Read Khoekhoegowab 1 Kroniks 2 Bible Online

1 Kroniks 2 - Khoekhoegowab bible

1 Kroniks 2

¹Nēgu ge Israeli di ôaga: Rubenni, Simeonni, Levib tsî Judab, Isaskari tsî Sebulonni,

²Danni, Joseb tsî Benjaminni, Naftalib, Gadi tsî Aseri tsîga.

³ǀGôagu Judab digu ge Eri tsî Onanni tsî Selab tsîga; nē ǃnonagab ge Suab di ôas, Kanaanǁîs xa ge ǁorabahe. Tsî Eri ǂguroǃnaesab Judab dib ge ǃKhūb mûǁae ǂkhaba ge i; ǁnā-amagab ge ge ǃgam bi.

⁴Tsî Tamars ǁîb di ǀuiǀgôas ge ǁîba Pereb tsî Serab tsîkha ge ǁoraba. ǀGôagu Judab digu ge koro ge i.

⁵ǀGôakha Pereb dikha ge Hesronni tsî Hamuli tsîkha ge i.

⁶Tsî ǀgôagu Serab digu ge Simrib, Etanni, Hemanni, Kalkoli tsî Dardab tsîga ge i. Nēgu hoagu ge a koro.

⁷Tsî ǀgôab Karmib dib ge Axari, Israela ge tsūǃōb ǃnâ ǂgāba, khaihesa xūnab ge ǁkhâuǁnâ xui-ao.

⁸ǀGôab Etanni dib ge Asariaba.

⁹Tsî ǀgôagu Hesronni digu hîab ge ǁorabahegu ge Jeraxmeeli tsî Rammi tsî Kaleb tsîga.

¹⁰Tsî Rammi ge Aminadaba ge hō, tsî Aminadab ge Nasonni, Judab ôan di gaosaba ge hō;

¹¹tsî Naxsonni ge Salmonna ge hō, tsî Salmonni ge Boaba ge hō.

¹²Tsî Boab ge Obeda ge hō, tsî Obedi ge Isaiba ge hō.

¹³Tsî Isaib ge Eliab ǁîb di ǂguroǃnaesabeba ge hō, tsî Abinadab ǀgamǁîba tsî Simeab ǃnonaǁîba;

¹⁴Netaneli hakaǁîba, Radaib koroǁîba,

¹⁵Osemmi ǃnaniǁîba, Davib hûǁîba.

¹⁶Tsî ǁîgu di ǃgâsara ge Serujas tsî Abigails tsîra ge i. Tsî ǀgôagu Serujas digu ge Abisaib, Joab tsî Asaeli tsîgu, nē ǃnonaga ge i.

¹⁷Tsî Abigails ge Amasaba ge ǁora; tsî ǁgûb Amasab dib ge Jeteri, Ismaelǁî ge iba.

¹⁸Tsî Kaleb, Hesronni ôab ge ǀgôana ge hō Asubas, ǁîb di tarasa xu, tsî Jeriotsa xu. Tsî nēs di ôagu ge nēga: Jeseri tsî Sobab tsî Ardonni tsîga.

¹⁹Tsî Asubas ge ǁō-o, ob ge Kaleba Efratsa ge ū, tsî ǁîs ge Hura ge ǁoraba bi.

²⁰Tsî Huri ge Uriba ge hō, tsî Urib ge Besaleela ge hō.

²¹ǁNās khaoǃgâb ge Hesronna Maxiri, Gileadi îb di ôas tawa ge ǂgâ tsîb ge ǁîsa ge ū, ǃnanidisi kurixab ge i ǃnubai, tsîs ge ǁîba Seguba ge ǁoraba.

²²Tsî Segub ge Jaira ge hō, tsîb ge ǀgamdisiǃnonaǀa ǃāde ge ūhâ i Gileadi ǃhūb ǃnâ.

²³Tsîb ge Gesurs tsî Arams tsîra ǁîna xu ge ū Jairs di ǃādi ǀkha, Kenats tsî ǁîs ǃnaga hâ ǃādi ǀkha, ǃnanidisi ǃāde. Nēgu hoagu ge Maxiri, Gileadi îb di ôa ge i.

²⁴Tsî Hesronni di ǁōb khaoǃgâ, Kaleb-Efratas tawas ge Abias Hesronni di tarasa ǁkhāti Ashuri, Tekoab îba ge ǁoraba bi.

²⁵Tsî ǀgôagu Jeraxmeeli Hesronni di ǂguroǃnaesabeb digu ge nēga ge i: ǂGuroǃnaesabeb ge Ram ge i, ǁîba xu Bunab, Orenni, Osemmi tsî Ahiab tsîga.

²⁶Tsî Jeraxmeeli ge gorose ǀnî taras, Atara ti ǀon hâsa ge ūhâ i; ǁîs ge Onammi di î ge i.

²⁷Tsî ǀgôagu Rammi, ǂguroǃnaesabeb Jeraxmeeli dib digu ge Maab tsî Jaminni tsî Ekeri tsîga ge i.

