Read Khiamniungan Naga 1 Timothi 4 Bible Online

1 Timothi 4 - Khiamniungan Naga bible

1 Timothi 4

¹Lühom tsangnyi khaiunia ajantsoüh ngüso amonglam lean-e ta Onthso nou tsangsheikü ngioji; ngüsoüh atsüotsüdekün onthso nouso tü angkü biya nousoüh tsandetsün tü hoilute.

²Ngüso akaosai nou ajantsoüh tsüthakü niatsün onthso nouso naiuso angei onthso nousoüh tsandetsün nai mongkiu-e, naiuso amonglam ainou saliane ta onthso nou tsangsheikü ngioji.

³Nungtin khaiunia nou tsamsigoh yangtsün naiuso eheshiu ajantso heshiutsün nung aphio ta tsandeji. Lüko Goa nou sauhai monglamkü noin naiuso ngiotsüo nou ngela-iu, nianlomkiu misao saokütün phiai, nung eheshiu nouso heau shan.

⁴Goa nou shantaiu nouto alum amei noin, tsak lüko awanau tsüha, lüko alum nianlomkiu misao tsangkü loau noin,

⁵tiautenai Goa ngio naiuso misao tsangkü Goa khako aluau lümeikü iulaji.

⁶Ni nung ngio nouso deisinioso mongai taiukiu nai, ni amonglam sübao naiuso amei tsandetsün angio angkü kankeiji, nung amonglam ngiotsüo nou tsadkü, ni Yisu Khrista yathsüotsün amei the-e.

⁷Lüko tisübao atheau tsünoikü chitetsün Goa tsühakün ngiolat nouso ainou pungekü lünoi. Asio aakih thaiutha ni achija akowetsün nai lünoi.

⁸Shesinyih nou kowetsün nai alesan intso noin, lüko onthso nou kowetsün yam pungkü nai meijeng, tiautenai lo naiuso ashiau nou aakih nemtso thaiutha nungüh thaluji.

⁹Nung ngio apemüh thumkü monglamkü loau maikü noin.

¹⁰Samüh nung thaiutha chhiji naiuso koweji, tiautenai tekkü amonglamhoi apem kipsantsün aa Goa da samüh sam amonglam taiuji.

¹¹Ni nungso atsande naiuso ayamhan nouso ngüso hau lüchite.

¹²Ni oum tao sauhau tsüvesan-ikü lakankei-i, lüko ngio singio nai, saisile nai, atsüojin nai, amonglam nai, naiuso ayanthsüo nai, amonglamhoi khako athatluau tsak lünoi.

¹³Ngo moshikün lektso ni apin khako Asiongio vedetsün, chimtsün, naiuso tsandetsün nai atao naiuso mong lükiu.

¹⁴Ni da e-pohoi nousoüh chitetsün naiuso petchehoi nousoüh ngüso pha thangluttsün taoko Onthso paopei sübao kiukü noin nungso tsüvesankü lawan.

¹⁵Nungsoko ni shejikantsün apemüh epsanau thaiutha ni nungso ta chhilutkü naiuso mongkiukü lünoi.

¹⁶Apim naiuso ni tsandetsün thaiutha lütsüo. Nungso chhilutkü lünoi, tiautenai ni chhilutkü noi naito, ni tsandetsün da angtsünso naiuso apim kipsane.