Read Khiamniungan Naga 1 Sam 3 Bible Online

1 Sam 3 - Khiamniungan Naga bible

1 Sam 3

¹Tilai Samuel methso Eli meson ayamhan khemko APAOU yathsüokü noiküla, nung taoko APAOU ainou ngiongem paikü tsüep- shikü iula.

²Eli sonnankü naiuso niovei nou lüko tsüepshikü noitsün tao sohtsüo apa, apa tsampai ai saikü noiküla.

³Loüh Samuel lüko asio puo dongko asio Athalou-e Paidan shimkü saikü noi. Ah-mongekü- APAOU tson nyaikü noi taoko,

⁴APAOU nou Samuel tü jon. Apaüh thalakü ngiom, “Hauh, APAOU!”

⁵nungai apa Eli dongai khukü ngiom, “ngo nungai noin.” Lüko Eliüh thalakü ngiom, “Ngo ni tü tsüjon; laokü khukü lüsaian.” Nungtiphe Samuel then ai laokü khukü saian.

⁶APAOU nou loüh Samuel tü jon. Apaüh nung APAOU nou jonji ta tsüngekü noiküla, tiautenai nung khako APAOU nou apa tü tilai tsüjonde. Nungtiphe apa asai ainou chu, küta Eli dongai khukü ngiom, “Ni ngo jonji süne, ngo nungai noin.” Lüko Eliüh thalakü ngiom, “Jüthso, ngo ni tü tsüjon, laokü khukü lüsaian.”

⁸APAOU nou Samuel tü samjam jon, apa chu, küta Eli dongai khukü ngiom, “Ni ngo jonji süne, ngo nungai noin.” Nungai Eliüh Samuel tü APAOU nou jonji ta iila.

⁹Nungtiphe Eliüh Samuel tü ngiom, “Laokü khukü lü- saian, lo jonshi naito, ‘Achite, APAOU, atsamkiüh angluji ta lüthala.’” Nungtiphe Samuel then ai laokü khukü saian.

¹⁰APAOU shikü tsaküta, apaüh ayanai jontsünli, “Samuel, Samuel, ta jon.” Samuelüh thalakü ngiom, “Achite, atsamkiüh angluji.”

¹¹APAOU nou apa tü ngiom, “Ajekhaiu tsak ko ngo Israel hai tü thatü ahat au noitsün chhi tsak chhi-e nung thaiutha lulatsün khaiunia pungkü lekkate.

¹²Nung ajekhaiu ko Eli tsamkhaiu thaiutha alohat ngio chitetsün apem, aya ainou athon saokü chhi-e.

¹³Nung apa tsamkhaiu asaita hau thaiutha angja kiuao noin, nung ngo apa tü ngiowaniu, tiautenai apa thsosoüh tsümeikü chhitsün nge lüko apaüh ngüso tsülolao.

¹⁴Nungtiphe aloat chaithioüh lüko, amao chaithioüh lüko, ngüso angei chhi mai wankiukü chhiao tilaitso tsüshio-e ta ngo Eli tsammong tü ngio mongkü welutji.”

¹⁵Samuel ahom saokü then ai noian, küta apa chukü APAOU tsam kou nouso sopan. Nung atsangshei thaiutha Eli hau chiteau apa hatkü noiküla.

¹⁶Eliüh apa tü, “Samuel, jüthso!” ta jon. Samuelüh thalakü ngiom, “Hauh, APAOU.”

¹⁷Eliüh sangkü ngiom, “APAOU nou ni hau ti chite?” “Jükhako titso latsangtaiu. Apaüh ngiotsün alum ni ngü hau tsüchitekü naito, Goa nou ni thsüokü angja-i-e.”

¹⁸Nungtiphe Samuelüh apa hau alum chiteen, apaüh titso tsüchitekü tsüwan. Eliüh ngiom, “Apa APAOU, noin; apaüh apa tü ti ameiting ta yangji nung chhi-e.”

¹⁹Samuel pem nai shekü sungjikantsün taoko APAOU apa ko hakü noiküla, naiuso apaüh ngiotsün alum shithawao-iau nung APAOU nou chhin.

²⁰Nungtiphe Israel hai apem nou, goumchi aniokun tsak ainou aniokun tsak saokü, Samuel nung APAOU ün atsüoting e-po tsak ta ngela.

²¹APAOU Shilo nai apa atsangshei sungtsün tsülaokü noiküla nungai apa Samuel dongai atsangshei sungh naiuso apa tü ngiokü noiküla naiuso Samuelüh chitetsün taoko Israel hai apemüh angkü noiküla.