Read Khoekhoegowab 1 Kroniks 24 Bible Online

1 Kroniks 24 - Khoekhoegowab bible

1 Kroniks 24

¹Tsî Aronni ôagu xasa: Nēdi ge ǁîgu di ǀgorade ge i: ǀGôagu Aronni digu ge Nadab tsî Abihub, Eleasari tsî Itamari tsîga ge i.

²Xawe Nadab tsî Abihub tsîkha ge ǁgûb aiǃâ ge ǁō, tsî kha ge ǀgôao ge i; ǁnā-amaga kha ge Eleasari tsî Itamari tsîkha pristerse ge ǃoaba.

³Tsî Davib ge ǁîkha ge ǀgora Sadoki, Eleasari ôagu dib tsî Ahimelexi, Itamari ôagu dib tsîkha, ǁîkha di sîsenni ǃoa ǃoabas âkha ǃnâ.

⁴Tsî Eleasari ôagu xa gu ge ǃnā hâse aogu di danase ge hōhe Itamari di ôagu xa, ǁîga gu ge ǀgorao: Eleasari di ôagu xa gu ge disiǃnaniǀa dana ge i ǁgûsi omgu diga, xawe Itamari di ôagu xa gu ge ǁgûsi omgu ǃoa ǁkhaisa ge i.

⁵Tsî gu ge ǁîga ǀkhūs ǀkha ge ǀgora nēgu tsî naugu ona; ǃanusib di ǂamsagu tsî Elob di ǂamsagu ge Eleasari ôagu di ge i tsî Itamari ôagu di.

⁶Tsî Semajab, Netaneli ôab, xoa-aob Leviǁîgu dib ge ǁîga ge xoakhâi gao-aob di ais aiǃâ tsî gaosagu aiǃâ tsî pristeri Sadoki aiǃâ tsî Ahimelexi, Abjatari ôab aiǃâ tsî pristergu tsî Leviǁîgu di danagu aiǃâ; ǀgui ǁgûsi ommi ge Eleasara ge ūbahe tsî ǀguib ge Itamara ge ūbahe.

⁷ǂGuro ǀkhūs ge Jojariba ge ǀkhība, ǀgamǁîsa Jedajaba,

⁸ǃnonaǁîsa Harimma, hakaǁîsa Seorimma,

⁹koroǁîsa Malkiaba, ǃnaniǁîsa Mijaminna,

¹⁰hûǁîsa Hakoba, ǁkhaisaǁîsa Abiaba,

¹¹khoeseǁîsa Jesuaba, disiǁîsa Sexanjaba,

¹²disiǀguiǀaǁîsa Eljasiba, disiǀgamǀaǁîsa Jakimma,

¹³disiǃnonaǀaǁîs Hupaba, disihakaǀaǁîsa Jesebaba,

¹⁴disikoroǀaǁîsa Bilgaba, disiǃnaniǀaǁîsa Imera,

¹⁵disihûǀaǁîsa Hesira, disiǁkhaisaǀaǁîsa Hapiseba,

¹⁶disikhoeseǀaǁîsa Petaxjaba, ǀgamdisiǁîsa Jeheskela,

¹⁷ǀgamdisiǀguiǀaǁîsa Jaxinna, ǀgamdisiǀgamǀaǁîsa Gamula,

¹⁸ǀgamdisiǃnonaǀaǁîsa Delajaba, ǀgamdisihakaǀaǁîsa Maasjaba.

¹⁹Sîsenǃâs nēgu dis ge ǁîgu di ǃoabas ǃnâ ge i, ǃKhūb di ommi ǃnâ gu nî ǂgâsa ǁîgu di dommi ai Aronni, ǁîgu îb di ǃomma xu, ǃKhūb, Israeli Elob ge ǁîba mîmā xase.

²⁰Tsî nau ǀgôagu Levib digu xasa; ǁîgu xab ge Subaela Amrammi ôan ǃnâ ǂamsa ge i, Subaeli ôagu xab ge Jexdejaba ge i.

²¹Rehabjab xasa: Rehabjab xab ge Jisiaba dana ge i.

²²Jitsharǁîn xab ge Selomita dana ge i; Selomitǁîn xab ge Jahata dana ge i.

²³Tsî Hebronni ôagu xab ge Jeriaba ǂguro ge i, Amariaba ǀgamǁî, Jahasiela ǃnonaǁî tsî Jekamammi ge hakaǁî ge i.

²⁴Usieli di ôagu xab ge Mixaba ge dana i; Mixab di ôagu xab ge Samira dana ge i.

²⁵ǃGâsab Mixab dib ge Jisiaba ge i; ǀgôagu Jisiab digu xab ge Saxariaba dana ge i.

²⁶ǀGôakha Merarib dikha ge: Maxlib tsî Musib tsîkha ge i. ǀGôab Jaasiab dib ge Beno ge i.

²⁷ǀGôagu Merarib digu Jaasiab xab ge hōgu ge Benob tsî Sohammi tsî Sakuri tsî Ibrib tsîga ge i.

²⁸Maxlib xab ge Eleasara ge i, tsî ǁîb ge ǀgôao ge i.

²⁹Kisi xasa: ǀGôab Kisi dib ge Jeraxmeel ge i.

³⁰ǀGôagu Musib digu ge Maxlib tsî Ederi tsî Jerimoti tsîga ge i. Nēgu ge ǀgôagu Leviǁîn diga ge i ǁîgu ǁgûsi omgu ǃoa.

³¹Tsî gu ge ǁkhāti ǀkhūsa ge ao ǁîgu di ǃgâsagu, Aronni ôagu ge hî khami, gao-aob Davib di ais aiǃâ tsî Sadoki tsî Ahimelexi tsî pristergu Leviǁîgu ǃnâ a dana tsî ǁgûgu aiǃâ danab ǁgûgu dib, ǃgâsab âb ǂkhammi ǃoa-ai.