Read Khiamniungan Naga Atsangshei 4 Bible Online

Atsangshei 4 - Khiamniungan Naga bible

Atsangshei 4

¹Nungso yanlükhunküta ngü aün ai thapnai kou tsak soppankü ep. Naiuso ngüko jangongmat sangngemli chitekü sangh tsaküh ngiom, “Nungai asungh, naiuso nungphiai tilüsong shithawaoau noin nung ngü nihau hanko.”

²Nungtaoko ngo Onthso nai noiküla. Naiuso aün nai nokpao noikham tsak nouko khaiunia tsak mokkü noiküla.

³Nung amoknoitsün athapau chaiou lung Jasper naiuso Carnalian lungli, naiuso nokpao noikham lemkü athapau Emeral aleng khekkü thengmiathsan tsak noiküla.

⁴Nung nokpao noikham lemkü loüh amao nokpao noikham kheikü püle noiküla, naiuso nungso nokpao noikham nousoko sheitho athaiu thokü khaiu nai chaiou kandio keikü petchehoi kheikü püle mokkü noiküla.

⁵Nung Nokpao noikham ainou ahlap, naiuso ahmok sungh. Ngü nung Nokpao noikham khako tson chinyat nyaikü ep; nung Goa Onthso chinyat nouso noiküla.

⁶Naiuso nung nokpao noikham khako susaiu khekkü ahlap sheasong tsakli lapkü noiküla. Nokpao noikham aniokun pungkü nai lemkü aa thainian püle nouso tü khaai si phiai aniovei nou miankü pokü noiküla.

⁷Thainian tsak nou athapau chongkhao khekkü, nime nou jangpong khekkü, süme nou khaiuniali khasinio pokü, naiuso püle nou jeikü khutsün letche khekkü noiküla.

⁸Nung aa thainian püle nouso tü ekok luok pokü, naiuso nung ekok akheiai si achiai aniovei nou thapukkü pokü ngüsoüh, “Asio, Asio, Asio, nou APAOU Goa Apemshiotsün noin, sau noiküla, sau lo noin, sau ashiau noin ta asoh, anyi, tsülaokü vekü hang.”

⁹Nungso aa thainian nou athontsüyangkü aa nokpao noikham nai moknoitsün hau ajinka, asuhat naiuso nianlom kiu-e,

¹⁰nungai nungso petche kheikü püle nousoüh nokpao noikham nai moknoitsün khako kauthiokü, athontsüyangkü aa noitsün tü amkhamkü, meshen kandio ngiosankü ngio-e,

¹¹“Sam APAOU naiuso Goa! Ni lu ajinka, nianlom naiuso oukong eppau maikü noin. Tititenai ni apem shan, naiuso ni mongchiotsün tsangkü nungso apem iula naiuso aa nou kium.”