Read Khiamniungan Naga Tit 1 Bible Online

Tit 1 - Khiamniungan Naga bible

Tit 1

¹Paul, Goa yathsüotsün naiuso Yisu Khrista hongthon tsak ainou. Sam don nou tsandetsün ngiotsüo nai ngüso niaau naiuso Goa achosan khaiuniahoi amonglam nai hachuao ngo hong.

²Nung athontsüyang aa thaiutha yaang tsütsandekün Goa nou atao moyalokün khako sam tü aa nou thalokü taim,

³naiuso nung atao tongtü nouko apaüh apa Ngiongem nouko tsangsheikiu. Sam kipsantsün Goa ngiokhem tsangkü ngü tü thoilutkü taiutsün ngem amei nung ngü thipengkiu.

⁴Amonglam nai wekü noitsün jü thso Tit dongai nung sat. Po nou Goa naiuso sam kipsantsün Yisu Khristaüh ni hau atsüojin asong naiuso aalu lükiu.

⁵Noknio pungkü nai donthe aniakeihoi ti chhi ai poukü sungji nungai thioau shiokü hau ngo ni Crete nai taiukiu, nungtiphe ngo ayamhantsünso lüyangshi:

⁶donthe nai petche tsak theao aphio tsüsunkü, apaüh tsammongnyiu tsaklu taiukü, apa thsoso angem losantsün tsüdekü monglamkü noitsün lüthe.

⁷Tititenai donthe ahei nou to Goa chhi jimtsünphe, apa to aphio tsülepkü noiau noin. Apa to meshen mongchio tsüde, shakta mongmat sungtsün tsüde, theng shiutsün tsüde, mongseng tsüde, ehethaikhan tsüde,

⁸lüko mesan tsadtsün, amei tsüojintsün, ayangluhetsün,

⁹ngiotsüo, asio, athatsangtsün, ngiotsüo chimtsün nai lotsüoau shiokü, naiuso tsüthalotsün aphio tsangsheiau thaiutha atsandetsünli amonglamtsün ngio thaluau shiokü nou theao noin.

¹⁰Tititenai yaang ngio chitetsün, asapthio-etsün naiuso angio tsüangkü piakü; tekkü atippantsünso nungtin noin.

¹¹Ngüso nungtin chhi ainou lolaoau noin, tiautenai ngüsoüh ayam tsüdekü nou tsandekü, tsamkhaiu thumkü tangka shanao thaiutha amiam chhiji.

¹²Ngüso mongko e-po tsak nou nung Cretan apa pem noiküla, ngüsoüh tilaitso ngiotsüo tsüngio, “Cretanhai asaita atsüotsüdekünso, akausai thainianhoi, naiuso cholak ehethaikhanhoi.”

¹³Nung thaiuthako ni ngüso tü thsüokü thutau noin, naito ngüsoüh amonglam meikü shanshi-e;

¹⁴naiuso Yihudahai ngiolat nai, naiuso ngiotsüo ainou phoklekü khutsün khaiunia nouso ngiokhem nai, mongtsükiuau thaiutha ni ngüso tü thsüokü lüthut.

¹⁵Ayanthsüo nouso tü alum ayanthsüo noin; lüko tsüyanthsüokünso naiuso tsümonglamkünso khako titso ayanthsüo tsünoi, tiautenai ngüso mong naiuso mongpem nemtso tsüyanthsüo.

¹⁶Ngüsoüh Goa ngeji ta thaluji, lüko ngüso chhi nou tsühanji, ngüso achinyan, angio tsü-ang, naiuso chhi amei chhiao thaiutha tsütin.