou ajenapki kingai khu, Shikeron dongai Baala king yankü ta Jamnia saokü khu. Nung Medite- ranean Khiamnok ko lao,

¹²nungüh ajenap nai elung noin. Nung elung mongko kihtsün khaiuniahoi nouso Yihuda thsaosi- thsoso noin.

¹³APAOU nou Yihusua tü thoi- luttsünli, Yihuda kau ainou Jefune thso Kaleb hau Yihuda goumchi apaitso kiuwan, apaüh Anak po Arba ün haoson Hebron noknio epkü noiküla.

¹⁴Kalebüh Anak thsaosi- thsoso nung noknio ainou koman- nung Sheshai, Ahiman, naiuso Talmai kau nouso noin.

¹⁵Nungai nou apa Debir nai kihtsün khaiuniahoi komanao khu, (Nung noknio nou tü Kiriat Sefer ta jonkü noiküla.)

¹⁶Kalebüh ngiom, “Khaiunia sauüh Kiriat Sefer thashiolo-e, ngo apa hau jüthso menyiuthso Aksa tsamsigoh yangau kiu-e.”

¹⁷Kaleb dei Kenaz thso Othnielüh nung noknio thashiolo, nungtiphe Kalebüh apa thso menyiuthso Aksa apa hau tsamsigoh yangau kium.

¹⁸Tsamsigoh yangtsün ajekhaiu nai Othnielüh menyiu nou tü apa po tü eiu tsak sao au koja. Nung menyiuthso apa gado chiai moknoitsün ainou saom, naiuso apaüh ti aiuji ta Kalebüh apatü sang.

¹⁹Nungai apaüh thalakü ngiom, “Ngo khiamla ajantso aiuji. Ni ngü hau kiutsün goh nou gohwai goh nai latha-an.” Nungtiphe Kalebüh apa hau yamkhem yamkheng haiungan nouso kium.

²⁰Yihuda tsammong kau nousoüh ngüso haoson theao goumchi eptsün nungti noin:

²¹Ajepekki nai laiukü khukü noitsün noknio nouso ngüso ün noin. Edom hai elung shimkü noitsün noknio nungso:

²²Kabzel, Eder, Jagur, Kina, Dimona, Adada, Kedes, Hazor, Idnan, Zip, Telem, Bealod, Hazor Hadatta, Keriod Hezron (tsüdekünai Hazor), Amam, Shema, Molada, Hazar Gadda, Hesmon, Bedpelet, Hazar Shual, Bersheba, Biziodia, Baala, Iim, Ezem, Eltolad, Kesil, Horma, Zikla, Madmanna, Sansanna, Lebaod, Shillim, Ain, naiuso Rimmon. Nung noksong nouso lemkü noitsün apem nai noknio kheikü lükao.

³³Kinghok nai noitsün noknio nou- so: Estaol, Zora, Ashna,

³⁴Zanoa, Engannim, Tappua, Enam, Jarmud, Adullam, Soko, Azeka, Sharaim, Aditaim, Gedera, naiuso Gederotaim: nung lemkü noitsün noksong nouso- ko hakü apem nai nok chekü püle.

³⁷Zenan, Hadasha, Migdalgad, Dilean, Mizpa, Jokthiel, Lakis, Bozkad,, Eglon, Kabbon, Lahman, Kitlis, Gederod, Beddagon, Nama, naiuso Makeda, - nung lemkü noitsün noksong nouso ko hakü apem nai noknio chekü luok.

⁴²Libna, Ether, Ashan, Ifta, Ashna, Nezib, Keila, Akzib, naiuso Maresha, nung lemkü noitsün noksong nousoko hakü nai noknio lükao.

⁴⁵Noksong nouso naiuso nok nouso hakü Ekron noknio noiküla.

⁴⁶Naiuso Ekron ainou Mediteranian khiamnok saokü Asdod shimkü noitsün noknio naiuso noksong apem.

⁴⁷Nungai Asdod naiuso Gaza, noksong naiuso noknio nouso hakü Ijip elung nai naiuso Mediteranian khiamnok sai ai haiungan nouso tü thalutkü.

⁴⁸King goumchi nai Shamir Jattir, Soko,,

⁴⁹Dana Kiriat Sefer (Debir)

⁵⁰Anab, Estemoa, Anim,

⁵¹Goshen, Holon, naiuso Gilo, nung lemkü noitsün noksong nouso ko hakü noknio chekü tsak.

⁵²Nungai Arab, Durma, Eshan,

⁵³Janim, Bet Tappua, Apheka,

⁵⁴Humta, Hebron, naiuso Zior, nung lemkü noitsün noksong nouso ko hakü noknio apem nai lükao.

⁵⁵Nungai Maon, Garmel, Zip Juttah,

⁵⁶Jezreel, Jokdam, Zanoa,

⁵⁷Kain, Gibea, naiuso Timna, nung lemkü noitsün noksong nouso ko hakü noknio apem nai che.

⁵⁸Nung Halhul, Betzur, Gedor,

⁵⁹Marat, Betanot, naiuso Eltekon, nung lemkü noitsün noksong nouso ko hakü noknio apem nai luok.

⁶⁰Nungai Kiriat Baal (Kiriat Jearim) naiuso Rabba, nung lemkü noitsün noksong nouso ko hakü noknio nime.

⁶¹Singtso goh nai Bet Araba, Middin, Sekaka,

⁶²Nibsan, Jem noknio, naiuso Engedi, nung lemkü noitsün noksong nouso ko hakü noknio luok.

⁶³Lüko Yihuda khaiunia nousoüh Yirusalem nai kihkü noitsün Jebus hai komanao tsüshio. Lonyi saokü nungko Jebus hai Yihuda khaiunia nouso ko aikü kihkü noin.