Read Khiamniungan Naga 1 Sam 27 Bible Online

1 Sam 27 - Khiamniungan Naga bible

1 Sam 27

¹Davidüh yanghekü ngioji, “Lonyi lühom ajekhaiu tsak ko Saulüh ngü loate. Nungtiphe jü thaiutha Filistia nai haiuloau amei- ting noi-e. Nungaito Saulüh Israel nai ngü tü yamtsün leane, naiuso ngo aasane.”

²Nungtiphe David naiuso apa khaiunia tsom luok nouso nialokü jamaolu Gat hai nokpao Maok thso Akis dongai khu.

³David naiuso apa khaiuniaso Gat nai ngüso tsammongso hakü kiha. David ko tsammongnyiu nime-Jezreel ainou Ahinoam, naiuso Karmel ainou Nabal jihinyiu Abigail ne apa ko hakü noiküla.

⁴Tilai Saulüh David Gat ai khulükhunaniu ta lula, apaüh David tü yamtsün laowan.

⁵Davidüh Akis tü ngiom, “Ni jühai naito, ngo kih ao nok ehen tsak akiu. Jü thaiutha niko atengting noknio nai kiha au pokü tsünoi.”

⁶Nung- tiphe Akisüh apa hau Ziklak noksong kium, nung shioko nung akiutsün tao nai yanou Ziklak noksong nung Yihuda hai nokpao thaiu noin.

⁷David Filistia hai goumchi ai alei chekü luok kih.

⁸Nung taoko nai David naiuso apa khaiuniasoüh nung goumchi ko beta kihkü shitsün Geshur hai, Girzi hai, naiuso Amalek hai koman. Apaüh ngüso goumchi Shur saokü, naiuso Ijip saongoikü yampek,

⁹küta ngüsoüh melo, menyiu apem loat, naiuso ngüso ün onnemok hoi, jang hoi, gado hoi, ut hoi, naiuso neshe saokü lowankiu, küta David Akis dongai laokü ya,

¹⁰nungai Akisüh David tü sangkü ngiom, “Asamüh lo taoko sau ta komkü yampek?” Nungai Davidüh thalakü ngiom, “Yihuda ajepekki Jerameel kau goumchi, naiuso Ken hai kihtsün goumchi yampek ta chite.

¹¹Gat nai khukü apa naiuso apa khaiuniasoüh ti chhin nung ngio kankü tsükhu-iau Davidüh melo menyiu apem loatkü wan. Apa Filistia nai kihtsün tao chikü Davidüh nungti chhin.

¹²Apa tü meshen khaiunia Israel haiüh thsüokü chinyaniu, nungtiphe apa aakihlaiu chikü ngü yathsüokü noiau noin ta Akisüh David tü monglamkü yang.”