Read Khiamniungan Naga Mikhem 12 Bible Online

Mikhem 12 - Khiamniungan Naga bible

Mikhem 12

¹Efraim khaiuniahoi ehliao thaiutha khemlo, ngüsoüh Yordan haiu yankü Zafon ai khuküta Jeptha tü ngiom, “Amonhaiko ehli ao sam niko iuhaau ni sam tsüjon haküto, tiauta ni elung nou yan? Samüh atsam ni sunkü jekthio-e!”

²Lüko Jepthaüh ngüsotü ngiom, “Ngo, naiuso jü khaiuniaso, Amon- haiko thatü tsao-ekü noiküla. Ngo asamtü jonlu küla, lüko asamüh ngü ngüso ainou tsükipsan.

³Tilai ngo asam, ngü kipsanao tsütinkü epsan, ngo jü aa tü tsü uoshikü, ngüsoko ehli ao elung nou yankü khu, naiuso APAOU nou ngü hau ngüso khako ashiolotsün kium. Naito, asam lo tiauta ngüko lihe ao shiji?”

⁴Nungai Jepthaüh Gileadhai apem jonkam, küta Efraim haiko lihekü ngüso shiolo. (Efraim haiüh nungti ngiokü noiküla: “Asam Efraim naiuso Manase nai kihtsün Gileadhai, asam Efraim wankü khulükhuntsünso noin!)”

⁵Efraimhai tsükhulükhun- iau Yordan Haiu yantsün athang nouso Gilead haiüh jiolowan. Tilai Efraimhai ajantso akhuloau kowekü shi-e, ngüsoüh ayanlükhunao ngio- khem saonai, Gilead khaiunia nousoüh nung sange, “Ni Efraimhai süne?” Apaüh “tsüde,” ta ngio naito,

⁶ngüsoüh apatü “Shibbolet” ta angio ta ngio-e. Lüko apaüh “Sibbolet” ta ngio-e, tititenai apaüh nung thakü ngioau tsüshio. Nungaito ngüsoüh apa thalo-e, küta nung Yordan yantsün athang tsak kolu apa loate. Nung taoko Efraimhai heng 42, 000 loatkü wan.

⁷Jepthaüh Israelhai pon luok niakei, küta apa ean naiuso meshen noksong Gilead nai khanan.

⁸Jeptha phiai Betlehemhai nou Ibzanüh Israelhai niakei.

⁹Apa thsoso melothso aosam naiuso menyiuthso aosam ta noiküla. Apaüh apa menyiuthsoso meshen kau mong- ko tsüdekü amaohai hau tsamsigoh yangi, naiuso amao kau ainou apa thsoso hau yangkiuao menyiuthso aosam niakü shin. Ibzanüh Israelhai pon chinyat niakei.

¹⁰Apa ean küta Betlehem nai khanan.

¹¹Ibzan thanko Zebulunhai nou Elonüh Israelhai pon che niakei.

¹²Küta apa ean, naiuso Zebulunhai goh Aijalon nai apa khanan.

¹³Elon thanko, Pirathonhai nou Hillel thso Abdonüh Israelhai niakei.

¹⁴Apa thsoso melo aopüle naiuso thsaohai melo aosam noiküla, naiuso ngüso gado aochinyat chiai moknoikü tsakei, naiuso Abdonüh Israelhai pon petjei niakei,

¹⁵küta apa ean naiuso Amalekhai king goumchi Efraim goh Pirathon nai apa khanan.