Read Khiamniungan Naga 1 Yohan 1 Bible Online

1 Yohan 1 - Khiamniungan Naga bible

1 Yohan 1

¹Ayating ainou ti noiküla, samüh ti lula, ti sam niovei nou ep, ti samüh epiu, naiuso sam phaüh thantan, nung Aa Ngio thaiutha samüh asam dongai sat.

²(Tilai nung aa nou tsangsheikü sung, samüh nung ep, nung thaiutha samüh chite naiuso nung, Aa sübao Po nouko noiküla, naiuso sam khako tsangsheikü sung nung athontsüyangkün Aa nou asam tü ngiokiuji.)

³Samko asam lüko jeiaikü iulaau thaiutha Po naiuso apa Thso Yisu Khrista ko sam ajeiai noitsün ko asam lüko haao samüh ti ep, naiuso lula, nung asam tü lüko ngiokiuji.

⁴Sam amongling saiukü iulaau thaiutha, samüh ngio nungso satji.

⁵Goa to awon, naiuso apa da anyakhem titso tsünoika ta samüh ti ngio apa Thso ainou lula, nung asam hau nge-iji.

⁶Sam apako ajeiai noin ta samüh ngioküta sam anyakhem nai tsakei nai, naito samüh ngio nai atsüotsüdekü chiteji, naiuso chhi nai tsühanji.

⁷Lüko apa titi awon noin, nungti sam awon nai tsakei nai, sam haisihai ne ajeiai taim, naiuso apa Thso Yisu sheüh sam angei chikü tsaowankiuji.

⁸Samüh sam da angei tsünoi ta ngionai, sam chija kausai atloji, naiuso ngiotsüo nou sam da tsünoi.

⁹Lüko samüh sam angei Goa tü thalunai, apaüh meshen athalo taiukü ayamtha nou chhi-e; apaüh sam angei wankiu-e naiuso sam aphio chhi nouso ainou yanthsüokü shankiu-e.

¹⁰Samüh angei tsükankei ta ngionai, naito samüh Goa atsüotsüdekü hau iula-iji, naiuso Apa ngio sam da tsünoi.