Read Khiamniungan Naga Yihusua 21 Bible Online

Yihusua 21 - Khiamniungan Naga bible

Yihusua 21

¹Levi tsammong aheihoi nouso meson Eleazar, Nun thso Yihusua, naiuso Israel kau naiuso tsammong aheihoi apem dongai khu.

²Kanan goumchi Shiloh athang nouko nai ngüsoüh ngüso tü ngiom, “APAOU nou Mosa tsangkü sam kih ao noknio naiuso nung lemkü sam thainian thaiutha thsanyan suntsün goumchi kiu-e ta thoilut.”

³Nung- tiphe Israel haiüh APAOU ün athoilut khekkü Levi hai hau noknio ajantso naiuso thsanyan suntsün goumchi nou ngüso tengkhaiu haoson ainou kium.

⁴Chongting nai Levi kau Kohat tsammongso hau noknio nouso sonkiu. Meson Aron ainou chetsinyimtsün tsammongso hau Yihuda, Simeon, naiuso Benjamin goumchi haoson ainou noknio chekü süme sonkiu.

⁵Kohat kau apoi nouso hau Efraim, Dan, naiuso ajenap nai thalotsün Manase thsoso goumchi haoson ainou noknio che sonkiu.

⁶Gershon kau hau Isakar, Asher, Napthali naiuso ajepek nai thalotsün Manase thsoso goumchi haoson ainou noknio chekü süme sonkiu.

⁷Merari kau hau Reuben, Gad, naiuso Zebulun so goumchi haoson ainou noknio chekü nime sonkiu.

⁸APAOU nou Mosa tsangkü thoi- luttsünli, Israel haiüh nung noknio nouso naiuso thsanyan suntsün goumchi nouso Levi hai hau phongde tsangkü sonkiu.

⁹Levi ainou chetsinyimtsün Kohat kau Aron thsaosithsoso

¹⁰hau Yihuda naiuso Simeon ne goumchi haoson ainou sonkiutsün noknio nian nouso nungso noin: Ngüso hau chongting au thekü sonkiukü noiküla.

¹¹Ngüso hau Arba ün noknio kium, (Arba nung Anak po noiküla), lo nung tü Hebron ta jonji, nung Yihuda ün king goumchi haoson nai noin, nungko nung lemkü noitsün thsanyan goumchi nouso kium.

¹²Noknio nai khengtaiu, naiuso noksong nouso ngüsoüh Jefune thso Kaleb thaiutha au kium.

¹³Asolotsün Hebron noknio ko hakü, meson Aron thsaosithsoso hau nung noknio nouso sonlukiu:

¹⁴Libna, Jatir, Estemoa, Holon, Debir.

¹⁶Ain, Juda, naiuso Betshe- mis, thsanyan suntsün goumchi hakü nai Yihuda naiuso Simeon kau ainou noknio lükao.

¹⁷Benjamin goumchi haoson ainou ngüso hau noknio püle- Gibeon, Giba, Anathot, naiuso Almon tü to thsanyan sunkü noiküla.

¹⁹Meson thsaosithsoso hau noknio naiuso thsanyan suntsün goumchi apem kamko nai chekü süme kium.

²⁰Levi kau Kohat thsoso hau Efraim goumchi haoson ainou noknio püle kium: Efraim king goumchi nai noitsün Shekem nungko thsanyan suntsün goumchi hakü Gezer, (nung asolotsün noknio ongko tsak noin.)

²²Kibzaim, naiuso Bet Horon, nungko hakü thsanyan suntsün goumchi nouso kium:

²³Dan goumchi haoson ainou ngüso hau noknio püle kium: Elteke, Gibethon,

²⁴Aijalon, naiuso Gatrimom, nungso ko thsanyan suntsün goumchi hakü kium.

²⁵Ajenap nai thalotsün Manase thsoso goumchi haoson ainou noknio nime kium: Taanak naiuso Gatrimom, nungko hakü thsanyan suntsün goumchi kiukü noiküla.

²⁶Kohat kau naiuso tsammongsoüh apem nai noknio che, nungko hakü thsanyan suntsün goumchi nouso kium.

²⁷Gershon kau Levi hoi amao tsak nou ajepek nai thalotsün Manase kau apaitso goumchi haoson ainou noknio nime ep- Bashan nai Golan (nung asolotsün noknio ongko tsak), naiuso Bestera, nungso ko hakü thsanyan suntsün goumchi haoson kiu.

²⁸Isakar goumchi haoson ainou ngüsoüh thsanyan suntsün goumchi hakü noknio püle ep: Kishion, Daberat,

²⁹Jarmut naiuso Enganim.

³⁰Asher goumchi haoson ainou ngüsoüh thsanyan suntsün goumchi hakü noknio püle ep: Mishal, Abdon,

³¹Helkat, naiuso Rehob,

³²Napthali goumchi haoson ainou thsanyan suntsün goumchi hakü ngüsoüh noknio nime ep: Galil nai Kedes (nung asolotsün noknio ongko noknio tsak), Hanot, Dor, naiuso Kartan,

³³Gershon kau naiuso tsammong- soüh thsanyan suntsün goumchi hakü eptsün apem kamko nai noknio chekü süme noiküla.

³⁴Merari kau Levi apoi nousoüh Zebulun goumchi haoson nai thsanyan suntsün goumchi hakü noknio püle ep: Jokneam, Kaarta,

³⁵Dimna, naiuso Mahalal,

³⁶Reuben goumchi haoson ainou thsanyan sun- tsün goumchi hakü ngüsoüh noknio püle ep: Bezer, Jahaz,

³⁷Kedemot naiuso Mefat,

³⁸Gad goumchi haoson ainou thsanyan suntsün goumchi hakü ngüsoüh noknio püle ep: Gilead nai Ramot, (asolotsün noknio ongko tsak), Mahanaim,

³⁹Hesbon naiuso Jazer,

⁴⁰Nungti Merari kau hau apem kamko nai noknio chekü nime kiu.

⁴¹Israel haiüh thalotsün goumchi ainou apem kamko nai noknio aopülekü petjei, nungko hakü nungso lemkü noitsün thsanyan suntsün goumchi nouso ta Levi hai hau kiuwan.

⁴³Nungtiphe APAOU nou Israel hai hau ngüso paosiposo tü ngiomong thalotaiutsünli, goumchi apem ngüso tengkam ao kium. Tilai ngüsoüh nung goumchi nou thaloum, ngüso nungko kihlokü khu.

⁴⁴Apaüh ngüso paosiposo tü thalotaiutsünli, APAOU nou ngüso hau goumchi nai aalo nou kium. Ngüso ehso tsaktso ngüso thako tsa au tsüshiokü noiküla, tiautenai APAOU nou Israel hai hau ngüso ehso apem khako ashiolotsün kium.

⁴⁵APAOU nou Israel hai tü thalokü taiutsün tsaktso tsüwankü chhin, naiuso apem ashio epm.