Read Khoekhoegowab 1 Kroniks 27 Bible Online

1 Kroniks 27 - Khoekhoegowab bible

1 Kroniks 27

¹Tsî nēn ge Israeli ôana ǁîn di ǃgôab ǃoa ǁgûgu di danagu tsî ǀoadisin di ǂamsagu, tsî kaidisin digu, ǁîgu di ǃoabasabegu ǀkha, gao-aoba ra ǃoabagu ǀkha, gao-aoba ra ǃoabaǃâ, ǀgoradi di ǃkhaidi hoadi hā tsî ra ǂoadi ǃnâ ǁkhâba xu ǁkhâb ǃoa ǁkhâgu kurib digu hoagu ǃnâ: Mâ ǀgoras hoas ge ǀgamdisihakaǀaǀoadisi ge i.

²ǂGuro ǀgoras ǂguro ǁkhâb dis ǂamab ge Jasobeamma ge hâ i, Sabdieli ôab, tsî ǁîb di ǀgoras ǃnâ gu ge ǀgamdisihakaǀaǀoadisiga ge hâ i.

³Tsîb ge Peresa xu ge ǀkhī, tsîb ge ǂnubidi di ǂamsagu hoagu di dana i, ǂguro ǁkhâb ǃnâ.

⁴Tsî ǀgamǁî ǁkhâb di ǀgoras ǂamab ge Dodaib, Ahohiǁîba ge hâ i, tsî ǁîb di ǀgoras ǂamab ge Mikloti ona ge aiǃgû-ao i; ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

⁵ǃNonaǁî ǂamsab ǂnubis dib ǃnonaǁî ǁkhâb dib ge Benajab, Jojadab, ǂampristeri di ôaba ge i, ǁîb ge dana ge i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

⁶Nē Benajab ge ǃnonadisigu di ǁē-ao tsî ǃnonadisiga ge mâiǂamhe hâ i, tsî ǁîb di ǀgorasab ge Amisabadi ǁîb ôaba ge mâiǂamhe hâ i.

⁷Hakaǁîb, hakaǁî ǁkhâb ǃnâb ge Asaeli, Joab di ǃgâsab, tsî ǁîb khaoǃgâ Sebadjab, ǁîb di ôa ge i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

⁸Koroǁîb, koroǁî ǁkhâb ǃnâb ge Samhuti, Seraǁîb, ǂamsab di ôa ge i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

⁹ǃNaniǁîb, ǃnaniǁî ǁkhâb ǃnâb ge Irab, Ikeb, Tekoaǁîb di ôa ge i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

¹⁰Hûǁîb, hûǁî ǁkhâb ǃnâb ge Heleb, Pelonǁîb, Efraimmi ôan diba ge hâ i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

¹¹ǁKhaisaǁîb, ǁkhaisaǁî ǁkhâb ǃnâb ge Sibexaib, Husaǁîb, Seraǁîn diba ge i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

¹²Khoeseǁîb, khoeseǁî ǁkhâb ǃnâb ge Abieseri, Anatotǁîb, Benjaminǁîn diba ge hâ i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

¹³Disiǁîb, disiǁî ǁkhâb ǃnâb ge Maharaib, Netofaǁîb Seraǁîn diba ge hâ i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

¹⁴Disiǀguiǀaǁîb, disiǀguiǀaǁî ǁkhâb ǃnâb ge Benajab, Piratonǁîb, Efraimmi ôan diba ge hâ i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

¹⁵Disiǀgamǀaǁîb, disiǀgamǀaǁî ǁkhâb ǃnâb ge Heldaib, Netofaǁîb, Otnieli diba ge hâ i, ǁîb di ǀgoras ǃnâ gu ge ǁkhāti ǀgamdisihakaǀaǀoadisiga ge hâ i.

