Read Khiamniungan Naga Atsangshei 10 Bible Online

Atsangshei 10 - Khiamniungan Naga bible

Atsangshei 10

¹Nai ngü aün ainou aünhong amao tsak oukong nai saotsün ep. Apa khaiu lemkü thengmiathsan tsak naiuso apa thengmia mongai nyingpokkü noiküla; apa kha ajeli, naiuso apa hok nouso in kheam nousoli noiküla.

²Apa phamongko thsamlai ehen tsak sopkü noiküla. Naiuso apaüh apa hok uai nou khiamnok chiai, naiuso tsatai nou goh ta ngamlut,

³nai chongkhaonio ngaotsünli apaüh sangh asong nou vekü ngiom. Apaüh vetsün tü ahmok chinyat nou sangh asong nai thalan.

⁴Ahmok chinyat nou vetsün thonkü ngü satau khemloukü noiküla. Lüko ngü aün ainou sangh tsaküh ngiotsün lula, “Ahmok chinyat nou ti ngiom, nung akaungio meikü lütaiu; naiuso nungso lasattaiu!”

⁵Nai aünhong sübao khiamnok nai si goh chiai tsakü noiküla, apa pha uai nou loksankü ngü ep.

⁶Sauüh goum aün naiuso khiamnok naiuso nungai noitsün apem shan, nung athontsüyangkün aa Goa nianko ngiomongshing tsak shan. Aünhong tsaküh ngiom, “Loto apa tsangkü tsünoishi-e!

⁷Lüko tilai aünhong chinyat nou jangong mate, apa yathsüotsün e-po nouso tü ngiotaiutsünli, Goa nou apa akaungio chhi nou kheme.”

⁸Aün ainou chitekü sangh ngü lulatsün nou ngo tü müjam ngiom, “Khuküta khiamnok naiuso goh chinai tsakü noitsün aünhong sübao pha nai thsamlai sopkü noin ni nung lülu.”

⁹Ngo aünhong dongai khukü, nung thsamlai ehen nou ngü hau akiu ta apatü ngiom. Apaüh ngo tü thalan, “Nung luküta lühe; nungh athai ai akhusak iula-e, lüko ason ai liukhiamli anyaothing noi-e.”

¹⁰Ngü aünhong pha ainou thsamlai ehen nou loukü henai nung jüson ai liukhiamli nyaothingkü noiküla. Lüko nung ngü miolikütünai, jüthai ai nung akhosak iulan.

¹¹Nai ngo tü ngiom, “Loüh jam ni mele nouso, kau nouso, ngio naiuso nokpao nouso piakü tü Goa Ngem amei thaiutha chimau noin.”