Read Khoekhoegowab 2 Gao-aogu 1 Bible Online

2 Gao-aogu 1 - Khoekhoegowab bible

2 Gao-aogu 1

¹Tsî Moab ge Israela xu ge ǁnāǁgôa Axab di ǁōb khaoǃgâ.

²Tsî Ahasiab ge tralis ǁîb di ǀgapiseb ǃnā-oms, Samarias tawa hâs disa-ū ǁnā tsî ge ǀaesen. Ob ge sîsabega sî tsî ǁîgu ǃoa ge mî: ǃGû, î go Baal-Sebub, Ekrons di eloba sī dî, ise ta nē ǀaesenna xu nî ǂuru ǃkhaisa.

³Xawe ǀhomǃgāb ǃKhūb dib ge Eliab, Tisbeǁîb ǃoa ge ǃhoa: Khâi îts sîsabegu Samarias gao-aob diga ǃgûǃoa îts ǁîga mîǀî: Israeli ǃnâ i Elo-e a ǀkhai ǃkhais ǃaromasa kha sago ra ǃgû tsî Baal-Sebub, Ekrons di eloba dîsa?

⁴ǁNā-amagab ra ǃKhūba nēti mî: ǁNā kharob, ǁîb aits go ǃapaba xuts ge ǁgôaxa tide, tsîts ge nîra ǁō. Tsî Eliab ge ge bē.

⁵O gu ge sîsabega ǁkhawa ǁîb ǃoa ge hā; ǁgoasib ge ǁîba ǁîgu ǃoa ge mî: Matisa kha, o go ǁkhawa go hā?

⁶O gu ge ǁîb ǃoa ge mî: Ao-i ge sige ǃoa tsî go mîǀî ge: ǃGû î go gao-aob, sago go sîb ǃoa oa î go ǁîba sī mîba: Nētib ra ǃKhūba mî: Israeli ǃnâ i Elo-e a ǀkhai ǃkhais ǃaromasa kha Baal-Sebub, Ekrons di elob ǃoats ra sîsa, dî kaits nîga? ǁNā-amagats ge ǁnā kharob, ǁîb aits go ǃapaba xu ǁgôaxa tide, tsîts ge nîra ǁō.

⁷Ob ge ge mîǀî gu: Mati ī īsib â-i aoba, sago ǃoa tsî go nē mîde ǃhoaǀî goba?

⁸O gu ge ge mîǀî bi: ǁÎb ge aob ǀûxa sarab â-ib tsî khōǃgaesenna kamanab âb ai ǃgaesen hâba. Ob ge ǁîba: Eliab, Tisbeǁîb komo, ti ge mî.

⁹Tsîb ge korodisigu di danakhoeba korodisigu ǀkha Eliab ǃoa ge sî. Tsî ǁîb tawab ge ǃgûsīo, mû, ob ge ǃhommi di ǂaob ai ge ǂnôa i. Ob ge ǁîba ǃhoaǀî tsî: ǁGôaxa, tib ra gao-aoba mî, ti ge mî.

¹⁰Ob ge Eliaba ǃeream tsî korodisigu di danakhoeb ǃoa ge mî: Elob aota kao, as ǀaesa ǀhomma xu ǁgôaxa, îs sats tsî sa korodisigu tsîgo hapu. ǃNubais ge ǀaesa ǀhomma xu ǁgôaxa tsî ǁîb tsî korodisigu tsîga ge hapu.

¹¹Tsîb ge ǁkhawa ǀnî danakhoeb korodisigu diba ǁîb di korodisigu ǀkha ge sî. Nēb ge tsoatsoa tsî ge mîǀî bi: Elob aotse, ǃhaese ǁgôaxa tib ra gao-aoba mî.

¹²Ob ge Eliaba ǃeream tsî ǁîb ǃoa ge mî: Elob aota kao, as ǀaesa ǀhomma xu ǁgôaxa, îs sats tsî sa korodisigu tsîgo hapu. ǃNubais ge ǀaes Elob disa ǀhomma xu ǁgôaxa tsî ǁîb tsî ǁîb di korodisigu tsîga ge hapu.

¹³Tsîb ge ǁkhawa ǀnî danakhoeb ǃnonaǁî korodisigu diba korodisigu âb ǀkha ge sî. Ob ge ǃnonaǁî danakhoeb korodisigu diba ǃgûsī tsî ge ǃhonǁgoa Eliab aiǃâ tsî ǀkhoma bi tsî ge mîǀî bi: Elob aotse, as ti ǀoms tsî nē ǃgāgu âts, nē korodisigu di ǀomde ǃgomǀgausase ī re sa mûǁae.

¹⁴Mû, ǀaes ge ǀhomma xu ǁgôaxa tsî ǁnā ǂguro danakhoekha korodisigu dikha ǁîkha di korodisigu ǀkha go hapu; as ǁnâi ti ǀomsa ǃgomǀgausase ī re sa mûǁae.

¹⁵ǃNubaib ge ǀhomǃgāb ǃKhūb diba Eliab ǃoa ge mî: ǁÎb ǀkha ǁgôa îts ais âb aiǃâ tā ǃao. Ob ge khâi tsî ǁîb ǀkha gao-aob ǃoa ge ǁgôa.

¹⁶Tsîb ge ǁîb ǃoa ge mî: Nētib ra ǃKhūba mî: ǁNā-amaga, sîsabegats go Baal-Sebub, Ekrons di elob ǃoa sî, dîts nîga, Israeli ǃnâ i Elo-e ǀkhai, mîs â-ets nî dî-e amagasa? ǁNā-amagats ge ǁnā kharob, ǁîb aits go ǃapaba xu ǁgôaxa tide, tsîts ge nîra ǁō.

¹⁷Nētib ge ge ǁō, ǁnā mîs ǃKhūb dis, Eliab ge ǃhoas ǃoa; tsî Jorammi ge ǁîb di ǃās ǃnâ ge gao-ao kai, ǀgamǁî kurib Jorammi, Josafati ôab, Judab gao-aob dib ǃnâ, ǁîb ge ǀgôaba ūhâ tama hâ i xui-ao.

¹⁸Tsî nau ǃnaeǃkhaidi Ahasiab didi hîab ge dīdi ge xoahe hâ ǃNaeǃkhaidi ǂkhanis Israeli gao-aogu dis ǃnâ.