Read Khoekhoegowab Genesis 36 Bible Online

Genesis 36 - Khoekhoegowab bible

Genesis 36

¹Nēdi ge ǃnaeǃkhaidi Esaub, ǁkhāti a Edommi, dide.

²Esaub ge ǁîb di tarara ge ū, Kanaanǁîna xu: Adas, Elonni, Hetiǁîb di ôas tsî Oholibamas, Anab di ôas, Sibeonni, Hiviǁîb ôab di ôas tsîra;

³tsî Basemats, Ismaeli ôas, Nebajoti ǃgâsas ona.

⁴Tsî Adas ge Esauba Elifaba ge ǁoraba, tsî Basemats ge Reguela ge ǁoraba bi.

⁵Tsî Oholibamas ge Jeub, Jalammi tsî Koraxi tsîga ge ǁora. Nēgu ge Esaub ôaga, Kanaanǃhūb ǃnâb ge ǁorabahega.

⁶Tsî Esaub ge ǁîb di tarara tsî ǁîb di ôagu tsî ǁîb di ôadi tsî ommi âb hoab di ǀomdi tsî ǀgoan âb tsî ǁîb di goman hoan tsî ūb hâ xūn, Kanaanni ǃnâb ge hōbasen hâ in hoana ū tsî ǀkhara ǃhūb ǃoa ge doe, Jakob, ǃgâsab âb di aisa xu.

⁷ǁÎkha xūn di ǂguib ge ǁanǀhaosa ǃnā hâ i xui-ao; tsî ǃhūb ǃhaokhoesis âkha dib ge ǁîkha tani ǁoa ge i ǁîkha di ǀgoan ǃaroma.

⁸ǁNā-amagab ge Esauba Seirǃhommi ai ge ǁan hâ i. Esaub ge a Edom.

⁹Tsî nēdi ge ǃnaeǃkhaidi Esaub Edomǁîn îb dide, Seirǃhommi ai.

¹⁰Nēdi ge ǀondi Esaub ôagu dide: Elifab, Adas Esaub taras di ôab, tsî Regueli, Basemats, Esaub taras di ôab tsîkha.

¹¹Tsî Elifab ôagu ge Temanni, Omari, Sefob, Gatammi tsî Kenab tsîga ge i.

¹²Tsî Timnas ge ǀgamitaras Elifab, Esaub ôab disa ge i, tsîs ge Elifaba Amaleka ge ǁoraba: Nēgu ge Adas Esaub taras di ôaga ge i.

¹³Tsî nēgu ge Regueli ôaga: Nahati, Serab, Samab tsî Misab tsîga. Nēgu ge Basemats, Esaub taras di ôaga ge i.

¹⁴Tsî nēgu ge Oholibamas, Anab ôas, Sibeonni ôab di ôas, Esaub taras di ôaga: Tsîs ge Esauba ge ǁoraba Jeub, Jalammi tsî Koraxi tsîga.

¹⁵Nēgu ge gaosagu Esaub ôagu diga: Elifab Esaub ǂguroǃnaesabeb di ôagu: Gaosab Temanni, gaosab Omari, gaosab Sefob, gaosab Kenab,

¹⁶gaosab Koraxi, gaosab Gatammi, gaosab Amaleki tsîga; nēgu ge gaosagu Elifab diga Edomǃhūb ǃnâ; nēgu ge Adas di ôaga.

¹⁷Tsî nēgu ge Regueli, Esaub ôab di ôaga: Gaosab Nahati, gaosab Serab, gaosab Samab, gaosab Misab tsîga; nēgu ge gaosagu Regueli diga Edomǃhūb ǃnâ; nēgu ge Basemats Esaub taras di ôaga.

¹⁸Tsî nēgu ge Oholibamas, Esaub taras di ôaga: Gaosab Jeub, gaosab Jalammi, gaosab Koraxi tsîga. Nēgu ge gaosagu Oholibamas, Anab ôas, Esaub taras diga.

¹⁹Nēgu ge Esaub ôaga, tsî nēgu ge ǁîn di gaosaga. ǁÎb ge a Edom.

