Read Khiamniungan Naga Ibri 5 Bible Online

Ibri 5 - Khiamniungan Naga bible

Ibri 5

¹Akhengting Meson pungkü nou aa thumkü thiotsün chaithio, naiuso angei thaiutha chaithio thioau meshen khaiunia ainou chosanküta ngüso liko Goa yathsüoji.

²Tiautenai apa da ahao tsüpongtsün noiphe, tsüngekün naiuso aphio khaiuniahoiko apa shetsamloau shioji.

³Nung thako khaiunia nouso thaiuthalu tsüde lüko meshen thaiutha lüko nungti angei thaiutha chaithioau poukü noin.

⁴Khaiunia sauüh meshen chija nung asuhat tsüluji. Lüko Aron jontsünli tilai Goa nou apa jone, nungai apaüh nung luji.

⁵Nungti Akhengting Meson iulaau Khristaüh lüko meshen chija ajinka tsülu, lüko Goa nou apa tü ngiom, “Ni jü Thso, lonyi ngo Apo iula-iu.”

⁶Apaüh loüh amao tsak ko ngiom, “Melkizedik thangko shitsün ahoi nai, ni athontsüyangkü meson tsak the-e.”

⁷Tititenai Yisuüh apa goumchi nai kih nai, apa ee ainou sauüh kipsanau shio apa tü thsüokü vetsün naiuso niochekhiam nou saokü misao thsüokü koja. Apaüh thatü nyapkü naiuso mongkiuphe apaüh kojatsün lula.

⁸Naiuso apa Goa Thso thelüko apa angja omhetsün nai angio angau ngeloum.

⁹Naiuso tilai apa athapungtsün iulan apa tü angio angtsün chikü thaiutha apa athon tsüyangkün aasan kiutsün iula,

¹⁰naiuso Melkizedek thangko shitsün ahoi nai Akhengteng Meson ta Goa nou jon.

¹¹Apa thaiutha samüh angioau piakü noin, lüko asamüh ngelaau thatü chekphe atsangshei kiuao thatü chek.

¹²Tititenai atao nung lektso noukoto asam atsandetsün iulakü noiau noiküla, lüko Goa ngio nouso ayanthsüo mongyang asam tü ajantsoüh tsandeau poukü iula-e. Naiuso eheshiu ajuoche heau tsüde, lüko jangnyaolu shiuao poukü iula-iu.

¹³Tititenai jangnyao shiutsünsoto loüh tha sei tsütha janthatau moshiokü ti mothawaohetsün nionyaothso.

¹⁴Lüko khaiunia ashe hai sauhaiüh sai iulatsün tsangkü amei tsümei janthatau meshen mongyang thatsamiu, ngüso thaiutha eheshiu ajuoche nou noin.