Read Khiamniungan Naga 3 Yohan 1 Bible Online

3 Yohan 1 - Khiamniungan Naga bible

3 Yohan 1

¹Petche ainou Ngü sau tü ngiotsüo nai atsüoting tsüojinji, nung Gaya dongai.

²Jü hai, ngo ni onthso nai meikü noin ta ngetsünli, ni aküo alum ko meikü khuau naiuso pem nai ameili noiau, ngo misao saoji.

³Tilai amonglam deisinioso ajantso shingoikü ni ngiotsüo nai titi amonglam noin nung ngü hau chiteen, nungaih ngo thatü monglingkü noikülanungh ni asaita ngiotsüo nai noitsün khekkülu noin.

⁴Jüthsoso ngiotsüo nai tsakeiji ta lutsün tü simkü amao amongling tiüh ngü tsümonglingiji.

⁵Ngü tsüojintsün hai, ngüso mesanhoi noilüko, ni meshen amonglam haiso thaiutha chhisantsün nai ni amonglamtsün noin.

⁶Ngüsoüh nungai ni tsüojintsün thaiutha donthe hau chite-iu. Goa mongtsam-iau lümeikü yam tsakko ngüso süme tsülaokü hau tsüojinyangkü ngüso tü lühachu.

⁷Tititenai Khrista yathsüotsün chhi nai tsümonglamkünso ainou ahachu ti tsülukü ngüso süme tsalu-iu.

⁸Naito, sam amonglamhoi nousoüh nungso khaiunia tü hachuau noin, naito samüh ngiotsüo thaiutha ngüso chhi nai haoson theha-e.

⁹Ngü donthe dongai thsamsat letletkü tsak satiu; lüko Diotrephes, sauüh ngüso ongko aniakei theau aiuji, apaüh ngo ti ngioji nung da tsümongkiu-e.

¹⁰Naito, ngo tilai shi-e, apaüh chhitaiutsün alum da ngo mongtsüo-e; apaüh sam thaiutha atsüotsüdekü thatü tsaokü chiteji! Lüko apa thaiutha nungüh tsüsaiu, apaüh amonglam deisiniohoi shinai ngüso tsülu-e, naiuso sauhaiüh ngüso luau mongchioji, nungso lüko lulao-e, naiuso donthe ainou ngüso komanau kowe-e!

¹¹Ngü tsüojintsün hai, ti tsümeikü noin nung lasailu, lüko ti amei noin nung sakshi lüsailu. Sauhaiüh amei chhiji ngüso Goa ün; sauhaiüh tsümeikü chhiji ngüsoüh Goa tsüep.

¹²Khaiunia pungkü nou Demetrius thaiutha amei chiteji; ngiotsüo nou apa thaiutha chija mitha kiuji. Naiuso samüh sam mitha hakü, samüh ti ngioji nung ngiotsüo ta ni ngeji.

¹³Ngo ni hau chiteau ngio piakü noin, lüko nung thsamsat khiam nou satau tsüaiu.

¹⁴Ngü niko shakta eppeau yangji, naito sam khasikha eppekü chite-e.

¹⁵Niko aalu lünoi. Ahaiso chikü nou salam hongji. Sam haiso chikü hau tengkhaiukü salam lükiu.