Read Khiamniungan Naga Yihusua 19 Bible Online

Yihusua 19 - Khiamniungan Naga bible

Yihusua 19

¹Müjam nai Simeon kau naiuso tsammongso hau goumchi haoson sonkiu. Nungso goumchi nou Yihuda kau hau sonkiutsün goumchi elung mongai ngoikü noiküla.

²Nung mongko Bersheba, Sheba, Moladah,

³Hazar Shual, Balah, Ezem,

⁴Eltolad, Bethul, Hormah,

⁵Ziklag, Bet Markabot, Hazar Susah.

⁶Bet Lebaot, naiuso Sharuhen, nungso noknio chekü süme, naiuso nungko noksong nouso hakü noiküla.

⁷Loüh Ain, Rimmon Ether, Ashan, naiuso noknio püle, naiuso nung lemkü noitsün noksong nouso hakü noiküla.

⁸Nungko nung noknio nouso lemkü noitsün noksong nouso apem, Baalat Beer, (Ramah) ajepekki nai noitsün saokü noin. Nung goumchi haoson Simeon kau tsammongsoüh ngüso tengkam eptsün noiküla.

⁹Yihuda hau haoson kiutsün nung apa tü potsün chiai noiphe, nung goumchi haoson intso Simeon kau hau kiuwan.

¹⁰Samjam nouko Zebulun kau naiuso tsammongso hau goumchi haoson sonkiu. Ngüsoüh eptsün goumchi nou Sarid saokü noiküla.

¹¹Nung ainou elung ajenap Mareal ai khu, Dobbeshet naiuso Jokneam tü ajepek nai noitsün haiuthso nou ta thankü noiküla.

¹²Sarid etsai nung elung nou ajepek nai Kislot Tabor elung ai shin, küta Daberat ai naiuso Jafia saokü khu.

¹³Nung ainou ajepek nai tsülaokü Gat Hefer naiuso Etkazin dongai khu, Rimmon yamai Neah dongai phoklekü khu.

¹⁴Ajenapki nai elung nou Hanathon dongai shinkü khuküta Iftahel Tsamei nai laokü.

¹⁵Nung mongko Kattat, Nahalal, Shimron, Idalah, naiuso Betlehem-noknio chekü nime, naiuso nung lemkü noitsün noksong nouso hakü noiküla.

¹⁶Nung noknio naiuso noksong nouso Zebulun kau naiuso tsammong nousoüh eptsün goumchi haoson mongko noiküla.

¹⁷Pülejam nouko Isakar kau naiuso tsammongso hau goumchi haoson sonkiu:

¹⁸Nung mongko Jez- red, Kesullod, Shunem,

¹⁹Hafaraim, Shion, Anaharat,

²⁰Rabbid, Kishion, Ebez,

²¹Remed, Engannim, Enhad- dah, naiuso Bedpazez hakü noiküla.

²²Nung elung nou Tabor, Shaha- zumah, naiuso Bedshemesh, tü tsalo nou Yordan tü laokü. Nung lemkü noitsün noksong nouso ko hakü noknio chekü luok.

²³Nung noknio nouso naiuso noksong nouso Isakar kau naiuso tsammongsoüh tengkam eptsün goumchi haoson mongko noiküla.

²⁴Pungojam nouko Asher kau naiuso tsammongso hau goumchi haoson sonkiu:

²⁵Nung mongko Hel- kad, Hali Beten, Akshaf,

²⁶Allam, Melek, Amad, naiuso Mishad hakü noiküla. Ajenap nai nung elungüh Karmel naiuso Shinor Libnad tü thankü noin.

²⁷Ajepek nai khunai elung nou Beddakon ai khu, Zebulun naiuso Iftaled, Bethemek, naiuso Neiel ajepekki yamko yanthatkü khuji. Ajenapki nai tsülaokü Kabal,

²⁸Abron, Rehob, Hammon, naiuso Kana, nung Sidon saokü khuji.

²⁹Nung ainou elung Ramah ai Tair noknio pe tü thankü khuji; Loüh nung ainou Hosah dongai khunai, Mediteranian Khiamnok tü lao-iuji. Nung mongko Mahaleb, Akzib,

³⁰Ummah, Aphek, naiuso Rehob, nung lemkü noitsün noksong nouso ko hakü noknio kheikü nime.

³¹Nung noknio nouso naiuso noksong nouso Asher kau naiuso tsammongsoüh tengkam eptsün goumchi haoson mongko noiküla.

³²Luokjam nouko Napthali kau naiuso tsammongso hau goumchi haoson sonkiu.

³³Nung elung Helep ainou Zananim lampaidong ta jontsün saokü, naiuso Adaminekeb naiuso Jamnia, nung ainou Lakkun saokü khuküta Yordan ko laokü noin.

³⁴Ajenap nai Asnod Tabor ai khu, nung ainou ajepekki nai Zebulun, ajenap nai Asher naiuso ajepekki nai Yordan tü Aukkok saokü noin.

³⁵Nungko lungbe meikü betaiutsün noknio nouso Ziddin, Zer, Hamad, Rakkad, Khineret,

³⁶Adama, Ramah, Hazor,

³⁷Kedesh, Edrei, Enhazor,

³⁸Yiron Mikali, Horem, Be danat, naiuso Betshemesh, nungso noin. Nungso lemkü noitsün noksong nouso ko noknio chekü lükao hakü.

³⁹Nung noknio naiuso noksong nouso Napthali kau nou thalotsün goumchi haaoson ngüso tengkam noin.

⁴⁰Chinyatjam nouko Dan kau naiuso tsammongso hau goumchi haoson sonkiu:

⁴¹Nung haoson mongko Zora, Estaol, Irshemis,

⁴²Shafim, Aijalon, Idla,

⁴³Elon, Timna, Ekron,

⁴⁴Elteke, Gibbethon, Baalad,

⁴⁵Jehud, Beneberak, Gadri- mon,

⁴⁶Mejarkon, naiuso Rakkon, loüh Jeppa lemkü noitsün goumchi nouso mongthiokü noin.

⁴⁷Tilai Dan haiüh ngüso goumchi ashio tsüepkü noiküla, ngüso Lais ai khuküta nung koman. Ngüsoüh nung goumchi tha- loküta nungko noitsün khaiuniahoi loat, naiuso nung goumchi ngüso ün ta wethioha. Ngüso nungko kihlo küta Lais noknio nian nung ngüso paosipo Dan nianphi li-elo.

⁴⁸Nung noknio nian Dan ta li-elo, nung Dan tsammongsoüh goumchi haoson eptsün mongko noin.

⁴⁹Tilai Israel haiüh goh janthattsün chhisiya khemkü shin, ngüsoüh Nun thso Yihusua hau apa tengkhaiu goh haoson tsak kiu.

⁵⁰APAOU nou thoiluttsünli, Efraim king goumchi nai noitsün Timna Sera noknio apaüh saotsünli ngüsoüh apa hau kium.

⁵¹Shiloh nai APAOU ko chiteao APAOU noitsün Nejenkhio koukhan nai meson Eleazar naiuso Nun thso Yihusua naiuso Israel hai tsammong kau nai aheihoi nousoüh nung goumchi haoson nouso phongde tsangkü sonkiu. Nungli ngüsoüh goumchi nou janthat.