Read Khiamniungan Naga 2 Timothi 4 Bible Online

2 Timothi 4 - Khiamniungan Naga bible

2 Timothi 4

¹Goa naiuso Yisu Khrista khako, sauüh ee naiuso aa nouso mikheme, naiuso nokpaoli nokshingau sau shiji, ngü asam tü kojaji.

²Ngem Amei chimau ni ngio nou lütsande(atao nai naiuso atao tsüdekünai lümongchio) ni chim nai laiukü jeilutsün nai, lüshiolo, lüthut, naiuso lülotsüo.

³Khaiuniahoi nou atsandetsün amei nou tü mongkiuau atao nou shi-e, lüko ngüso meshen achinek nai khu-e, naiuso ngüsoüh angluao atsandetsün apialu ngüsoüh kamshikü taiu-e.

⁴Naiuso ngüso nuokhan ngiotsüo ainou phoklekü ngiolat atsüotsüdekü tsandetsün nai khu-e, nungtin atao shi-e.

⁵Lüko ni apemai ayanglu lünoi, angja lüjeilu, achimtsün chhi lüchhi, ni yathsüotsün chhi lüthapung.

⁶Tititenai ngo loto aa chaithio kiuwanji, naiuso ngo pungeau atao shisaoji.

⁷Ngo ehli amei lihe-iu, ngo athattaiu ngoikü se-e-iu, ngü amonglam nou taiu-iu.

⁸Lo yakü jüthaiutha asio Kandio sübao APAOU mikhem nai ngü hau kiu-e, nung khemkü taim, naiuso nung ngü haulu tsüde, lüko sauhaiüh apa shitsün tsüojiniu ngüso apem hau lüko nung kiu-e.

⁹Ni jüdongai shakta shiau lükowe,

¹⁰tiautenai Demaüh nung goumchi aakih tsüojin nou shioko, ngo wankü apa Tesalonika ai khu-iu.

¹¹Galatia ai Kresen naiuso Dalmatia ai Tita ta ngüne khu-iu. Luk lu ngüko noin. Niko Mark nialokü ashisai, tititenai ayathsuotsün chhi nai apa jüthaiutha ahachutsün noin.

¹²Lüko ngo Ephesa ai Taikika hong.

¹³Ngü Troa nai Karpo phamongko taiukiutsün nekhut, naiuso thsamsat nouso, tekkü nyikhun nai sattsün thsamsat nouso, ni tilai shi-e, nungso kankü ashi.

¹⁴Sonlangtsün Alexanderüh ngü tü thatü tsümeikü kankei. APAOU nou apa hau meshen chhi mai laokü kiu-e.

¹⁵Ni lüko apa thaiutha ko lütsüolo, tititenai apaüh sam ngio tü thsüokü kiapji.

¹⁶Chongting nai ngo jü thaiutha mikhem khako tsa nai, jüdongko sau lüko tsünoiküla; apemüh ngü wankü khuwan. Goa nou nung ngüso thako lavesankiu!

¹⁷Lüko ngo ngiongem thapengkü thipengkiuau, naiuso Melemaohai apemüh lula au thaiutha, APAOU nou jü dongko tsakü jü oulokongkiu! naiuso ngo aloatau noitsün ainou kipsan.

¹⁸Naiuso APAOU nou ngo tsümeikün apem ainou kipsane küta apa nokshing ai niasane. Athontsüyang ajinka APAOU hau lüthe! Amen.

¹⁹Ngo Priska, Akila, naiuso Onesifora tsamkhaiu hau salam hongji.

²⁰Erasta Korint nai noin, naiuso ngo Trofima Mileta nai akia lean.

²¹Ni nungai chongtao khako shiau thatü lükongsai. Eubulo, Poden, Lino, Klaudia naiuso deisinio apem nou ni hao salam kiuji.

²²APAOU a onthso ko lünoi. Asam apem ko Goa atsüojin asong lünoi.