Read Khoekhoegowab 2 Gao-aogu 14 Bible Online

2 Gao-aogu 14 - Khoekhoegowab bible

2 Gao-aogu 14

¹ǀGamǁî kurib Joab, Joahab, Israeli gao-aob ôab dib ǃnâb ge Amasiab, Joab, Judab gao-aob ôaba ge gao-ao kai.

²ǀGamdisikoroǀa kurixab ge ǁîba ge i, gao-ao kaib ge ǃnubai, tsîb ge ǀgamdisikhoeseǀa kuriga Jerusalems tawa ge gaosîsen; tsî ǀons ǁîb îs dis ge Joadan ge i, Jerusalems disa.

³Tsîb ge ǃKhūb mûǁae a ǂhanuna gere dī, xawe ǁîb îb Davib khami tama; ǁîb ge ǁîb îb Joab ge dī xase gere dī.

⁴Xawe ǀgapigu ǀguigu ge ūǁnâhe tama ge hâ i; ǁaes ge ganupe ǀgapigu ai gere ǁguiba tsî ǀanǀan.

⁵Tsî i ge ge ī, gaosis ge ǃommi âb ǃnâ ǀgaio, ob ge ǁîb di ǃgāgu hîa gao-aob ǁîb îba ge ǃgamga ge ǃgam.

⁶Xawe ǃgamaogu di ôanab ge ǃgam tama ge i, ǂhanub di ǂkhanis Moseb dis ǃnâ xoahe hâ xase, ǃKhūb ra ǁîs ǃnâ mîmāsa: ǁGûgu ge ǀgôan di amǃnâs ai ǃgamhe tide, tsî ǀgôan ge ǁgûgu di amǃnâs ai ǃgamhe tide, xawe mâ-i hoa-i ge ǁî-i di ǁoreb ǂhanib ǃaroma nîra ǁō.

⁷ǁÎb ge Edomǁîn xa disiǀoadisina ge ǂnau ǂŌbǃgoaǃnāb ǃnâ, tsîb ge torob ǃnâ Selasa ū tsî Jokteel ti ge ǂgai si nētsēs kōse.

⁸ǃNubaib ge Amasiaba sîsabega ge sî Joab, Joahab ôab, Jehub ôab, Israeli gao-aob ǃoa tsî: Hā, î khom ais âkhoma kō-aiǃnâgu! ti ge mî.

⁹Ob ge Joab, Israeli gao-aoba Amasiab, Judab gao-aob ǃoa sî tsî ge mî: ǀGames Libanonni ai hâs ge sederhais, Libanonni ai hâs ǃoa sî tsî: Sa ôasa ti ôaba tarase mā re! ti ge mî; xawe ǀgurun ǃaub din, Libanonni ai hân ge ǃgû-īǀkhā tsî ǀgamesa ge dāǂkhū.

¹⁰Sats ge Edomǁîna ǃgari-aose ge ǂnau amagab ge ǂgaob âtsa ge ǀgapiǀgapisen. ǁNā ǃgôasiba ūhâ îts sa ommi ǃnâ hâ. Tarexats kha ǁnâi nē ǂkhabab ǃnâ nî habasen, ǁnāts nîga, sats tsî Judab din tsîdo?

¹¹Xawe Amasiab ge ǁnâu tama ge i; ǁnā-amagab ge Joab, Israeli gao-aoba ge ǃapa, o kha ge ǁîb tsî Amasiab, Judab gao-aob tsîkha ge kō-aiǃnâgu, Bet-Semes, Judab dis tawa.

¹²Xawe Judab ge Israeli di ais aiǃâ ge ǂnauhe; on ge ge ǁhâ, mâ-i hoa-e ǁî-i di tentoms ǃoa.

¹³Tsî Joab, Israeli gao-aob ge Amasiab, Judab gao-aob, Joab ôab, Ahasiab ôaba ge ǃkhō, Bet-Semes tawa; tsî Jerusalems tawa ge sī tsîb ge ǂnubiǂgoab Jerusalems dib xa ge khôaǁnâ, Efraims di ǁāba xu ǁhôaǁāb kōse, hakakaidisi ǂhâgu kōse.

¹⁴Tsîb ge ǃhuniǀurib hoab tsî ǀhaiǀurib hoaba ge ū tsî xapadi ǃKhūb di ommi ǃnâ tsî gao-aob di ommi ǃnâ ge hōhedi hoade tsî ǃkhōsa khoen tsîna; tsîb ge Samarias ǃoa ge oa.

