Read Khiamniungan Naga 2 Peter 2 Bible Online

2 Peter 2 - Khiamniungan Naga bible

2 Peter 2

¹Ayanan tao khaiuniahoi ongko e-po üji nouso sung, nunglilu asam ongko lüko atsüo tsüdekü tsandetsünso sung-e. Ngüsoüh alotheantsün, atsüotsüdekün achimyam nouso, naiuso ngüso shiosantsün APAOU nou tsüthalou-e, nungti ngüsoüh ngüso chiai chija amowantsün kankü shi-e.

²Piakü nou ngüso ajisiwop chhi nai hoilute, ngüso chhi tsangkü ngiotsüo yam nou lochi-e.

³Ngüsoüh achinektsün nai laple ngio nou asam ainou alesan yam-e. Tititenai atao laiukü ainou lo ngüso mikhemtsün khemlokü noin, naiuso ngüso Lotheanao nou thsümonkülu noin!

⁴Tilai aünhonghoi nou angei sonlo, Goa nou ngüso hau atsüojin tsühan, lüko inheeng nai yakthiowan, nungko ngüso anyakhem nai sonkhiang nou kekü Mikhem Ajekhaiu thaiutha taiuwan.

⁵Goa nou akeng goumchi tsütsüojin, lüko Goa tsühatkünso khako apaüh shelei shi-in, nungai amao khaiunia chinyat nouko asio tsandetsün Noa Apaüh kipsan.

⁶Sodom naiuso Gomora noknio jekthiowan küta pu iula-kü mowan-ikü Goa tsühatkünso thaiutha alat ao iulakü taiukiu.

⁷Apaüh khaiunia amei Lot, sau tsümeikün ajisiwop chhi nouso ta mongmat apa kipsan.

⁸Apa ngüso ongko khaiunia amei kihküla, naiuso ngüso chhi tsümeikün apaüh eptsün si lulatsün thaiutha apa asaita mongkiakü yangelat.

⁹APAOU nou asio nouso alilu ainou titi kipsane, naiuso sauhai tekkü tsüsiokü nyih phiai hoilutkü tsüsiokü shesinyih phiai tsakeiji, ngüsoüh athon Mikhem Ajekhaiu thaiutha taiukü noin.

¹⁰Tekkü sauhaiüh shesinyih achinek phiai hoilutji ngüsoüh Goa oukong lotsaoji. Ngüsoüh momo mongthat kankeikü ajinka nai noitsün asong nouso lochiao tsühat.

¹¹Aünhonghoi nousoüh lüko ngüso tü oukongkü naiuso oukong songtsokü lüko, ngüsoüh APAOU khako ngüso thako alochi ngio kankü tsüshiji.

¹²Lüko ngüso mongyang tsünoikün khaiunia nouso thainian saili kih ao thaiutha chet, ngüsoüh ti tsünge nung lochiji, ngüso liu-thainianli mowan-e.

¹³Phoklekü chhitsün amaili asapat epkü, ngüso meshen amowantsün chhi nai atsüoting mowane. Ngüsoüh anyi ngüso shesinyih mongchiotsün thasangao aiuji, ngüso asam sümai heshiu nai hatsün nung amiam naiuso alochi noin!

¹⁴Ngüso nioveiüh ajisiwop nyiuhoi ta thapao aiuji, ngüso achinek ainou lolaoao tsüshio. Ngüsoüh mongtsükongkünso tailokü khuji, ngüso mong achinektsün nai sai ao iulakü noin, ngüso Goa athesan kiutsün khemai noin!

¹⁵Ngüso ngiotsüo yam ainou phoklekü, Beor thso nou Balam yamai tsakeiji. Apaüh aphio chhitsün mai tsüojin, lüko apa tü apa aphio thaiutha thut-in,

¹⁶ngio tsüngekün gado tsaküh khaiunia ngio chitekü e-po chhi tsümeikü ainou lolao.

¹⁷Nungso khiam tsünapkün temkhao naiuso ah-ou-ahsheih nou shiplükhuntsün thengmia noin, ngüso thaiutha Goa nou ateitham anyakhem athang tsak taiukü noin.

¹⁸Ngüsoüh abülom naiuso mongkongtsün ngio ngioji, naiuso aphio ainou thakhuao aiutsün khaiunia nouso shesinyih pem achinek jin nai thaloau koweji.

¹⁹Ngüsoüh ngüso tü khaiuniatsüo thaiutha thaluji, lüko ngüso meshen amowanao sakshi sonkü noitsün sua noin, tititenai khaiunia sau shiolowankü noin nung ashiolotsün sua ao iulaji.

²⁰Tititenai APAOU naiuso Akipsantsün Yisu Khrista ngetsün nou goumchi tsüyanthsüokü ainou thakhukü shiküta, nung jin nailu monshikü naito, ngüso athon aküo nou aya aküo tü tsaojeng.

²¹Ngüsoüh asio yam tilaitso tsüngekünaibao mei-ela, tititenai nung taiuküta ngüso hau kiutsün asio ngiokhem ainou phokletsünbao tsümeiting.

²²Ngüso tü ti shithawao nung ngio nou atsüoting ta hanji: “Jii tsak apaüh phusantaiu nou tü laolutshiji” naiuso “Yah tsak khiampengküta puchet nai laokü khukü chinkeishiji.”