¹⁶Tsî Israeli di ǃhaodi ǂama gu ge nēga ge hâ i: Rubenǁîn ǂamab ge Elieseri, Sixrib ôaba aiǃgû-aose ge hâ i; Simeonǁîn ǂama: Sefatjab, Maaxas ôaba;

¹⁷Leviǁîn ǂama: Hasabjab, Kemueli ôaba; Aronǁîn ǂamab ge Sadoka ge hâ i;

¹⁸Judab ǂamab ge Elihub, Davib ǃgâsagu di ǀguiba ge hâ i; Isaskari ǂamab ge Omrib, Mixaeli ôaba ge hâ i;

¹⁹Sebulonni ǂamab ge Jismajab, Obadjab ôaba ge hâ i; Naftalib ǂamab ge Jeremoti, Asrieli ôaba ge hâ i;

²⁰Efraimmi ôan ǂamab ge Hoseab, Asasiab ôaba ge hâ i; ǃkhare ǃhaos Manaseb dis ǂamab ge Joeli, Pedajab ôaba ge hâ i;

²¹ǃKhare ǃhaos Manaseb, Gileadi ǃnâ hâb din ǂamab ge Idob, Saxariab ôaba ge hâ i; Benjaminni ǂamab ge Jaasieli, Abneri ôaba ge hâ i;

²²Danni ǂamab ge Asareli, Jerohammi ôaba ge hâ i. Nēgu ge ǂamsa ge i, Israeli ǃhaodi diga.

²³Xawe Davib ge ǃgôab ǁnāgu, ǀgamdisi kurigu â-igu tsî ǁnās xa ǃnaga hâgu disa ū tama ge hâ i, ǃKhūb ge Israelab nî ǀhommi di ǀgamirodi kōse ǂguiǂgui, ti mî xui-ao.

²⁴Joab, Serujas ôab ge ge ǃgôatsoatsoa, xaweb ge ǀamǀam tama ge i; ǁî ǃkhais xab ge kai ǁaiba Israeli ǂama ge hā, ǁnā-amagas ge ǃgôaba ǃgôakhâihe tama hâ ǃgôab, gao-aob Davib di ǁaeb ǃnaeǃkhaidi dib ǃnâ.

²⁵Tsî ǁuigu gao-aob digu ǂamab ge Asmaveti, Adieli ôaba ge hâ i, tsî ǁuigu ǃhūb ai tsî ǃādi ǃnâ tsî ǃhaidi ǃnâ tsî ǂgō-omgu ǃnâ hâgu ǂamab ge Jonatanni, Usiab ôaba ge hâ i.

²⁶Tsî ǁnāgu, ǃhanab sîsenna, ǃhūb nî sîsenūhega ra dīgu ǂamab ge Esrib, Kelub ôaba ge hâ i.

²⁷Tsî ǂauxûiǂûǃhanagu ǂamab ge Simib, Ramatǁîba ge hâ i, xawe ǂauxûiǂûhaide xu ǂauxûib di ǁhōdi ǃnâ ge sīn ǂamab ge Sabdib, Sefamǁîba ge hâ i.

²⁸Tsî ǀkherahaiǃhanagu tsî ǀgopehaigu, ǃgoaǃnāb ǃnâ hâgu ǂamab ge Baal-Hananni, Gederǁîba ge hâ i, xawe Joab ge ǀkherab di ǁhōdi ǂama ge hâ i.

²⁹Tsî goman, Sarons ǃnâ ra ǃûn ǂamab ge Sitraib Saronǁîba ge hâ i, xawe ǃgoaǃnāgu ǃnâ hâ goman ǂamab ge Safati, Adlaib ôaba ge hâ i.

³⁰Tsî ǃnain ǂamab ge Obili Ismaelǁîba ge hâ i, tsî eseln ǂamab ge Jexdejab, Meronotǁîba ge hâ i.

³¹Tsî ǀgoan ǂamab ge Jasib, Hagarǁîba ge hâ i. Nēgu hoagu ge ǂamkhoe ge i xūn, gao-aob Davib ge ūhâ in ǂama.

³²Tsî Jonatanni, Davib di ǁnaob ge ǀape-ao ge i, ǁnâuǃāxa ao tsî ǁkhāti xoa-ao ge iba. Tsî Jehieli, Haxmonib ôab ge gao-aob ôagu ǀkha ge hâ i.

³³Tsî Ahitofeli ge gao-aob di ǀapemā-ao ge i, tsî Husaib Arkǁîb ge gao-aob di horesa ge i.

³⁴Tsî Ahitofeli khaoǃgâ kha ge Jojadab, Benajab ôab, tsî Abjatari tsîkha ge hâ i, tsî Joab ge gao-aob di toroǂamao ge i.