²⁰Nēgu ge Seiri, Horiǁîb di ôagu, ǁnā ǃhūb ǃnâ ǁan hâga: Lotanni, Sobali, Sibeonni, Anab,

²¹Disonni, Eseri tsî Disanni tsîga. Nēgu ge Horiǁîn di gaosagu, Seiri di ôaga Edomǃhūb ǃnâ.

²²Tsî Lotanni ôakha ge Hori tsî Hemanni tsîkha; tsî Lotanni ǃgâsas ge Timnasa.

²³Tsî nēgu ge Sobali ôaga: Alvanni, Manahati, Ebali, Sefob tsî Onammi tsîga.

²⁴Tsî nēkha ge Sibeonni ôakha: Ajab tsî Anab tsîkha, ǁîb ge ǁnā Anab, ǀgamsa ǀaude ge hōba, ǁîb îb di eselnab ra ǃûsi hîa.

²⁵Tsî nēgu ge Anab ôaga: Disonni, tsî Oholibamas ge Anab di ôa ge i.

²⁶Tsî nēgu ge Disonni ôaga: Hemdanni, Esbanni, Jitranni tsî Keranni tsîga.

²⁷Nēgu ge Eseri ôaga: Bilhanni, Saavanni tsî Akanni tsîga.

²⁸Nēkha ge Disanni ôakha: Usi tsî Aranni tsîkha.

²⁹Nēgu ge Horǁîn di gaosaga: Gaosab Lotanni, gaosab Sobali, gaosab Sibeonni, gaosab Anab,

³⁰gaosab Disonni, gaosab Eseri, gaosab Disanni tsîga. Nēgu ge Horǁîn di gaosaga ǁîn di gaosagu ǃoa Seirǃhūb ǃnâ.

³¹Tsî nēgu ge gao-aogu Edomǃhūb ǃnâ gere gaosîsenga, Israeli ôan ǂama i gao-ao-i xare-e gorose gao tama hâ hîa.

³²Tsî Belab, Beori ôab ge gere gaosîsen Edomǃhūb ǃnâ, tsî ǃās âb di ǀons ge Dinhaba ge i.

³³Tsî Belab ge ge ǁō tsî Jobab, Serab ôab, Bosraǁîb ge ǁîb ǃās ǃnâ gere gaosîsen.

³⁴Tsî Jobab ge ge ǁō tsî Husammi, Temanǁîn ǃhūb dib ge ǁîb ǃās ǃnâ gere gaosîsen.

³⁵Tsî Husammi ge ge ǁō, tsî ǁîb ǃās ǃnâb ge Hadadi, Bedadi ôab, Midiaǁîna Moab di ǃgarob ǃnâ ge ǂnaukākāba gere gaosîsen; tsî ǃās âb di ǀons ge Avit ge i.

³⁶Tsî Hadadi ge ge ǁō, tsî Samlab, Masrekaǁîb ge ǁîb ǃās ǃnâ gere gaosîsen.

³⁷Tsî Samlab ge ge ǁō, tsî Sauli Rehobots, ǃāb amǃgâ ǁgoes dib ge ǁîb ǃās ǃnâ gere gaosîsen.

³⁸Tsî Sauli ge ge ǁō tsî Baal-Hananni, Akbori ôab ge ǁîb ǃās ǃnâ gere gaosîsen.

³⁹Tsî Baal-Hananni Akbori ôab ge ge ǁō tsî Hadari ge ǁîb ǃās ǃnâ gere gaosîsen; tsî ǃās âb di ǀons ge Pagu ge i; tsî taras âb di ǀons ge Mehetabel i, Matredi ôas, Me-Sahabs ôasa.

⁴⁰Tsî nēgu ge gaosagu Esaub diga, ǁîgu di ǃhaodi, ǁîgu di ǃādi tsî ǁîgu di ǀondi ǃoa: Gaosab Timnab, gaosab Alvab, gaosab Jeteti,

⁴¹gaosab Oholibamab, gaosab Elab, gaosab Pinonni,

⁴²gaosab Kenab, gaosab Temanni, gaosab Mibsari,

⁴³gaosab Magdieli, gaosab Irammi tsîga. Nēgu ge gaosagu Edommi diga ǁîgu di ǁanǃkhaidi, ǁîgu ge ūhâ i ǃhūǃâde ǃoa; ǁîb ge Esaub Edommi îba.