Read Khiamniungan Naga 2 Yohan 1 Bible Online

2 Yohan 1 - Khiamniungan Naga bible

2 Yohan 1

¹Petche ainou Atsüojin Nyiuhai naiuso ngo tsüojintsün apa thsoso dongai. Nungko jüpemsa tsüde, lüko ngiotsüo ngetsün chikü nou ni tü tsüojinji,

²tiautenai ngiotsüo nou sam da noin naiuso nung asaita thaiutha sam ko noi-e.

³Po nou Goa, naiuso apa Thso Yisu Khristaüh sam hau atsüojin, atsüojinyang, naiuso aalu kiuji; nungso ngiotsüo nai naiuso atsüojin nai sam hau lüthe.

⁴Po nou sam tü thoiluttaiutsünli, athsoso ajantso ngiotsüo nai tsakeiji ta epsan nai, ngü titi monglingatkü noiküla.

⁵Nungtiphe atsüojintsün Nyiuhai, sam chikü tsaküh tsak tsüojineko ta, ngo nitü sangji. Nung ngo adongai sattsün ayan athoilut tsüde, nung samüh ayating aita taiukü shitsün athoilut noin.

⁶Nung atsüojin ngo chitetsün athat nou Goa ün athoiluttsün da samüh angio angkü noiau noin. Nung athoilut asam apemüh ayating ainou lulakü shitsün, nung asam apem atsüojin nai kih au thaiutha noin.

⁷Khaiunia sauhaiüh Yisu Khrista nung nyih nai shin ta tsüthalou, nung asapthio-itsünso piakü goumchi apemai pengkü khu-iu. Nungtin khaiunia nou asapthiokiutsün naiuso Khrista ün Eh noin.

⁸Naito asam tsüokü lünoi, naito samüh ti thaiutha chhitaim nung amai tsümo-e, lüko asam paopei thapungkü nai eppe.

⁹Khaiunia sau Khristaüh tsandetsün da tsünoikü, nung yankü khuji, apaüh Goa tsütaiu. Sau Khristaüh tsandetsün da noiji, apaüh Po naiuso Thso nemtso thalo-iu.

¹⁰Naito asam dongai ajantso nung Khristaüh tsandetsün tsükankü shinai, apa asam tsamai laniathio; naiuso “Asam ko aalu lünoi” ta lüko langio.

¹¹Tititenai ajantsoüh apa aalu-iau aiunai, apa tsümeikün chhi haoson nouko janelotsün iulaji.

¹²Ngo ni hau chiteau ngio piakü noin, lüko ngo nung thsam nai thsamsat khiam nou satao tsüaiu; nunglikoto, ngo adongai shikü niko khasikha chiteküta, sam amongling thapemkü iulaao thaiuthabao yangji.

¹³Ni tsüojintsün nuo thsosoüh ngüso salam ni hau hongji.