¹⁵Tsî nau xūn Joab di ǃnaeǃkhaidi din tsî dīb gen tsî ǀgaib âb tsî matib ge Amasiab, Judab di gao-aoba ǃkhamū ǃkhaisa, ǁîn ge ǃNaeǃkhaidi ǂkhanis Israeli gao-aogu dis ǃnâ xoahe hâ.

¹⁶Tsî Joab ge ǁō tsî Samarias ǃnâ Israeli di gao-aogu tawa ge ǁkhōhe; tsî ǁîb ôab Jerobeammi ge ǁîb di ǃās ǃnâ ge gao-ao kai.

¹⁷Tsî Amasiab, Joab ôab, Judab gao-aob ge Joab, Joahab, Israeli gao-aob ôab di ǁōb khaoǃgâ disikoroǀa kuriga ge ûi.

¹⁸Tsî nau xūn, Amasiab di ǃnaeǃkhaidi din ge ǃNaeǃkhaide ǂkhanis judab gao-aogu dis ǃnâ xoahe hâ.

¹⁹Tsîn ge ǃgaeǀhao-e ǁîb ǃoagu ge dī Jerusalems tawa, ob ge Laxis ǃoa ge ǃhū; on ge Laxis kōse sîǃgon tsî ǁnāpa ge ǃgam bi.

²⁰Tsîn ge hān ai ge ūhā bi, tsîb ge Jerusalems tawa ge ǁkhōhe ǁîb îgu tawa, Davib di ǃās ǃnâ.

²¹Tsî Judab ǁaes hoas ge Asariab hîa nēsi disiǃnaniǀa kurixa ge iba ū tsî ǁîba ge gao-aodī, ǁîb îb Amasiab di ǃās ǃnâ.

²²ǁÎb ge Elatsa ǂnubi tsî ǁîsa ǁkhawa Judaba ge ūhāba, gao-aob ǁîb îgu ǀkha ge ǁoms khaoǃgâ.

²³Disikoroǀaǁî kurib Amasiab, Joab, Judab gao-aob ôab dib ǃnâb ge Jerobeammi, Joab ôab, Israeli gao-aoba ge gao-ao kai Samariab ǂama hakadisiǀguiǀa kurigu kōse.

²⁴Tsîb ge ǃKhūb mûǁae a ǂkhabana gere dī; ǁîb ge Jerobeammi, Nebati ôab, Israela ge ǁore kaib di ǁoren hoana xu ǁgôa tama ge hâ i.

²⁵ǁÎb ge ǁkhāti Israeli di ǀkhariba ǁkhawa ge dī-unu, Hamats ǃnâts ra ǂgâsa xu ǂGās di Hurib kōse, ǁnā mîs ǃKhūb, Israeli Elob dis hîab ge ǃhoasa, ǁîb di ǃgāb Jonab, Amitaib ôab, ǁnā kēbo-aob, Gat-Hefers di ge ib di ǃoabasa xu.

²⁶ǃKhūb ge mû xui-ao, Israeli ǀkhomǀkhomsasib a kaise au ǃkhaisa tsî ǂganamhesan tsî ǁnāxūhesan xaren a ǀkhai tsî Israeli hui-ao-i xare-e ūhâ tama ǃkhaisa.

²⁷Tsî ǃKhūb ge ǃhoa tama ge i, Israeli di ǀonsab nî ǀhommi ǃnagaba xu ǀariǃari ǃkhaisa, ǁnā-amagab ge ǁîna ge ore Jerobeammi, Joab ôab di ǃomma xu.

²⁸Tsî nau xūn Jerobeammi di ǃnaeǃkhaidi din tsî dīb gen hoan tsî ǁîb di ǀgaib, matikōseb ge ǃkham ǃkhais tsî matib Damaskus tsî Hamats tsîra hîa ega Judab di ge ira ǁkhawa Israeli tawa ge ūhā ǃkhaisa, ǁîn ge xoahe hâ ǃNaeǃkhaide ǂkhanis Israeli gao-aogu dis ǃnâ.

²⁹Tsî Jerobeammi on ge ge ǁō; tsî ǁîb di ôab Saxariab ge ǁîb di ǃās ǃnâ ge gao-ao kai.