²⁸Tsî ǀgôakha Onammi dikha ge Samaib tsî Jadab tsîkha ge i. Tsî ǀgôakha Samaib dikha ge Nadab tsî Abisuri tsîkha.

²⁹Tsî ǀons Abisuri taras dis ge Abigail ge i; ǁîs ge ǁîba Axbanni tsî Molidi tsîkha ge ǁoraba.

³⁰Tsî ǀgôakha Nadab dikha ge Seledi tsî Apajimmi tsîkha ge i; tsî Seledi ge ǀgôaose ge ǁō.

³¹Tsî ǀgôab Apajimmi dib ge Jisei ge i, tsî ǀgôab Jiseib dib ge Sesan ge i, tsî ǀgôas Sesanni dis ge Axlai ge i.

³²Tsî ǀgôakha Jadab, Samaib ǃgâsab dikha ge Jeteri tsî Jonatanni tsîkha ge i; tsî Jeteri ge ǀgôaose ge ǁō.

³³Tsî ǀgôakha Jonatanni dikha ge Peleti tsî Sasab tsîkha ge i. Nēkha ge Jeraxmeeli di ôa ge i.

³⁴Tsî Sesanni ge ǀgôaga ūhâ tama i tsî ǀgôadi ǀguide ge ūhâ i. Tsî Sesanni ge Egipteǁî ǃgāb, Jarha ti ǀon hâba ge ūhâ i.

³⁵Tsî Sesanni ge ǁîb di ôasa ǃgāb âb Jarhaba tarase ge mā; tsîs ge ǁîba Ataiba ge ǁoraba.

³⁶Tsî Ataib ge Natanna ge hō, tsî Natanni ge Sabada ge hō,

³⁷tsî Sabadi ge Eflala ge hō, tsî Eflali ge Obeda ge hō,

³⁸tsî Obedi ge Jehuba ge hō, tsî Jehub ge Asariaba ge hō,

³⁹tsî Asariab ge Heleba ge hō, tsî Heleb ge Eleasaba ge hō.

⁴⁰Tsî Eleasab ge Sismaiba ge hō, tsî Sismaib ge Salumma ge hō.

⁴¹Tsî Salummi ge Jekamjaba ge hō, tsî Jekamjab ge Elisamaba ge hō.

⁴²Tsî ǀgôagu Kaleb Jeraxmeeli di ǃgâsab digu ge Mesab, ǁîb di ǂguroǃnaesabeb (Sifi di îb ge a ǁî), tsî ǀgôagu Maresab, Hebronni îb digu tsîga.

⁴³Tsî ǀgôagu Hebronni digu ge Koraxi tsî Tapuaxi tsî Rekemmi tsî Semab tsîga ge i.

⁴⁴Tsî Semab ge Rahammi, Jorkoammi îba ge hō, tsî Rekemmi ge Samaiba ge hō.

⁴⁵Tsî ǀgôab Samaib dib ge Maon ge i, tsî Maonni ge Bet-Suri di î ge i.

⁴⁶Tsî Efas, Kaleb di ǀgamitaras, ge Haranni, Mosab tsî Gaseb tsîga ge ǁora tsî Haranni ge a Gaseb di î.

⁴⁷Tsî ǀgôagu Jahdaib digu ge Regemmi, Jotammi, Gesanni, Peleti, Efab tsî Saafi tsîga ge i.

⁴⁸ǀGamitaras Maaxasa xub ge Kaleba Seberi tsî Tirhanab tsîkha ge hō.

⁴⁹Tsî taras Saafi, Madmanab îb dis ge Sevab, Maxbenab îb, Gibeab îba ge ǁora. Tsî ǀgôas Kaleb dis ge Axsasa.

⁵⁰Nēgu ge ǀgôagu Kaleb diga ge i. Huri ôab, ǂguroǃnaesab Efratas dib ge Sobali, Kirjat-Jearimmi di î ge i;

⁵¹Salmonni Betlehemǁîn di îb, tsî Harefi, Bet-Gaderi di îba.

⁵²ǀGôakha Sobali, Kirjat-Jearims îb dikha ge Haroeb tsî Manuhoti tsîkha ge i.

⁵³Tsî ǃhaodi Kirjat-Jearimmi didi ge Jitriǁî tsî Putiǁî tsî Sumatǁî tsî Misraǁî ge i: ǁÎna xun ge Soraǁîn tsî Estaolǁîna ge ǀkhī.

⁵⁴ǀGôan Salmonni din ge Betlehemǁîn tsî Netofaǁîna ge i, Atrots Bet-Joab tsî Manahatǁîn di ǃkhareb tsî Soraǁîn tsîna.

⁵⁵Tsî xoa-aogu di surib din, Jabes tawa ge ǁan hâ in: Tiratǁîn, Simeatǁîn, Suxatǁîn ge ǁnā Keniǁîn, Hamati, Rexab ommi di îba xu ge ǀkhīna.