Read Khiamniungan Naga Ibri 3 Bible Online

Ibri 3 - Khiamniungan Naga bible

Ibri 3

¹Jü Khristan deisinioso, sau Goa tsangkü jon! Samüh thalutsün amonglam nai Akhengteng Meson theau sau Goa nou hong, nung Yisu lüyanglu.

²Titi Mosa Goa tsam nai monglamtsün noiküla, nungti sauüh apa chosan, apatü apa lüko monglamtsün noiküla.

³Tititenai tsam nouko naito tsam shantsün titi nianlom tekkü epji, nungti Mosa konai apa tekkü ajinka thamaikü lomiu.

⁴Titi tsam apem nou khaiunia ajantsoüh shanji, lüko sauüh alum shan nungto Goa.

⁵Ti aphi nai chiteau noiküla, nungso atsangshei thaiutha tsamkili Mosa apa tsam apemai atsüoting monglamtsün noiküla.

⁶Lüko Goa tsam nai oukong eptsün Thso tsakli Khrista amonglamtsün noin. Samüh sam amongsong naiuso ti thaiutha ayangtaiu noin nung mongtsamkü apa tü thoilutkü taiu naito, sam apa tsam noin.

⁷Nungtiphe Asio Onthso nou ngiotsünli, “Lonyi samüh apa sang lulanai,

⁸asam paosiposoüh Goa thako tsaotsünli mong kongküto lathe, ngüsoüh liutsa nai tsakei taoko Goa tü lilu.

⁹Nungai ngü chhitsün pon aopüle eplüko, ngüsoüh ngo tü lilu ta Goa nou ngioji.

¹⁰Nungtiphe ngo nung khaiunia nouso tü mongmatkü ngiom, ‘Ngüsoüh asai mong tsükiuji, naiuso ngü thoiluttsünso tü anglu au tsüaiuji.’

¹¹Ngo mongmat küta athalu-etsün tsak shan: ‘Ngü ashio alu kiuao noitsün goumchi nai nung khaiunia nouso tilaitso tsünappe!’”

¹²Deisinioso, aa Goa ainou saliau asam sau da tsümonglamkün mongpem tsünoiau lütsüolo.

¹³Asam sautso angei tsangkü tsüsapthio-iau nou liko, mong kongkü tsü-iula au Asiongio nou sam tü “Lonyi” ta ngiotsün lektso to asamüh haisihai ne hachu-eau noin.

¹⁴Tititenai samüh sam aya amonglam mongkü athon saokü thalunaito, sam Khrista ko hachu-etsün noin.

¹⁵Asiongio nou ngiotsün nung noin: “Lonyi asamüh Goa sang lulanaito, asam paosiposoüh Goa thako khengshikü, mong kongtsünli to lakong.”

¹⁶Tititenai sauhaiüh Goa sang lulaküta apa tü khengshin? Nung Ijip goumchi ainou Mosaüh niakü shitsün apemüh tsüdeso?

¹⁷Pon aopüle taoko Goa sau tü mongmatkü noiküla? Khaiunia sauhaiüh angei chhi kankeikü liutsa nai ean nungso noiküla.

¹⁸“Nung shioalu kiuao noitsün goumchi nai nung khaiunia nouso tilaitso tsünappe” ta sauhai tü ngio? Nung akhengshihoi ta ngio.

¹⁹Tsümonglam nou shioko ngüso anappau tsüshio ta samüh epji.