Read Khoekhoegowab Genesis 5 Bible Online

Genesis 5 - Khoekhoegowab bible

Genesis 5

¹Nēs ge ǂkhanis Adammi ǃhaos disa. Elob ge khoeba ǂnubi tsēs aib ge ǁîba Elob di īsib ǃoa ge dī.

²Aob tsî taras tsîra aseb ge ǁîra kuru tsî ge ǀkhae ra, tsîb ge ǁîra ǀonsa khoe ti ge ǂgai, ǁîra ge kuruhe tsēs ai.

³Tsî Adammi ge ǀguikaidisiǃnonadisi kuriga ûi tsî ǀgôaba ge hō ǁîb di īsib ǃoa, ǀguiti-īsib âb ǃoa, tsîb ge ǀons âba Set, ti ge ǂgai.

⁴Tsî Adammi di tsēdi ge Setab ge hō hâ is khaoǃgâ ǁkhaisakaidisi kuri ge i; tsîb ge ǀgôagu tsî ǀgôadi tsîna ge hō.

⁵O di ge tsēdi Adammi ûib didi hoade khoesekaidisi tsî ǃnonadisi kuri ge i; tsîb ge ge ǁō.

⁶Tsî Seti ge ǀguikaidisi tsî koro kuriga ûi tsî Enoba ge hō.

⁷Tsî Seti ge Enobab ge hō hâ is khaoǃgâ ǁkhaisakaidisi tsî hû kuriga ge ûi, tsîb ge ǀgôagu tsî ǀgôadi tsîna ge hō.

⁸O di ge tsēdi Seti didi hoade khoesekaidisi tsî disiǀgamǀa kuri ge i; tsîb ge ge ǁō.

⁹Tsî Enob ge khoesedisi kuriga ûi tsî Kenanna ge hō.

¹⁰Tsî Enob ge Kenannab ge hō hâ is khaoǃgâ ǁkhaisakaidisi tsî disikoroǀa kuriga ge ûi, tsîb ge ǀgôagu tsî ǀgôadi tsîna ge hō.

¹¹O di ge tsēdi Enob didi hoade khoesekaidisi tsî koro kuri ge i, tsîb ge ge ǁō.

¹²Tsî Kenanni ge hûdisi kuriga ûi tsî Mahalalela ge hō.

¹³Tsî Kenanni ge Mahalalelab ge hō hâ is khaoǃgâ ǁkhaisakaidisi tsî hakadisi kuriga ge ûi; tsîb ge ǀgôagu tsî ǀgôadi tsîna ge hō.

¹⁴O di ge tsēdi Kenanni didi hoade khoesekaidisi tsî disi kuri ge i; tsîb ge ge ǁō.

¹⁵Tsî Mahalaleli ge ǃnanidisikoroǀa kuriga ûi tsî Jereda ge hō.

¹⁶Tsî Mahalaleli ge Jeredab ge hō hâ is khaoǃgâ ǁkhaisakaidisi tsî ǃnonadisi kuriga ge ûi; tsîb ge ǀgôagu tsî ǀgôadi tsîna ge hō.

¹⁷O di ge tsēdi Mahalaleli didi hoade ǁkhaisakaidisi tsî khoesedisikoroǀa kuri ge i; tsîb ge ge ǁō.

¹⁸Tsî Jeredi ge ǀguikaidisi tsî ǃnanidisiǀgamǀa kuriga ûi tsî Henoxa ge hō.

¹⁹Tsî Jeredi ge Henoxab ge hō hâ is khaoǃgâ ǁkhaisakaidisi kuriga ge ûi, tsîb ge ǀgôagu tsî ǀgôadi tsîna ge hō.

²⁰O di ge tsēdi Jeredi didi hoade khoesekaidisi tsî ǃnanidisiǀgamǀa kuri ge i; tsîb ge ge ǁō.

²¹Tsî Henoxi ge ǃnanidisikoroǀa kuriga ûi tsî Metuselaxa ge hō.

²²Tsî Henoxi ge Metuselaxab ge hō hâ is khaoǃgâ ǃnonakaidisi kuriga eloǃaoǃgâxase gere tanisen tsîb ge ǀgôagu tsî ǀgôadi tsîna ge hō.

²³O di ge tsēdi Henoxi didi hoade ǃnonakaidisi tsî ǃnanidisikoroǀa kuri ge i.

²⁴Tsîb ge Henoxa eloǃaoǃgâxase gere tanisen; tsîb ge ǃaruǀî ǀkhai ge i, Elob ge ǁîba ūbē amaga.

²⁵Tsî Metuselaxi ge ǀguikaidisiǁkhaisadisihûǀa kuriga ûi tsî Lamexa ge hō.

²⁶Tsî Metuselaxi ge Lamexab ge hō hâ is khaoǃgâ hûkaidisiǁkhaisadisiǀgamǀa kuriga ge ûi; tsîb ge ǀgôagu tsî ǀgôadi tsîna ge hō.

²⁷O di ge tsēdi Metuselaxi didi hoade khoesekaidisiǃnanidisikhoeseǀa kuri ge i; tsîb ge ge ǁō.

²⁸Tsî Lamexi ge ǀguikaidisiǁkhaisadisiǀgamǀa kuriga ûi tsî ǀgôaba ge hō.

²⁹Tsîb ge ǀons âba Noaxi ti ǂgai tsî ge mî: Nēb ge nîra ǁkhaeǂgao da sida di sîsenni ǂama, tsî sida ǃomgu di tsûb ǂama, ǃhūbaib ǃKhūb ge ǀâxarexūb ǂama.

³⁰Tsî Lamexi ge Noaxab ge hō hâ is khaoǃgâ korokaidisikhoesedisikoroǀa kuriga ge ûi; tsîb ge ǀgôagu tsî ǀgôadi tsîna ge hō.

³¹O di ge tsēdi Lamexi didi hoade hûkaidisihûdisihûǀa kuri ge i; tsîb ge ge ǁō.

³²Tsî Noaxi ge korokaidisi kurixab ges khaoǃgâ Semmi, Xammi tsî Jafeti tsîga ge hō.