Read Khiamniungan Naga Ibri 2 Bible Online

Ibri 2 - Khiamniungan Naga bible

Ibri 2

¹Nungtiphe sam amonglam ainou tsütailükhunau, sam chiküüh ti ngiotsüo lulan nungtü mongkü helutkü noiau noin.

²Sam paosiposo tü Ngem Amei aün honghoi nou kiu nou nung ngiotsüo ta hanji, naiuso ajantsoüh nungtü tsühoilutnai, naiuso ngio tsü-ang nai, apa chhi mai angja ep.

³Naito, samüh nungtin Aasan Asong Ngem tsülokünaito sam titi thekü thakhu-e? APAOU pemüh ayanai nung aasan thipeng, naiuso sauhaiüh apa ngio lulan nung ngiotsüo ta mitha kiuji.

⁴Nungko hakü ngüso tü apa mitha ii in amomo hantsün tsangkü, naiuso athanga nouso, naiuso Asio Onthso paopei sunkiukü apaüh mongchiotsün likü hoilutkiu.

⁵Goa nou aün honghoi nouso ashiau noitsünsübao ayan goumchi thaiutha sam chiteji nungai nokshingau tsütaiukiu.

⁶Nungliko Asiongio thsam ajantso ai nung ngiotsünli: “O Goa, ni khaiunia nou yangsanao lümeikü apa ti? ni apa tü paotsangao lümeikü nung ti khaiunia?

⁷Ni apa aün honghoiko intso henthsokü shan, ni apa hau ajinka naiuso asuhat kandio kiu,

⁸naiuso apa apem khaiuko nokshingao shankiu.” Goa nou khaiunia hau apem khaiuko nokshing shankiu ta ngioji, nungko in pungkü mongthioji. Lüko lo saokü apem apa khemai iulatsün khaiunia samüh tsüepji.

⁹Lüko aün honghoi nouko sau intsolu henkü iula-in, apaüh Goa atsüojin nou khaiunia chikü thaiutha ean. Apa ekü angjatsün tsangkü loto apa ajinka naiuso asuhat kandio keikü epji.

¹⁰Goa sauüh apa shanji naiuso apem apa tsangkü noin, apaüh Yisu angjatsün nai ahao pungkü iula-ikü naiuso apa ajinka nai haoson lu-iao piakü niakü shi-iao athattaiu noiküla.

¹¹Apaüh khaiuniahoi ngüso angei ainou losiokiuji, nungti alosiokiutsün naiuso alosiohoi apem thaiutha po tsak noulu. Nungtiphe Yisu ngüso tü deisinio ta jonau tsümiamji.

¹²Apaüh Goa tü ngioji, “Ni ti chhin, ngü nung jü deisinioso hau chite-e; ngüso kamnai ngü anian lom-e.”

¹³Apaüh lüko ngioji, “Ngü Goa da amonglam taiu-e” Naiuso apaüh lüko ngioji, “Ngo hau Goa nou kiutsün thsoso hakü ngo nungai noin.”

¹⁴Tititenai apaüh methsohoi ta jontsünso shesinyih khaiuniaphe, ngüsoli khaiunia haoson luao apa ngüsoli iula. Apaüh nung angei biya sübao ee chiai oukong noin, nung apa ee tsangkü lotheanau chhin,

¹⁵naiuso nung tsangkü sauhai ee lun hattsün nai meshen aakihlaiu thathonkü sua iulakü noiküla, nung ainou sokthamkiu.

¹⁶Tititenai atsüoting apaüh aün honghoi tü hachukü tsüde. Nungliko Asiongio nou ngioji, “Apaüh Abraham le tü hachuji.”

¹⁷Nungtiphe khaiunia nouso angei aasan Onthso kiuau thaiutha Goa chhi apemai apaüh atsüojinyang naiuso monglamtsün Akhengting Meson asong iulaau apa thaiutha ayam noiküla.

¹⁸Tititenai apaüh meshen pem alilu epkü angja shiolophe, apaüh alilu eptsünso hachuau shioji.