Read Khiamniungan Naga 2 Peter 1 Bible Online

2 Peter 1 - Khiamniungan Naga bible

2 Peter 1

¹Yisu Khrista hongthon naiuso ayathsüotsün tsak Simon Peter ainou Sam Kipsantsün Yisu Khrista asio Goa nai samko chaiou amonglam wekü eptsünso dongai:

²Asamüh Goa naiuso Yisu sam APAOU ta ngetsün tsangkü asam atsüojin naiuso aalu nou miankü lünoi.

³Tititenai sauüh meshen ajinka naiuso athapungtsün nou asam jon, apa ngetsün tsangkü Goa oukong nou aa naiuso asio thaiutha sam hao alum kiu-iu.

⁴Nungti chaiou, ameiting naiuso athaloutsün asong apaüh sam hau kiu-iu. Nung tsangkü goumchiko achinek noitsün amowanao ainou thakhu-e, naiuso asam Goa sakshi janelutsünso iula-e.

⁵Ah, nung thaiuthalu asamüh kongkü kowekü, asam amonglam nou da amei nou lükamlut, amei nou da angetsün lükamlut;

⁶angetsün nou da meshen chija thatsamlotsün, naiuso athatsamtsün ainou ajeilotsün, ajeilotsün ainou asio,

⁷asio ainou deisiniso atsüojine, naiuso deisinio atsüojine ainou atsüojin lükamlut.

⁸Nung eiu nouso asamüh poukü noin, naiuso asamüh nungso saiukü taiu naito, nungsoüh asam sam APAOU Yisu Khrista ngetsün nai tsücholakkü tinkü shankiu-e.

⁹Tititenai sauüh nungso tsütaiu, apaüh kümi angei ainou losiotsün beyanphe, apaüh shimkü noitsünlu epkü apa niopek.

¹⁰Nungtiphe deisinioso, asamüh meshen jontsün naiuso chosantsün atsüo ngeao thatü lükowe, tititenai asamüh nungso chhi naito, asam amonglam tilaitso tsülothe-e.

¹¹Nungli asam APAOU Yisu Khrista athontsüyangkün nokshing nai napao tinkü iula-i-e.

¹²Nungti asamüh nungso chikü ngelüko, naiuso asamüh lotsün ngiotsüo nai mongkü noilüko, ngü nungso asam hao yangsan-iao asaita khemlokü noi-e.

¹³Ngü aa noitsün lektso asam mongyang lothsümon kiuao jü chhi noin ta ngo yangji.

¹⁴Sam APAOU Yisu Khristaüh ngo tü asaita ngiotsünli, Ngü nung eantsün pem shakta wane ta ngeji.

¹⁵Naito ngo eankütün phiai atao chikü nai nungso asam thaiutha yam tsak yangsan-iao ngo shiotsünko yangkü kowe-e.

¹⁶Tilai samüh sam APAOU Yisu Khrista oukong naiuso ahkü shitsün ngio asam hau nge-in, mongthat shantsün ngiolat da sam tsühoilut, lüko apa atsüoting niovei nou eptsün mitha nouso nung sam pem noiküla.

¹⁷“Nung Jü Thso, sau da Ngo monglamji,” ta sang shitsün nou apa Po Goa ainou nianlom naiuso ajinka asong ep, nungai sam hakü noiküla.

¹⁸Sam apako asio king nai noinai, aün ainou saotsün sang nung samüh lukü noiküla.

¹⁹E-po nouso ngio atsüo ta samüh tekkü monglamshin. Anyi awonli mo-iulakün lektso naiuso asam mongai ajin uokü kianthsüo mosungkün lektso, anyakhem nai awon kiutsün tsonli, nung ngio nouko asam mongkiu nai mei.

²⁰Tititenai Asiongio nai khapiam ngio nou tilaitso khaiunia mongchiotsün nou tsüde, lüko khaiuniahoi nouso Asio Onthso nou lutsüokü Goa ainou chiten.

²¹Tititenai e-po nouso tsangkü shitsün khapiam ngio titso khaiunia nou mongchiotsün nai tsüshi, lüko ngüso Asio Onthso nou mianküta nung ngiongem Goa ainou shitsün chiten.