Read Khiamniungan Naga Yihusua 3 Bible Online

Yihusua 3 - Khiamniungan Naga bible

Yihusua 3

¹Nungthan nyap nai Israel khaiuniahoi apem beta chukü, ngüso saothang Akacia ainou wankü, Yordan nai shin, nungai ngüsoüh asaothang shankü haiu yanao taiukü noiküla.

²Samnyi phiai aheihoi nouso asaothang nou yankü khu,

³küta khaiuniahoi nouso tü ngiom, “Tilai asamüh meson nouso APAOU asam Goa ün Athalou-e Ngiokhem Paidan pikü eppe, nungai asam saothang nou laopeng küta ngüso phiai ahoilut.

⁴Asam nung khako nungai tilaitso tsünoiküla, nungtiphe ngüsoüh asam khuau yam hane. Lüko Athalou-e Ngiokhem Paidan nou dongai shimkü lakhu, kilometer tsak thatso sheitsaikü anoi.”

⁵Yihusuaüh khaiuniahoi nouso tü ngiom, “Asam chija lülosiolo, tiau- tenai lühom APAOU nou asam ongko athanga ii nou chhi-e.”

⁶Nungai apaüh meson nouso tü Athalou-e Ngiokhem Paidan nou piloküta khaiuniahoi nouso khako lükhu ta ngiom. Ngüsoüh nungko angiotsünli chhikü noiküla.

⁷APAOU nou Yihusua tü ngiom, “Lonyi Israel khaiuniahoi apaüh epkü ni losungau yaloji, nungtiphe Mosa ko ngo hakü shitsünli ni ko lüko hatsün ngüsoüh ngesane.

⁸Athalou-e Ngiokhem Paidan pitsün meson nouso tü nung lüngio: tilai ngüsoüh Yordan Haiu shisao-e, ngüso haiukok nai tsülemlemkü tsakü anoi.”

⁹Nungai Yihusuaüh khaiuniahoi nouso tü ngiom, “Nungai ashi naiuso APAOU asam Goa nou ti ngioau noin nungtü anglu.

¹⁰Asam kha ai khunai, apaüh Kanan hai, Hit hai, Hiv hai, Periz hai, Girgas hai, Amor hai, naiuso Jebus hai atsüoting komane.

¹¹Tilai APAOU Athalou-e Ngiokhem Paidan nou goumchi apem yankü khaai khuji, nungai aa Goa nou asam ongko haan ta asamüh nge-e.

¹²Lo khaiunia chekü nime Israel kau pungkü ainou tsak tsak achosan.

¹³Tilai goumchi chikü ün APAOU Athalou-e Ngiokhem Paidan pitsün meson nousoüh khiam nai hok ngamthio-e, Yordan Haiu tsangtsün laowane, küta khiam tsangkü saotsün athang tsak ko kiapjeikü wane.”

¹⁴Nung jilotaophe khiam nou tsangkü noiküla. Tilai khaiuniahoi nou Yordan Haiu yankü khuau ngüso saothang ainou tsalo, mesonhoi nouso Athalou-e Ngiokhem Paidan nou pikü ngüso khako khukü noiküla. Mesonhoi nou haiumong nai ngüso hok ngamthio si ngamthio,

¹⁶khiam tsangtsün lao- wan küta khiamngan nai Zerethan shimkü noitsün Adam noknio sung- ngoikü kiapsan. Ee Khiamnok dongai tsangitsün haiu nouso apem appan, naiuso khaiuniahoi nou Yeriko shimkü yankü shiao shiokü noiküla.

¹⁷Khaiuniahoi nou goh wai nai yankü shikhutsün taoko, mesonhoi nouso APAOU ün Athalou-e Ngiokhem Paidan nou pikü khaiunia apem nou moyankhemkün lektso Yordan Haiu- wemko gohwai nai tsakü noiküla.