Read Khiamniungan Naga 2 Timothi 1 Bible Online

2 Timothi 1 - Khiamniungan Naga bible

2 Timothi 1

¹Paul, Goa nou mongchiotsün tsangkü Yisu Khrista hongthon, sübao samüh Yisu Khrista ko ajeiai noin, nung athalutsün aa thipengkiuau hongtsün tsak ainou

²Ngü tsüojintsün thso, Timothi dongai: Po nou Goa naiuso sam APAOU Yisu Khristaüh ni hau atsüojin asong, atsüojinyang, naiuso aalu lünoi.

³Jüpaosiposoüh chhikü shitsünli, ngo sansimong asio nou Goa hau nianlom kiuji.Ngo ni jü misao nai asoh naiuso anyi asaita yangsantsünli apa hau nianlom kiuji.

⁴Ngo amongling nou saiukü iulaau thaiutha, aniochekhiam yangsankü ngo ni eppau thatü mongchioji.

⁵Ni amonglam saitha taiutsün ngo yangsanji, nung amonglam ajii Loiüh naiuso anyiu Euniceüh lüko naiuso ni lüko taiuküla ta ngo monglamji.

⁶Nung shioko jüpha nou thangtsün tsangkü Goa paopei sübao ni da noin, nung nyai-iau ngü ni hau yangsan-iji.

⁷Tititenai Goa nou sam hau ahat Onthso tsüde, lüko oukong naiuso atsüojin naiuso athatsamtsün Onthso kiu.

⁸Nungtiphe sam APAOU thaiutha tsangsheikiuau, tsüdekünai apa khouthiotsün thaiutha lamiam, lüko Goa oukong nou ngem amei thaiutha omhe lüjeilu.

⁹Apaüh sam kipsan naiuso apa ün khaiunia theau jon, lüko samüh ti chhin nungüh tsüde, lüko apa ün ayangtaiu naiuso atsüojin shioko noiküla. Apaüh nung atsüojin Yisu Khrista tsangkü pe aita sam hau kiukü noiküla.

¹⁰Lüko lo sam aasantsün Yisu Khrista atsangshei sungh, nungüh mongchiotsün naiuso tsüojintsünli sam jon. Apaüh ee nou lomoküta, ngem amei tsangkü aa naiuso tsüekün awon nai kankü shin.

¹¹Ngü nung Ngem amei thaiutha chimji, naiuso hongthon si atsandetsün theau shingsan,

¹²naiuso nung thaiutha ngo angjaji. Nungti lüko ngo tsümiamji, tititenai ngo sau da monglamji apa ngen, naiuso ngo apa pha nai nung ajekhaiu thaiutha tilüsong thoilutkü taiukiu, nung apaüh jimkü noiau shio, nung ngü meikü monglamji.

¹³Yisu Khrista da noitsün amonglam naiuso atsüojin nai ni tsandetsün ainou ngo atsüoting ti lula, nung mongkü semkü lütaiu.

¹⁴Sam da noitsün Asio Onthso oukong tsangkü, asam tü thoiluttaiutsün nou Ngem Amei jimkü lünoi.

¹⁵Asia nai noitsün apem jüdong ainou phoklekü khuwaniu ta ni ngeji; ngüso ongko Fugilo si Hermogini noin;

¹⁶Onisifora tsamkhaiu tü APAOU atsüojinyang lünoi, tititenai apaüh ngü hau aalu piaküjam kiu, naiuso ngo sonauo nou ketsün thaiutha ngüso tsümiam.

¹⁷Lüko apa tilai Rom nai noiküla, apaüh ngü tü thsüokü yam naiuso ep,

¹⁸nung ajekhaiu nai APAOU ainou atsüojinyang epau shiokü hau, APAOU nou apa tü angiokiu!, naiuso apaüh Ephesa nai titithatso chhin ni meikü ngen.