Read Khiamniungan Naga Yihusua 20 Bible Online

Yihusua 20 - Khiamniungan Naga bible

Yihusua 20

¹Nungai APAOU nou Yihusua tü ngiom,

²Israel thsoso tü nungti lüngio, “Ngo Mosa tü hau chi- teao thoiluttsünli, asamüh asolotsün noknio nouso lüshingsan.

³Khaiunia tsak sauüh sathokü amaohai ajantso loatanne, nung khaiunia nou nungai khuküta phaosanau yamtsün ainou soloau shio-e.

⁴Apa nung noknio nouso ongko tsak ko khothioau shio-e, naiuso bekhan nai mikhem thang nai khuau shio-e, küta ti thawaokü noin nung aheihoi hau chiteau shio-e. Nungai ngüsoüh apa noknio mongai niathio küta apa hau akithang kiukü apa nungai noiau shio-e.

⁵Phaosanao yamtsün khaiunia nou nungai apa phiai hoilutkü shiha nai, noknio khaiunia nousoüh nung khaiunia nou apa hau tsülethioau noin. Ngüsoüh apa soloau noin, tiautenai apaüh nung khaiunia nou amongmat shioko tsüdekü sathokü loatan.

⁶Nung taoko akhengting meson thekü noitsün mo eankün lektso tsüdekünai ngiojaneao thaiutha apahoi khako motsakün lektso apa nung noknio nouko noi-e. Nungphiailu khaiunia loattsün nou meshen noknio, noksong naiuso tsamai laokü shi-e.”

⁷Nungtiphe ngüsoüh Yordan ajenap Napthali king goumchi Galil nai Kedesh noknio, Efraim king goumchi nai-Shekem noknio, naiuso Yihuda king goumchi nai- Hebron noknio nouso mothikü chosankü wan.

⁸Yordan ajepek Yeriko singtso goh nai ngüsoüh Reuben goh haoson mongko- Bezer noknio chosan, Gilead nai-Ramod noknio chosan, nung Gad goumchi haoson mongko noiküla, naiuso Manase goh haoson mongko Bashan nai Golan noknio chosan.

⁹Israel hai apem naiuso gohmao khaiunia ngüso ongko kihatsünso thaiutha asoloau noknio chosantsün nungso noiküla. Khaiunia sauüh amao khaiunia sathokü loatan, phaosanao yamtsün khaiunia ainou asolo epao naiuso nyong khako aya- ting mothelukün lektso apa loatao tsüshio-e nungko solokeiau thaiutha nungso noknio nouso noiküla.