Read Khoekhoegowab 1 Kroniks 4 Bible Online

1 Kroniks 4 - Khoekhoegowab bible

1 Kroniks 4

¹ǀNî ǀgôagu Judab digu ge Pereb, Hesronni tsî Karmib tsî Huri tsî Sobali tsîga ge i.

²Tsî Reajab, Sobali ôab ge Jahata ge hō, tsî Jahati ge Ahumaib tsî Lahadi tsîkha ge hō, nēdi ge ǃhaoǃnādi Soraǁîn dide.

³Tsî nēn ge ǁgûb, Etammi ôana: Jesreeli tsî Jismab tsî Jidbab; tsî ǁîgu di ǃgâsas ge Haselelponi ge i.

⁴Tsî Penueli ge Gedori di î ge i, tsî Eseri ge Husab di î ge i. Nēgu ge Huri, Efratab, Betlehemǁîn ǂguroǃnaesabeb di ôa ge i.

⁵Tsî Ashuri, Tekoab îb ge ǀgam tarara Helas tsî Naaras tsîra ge ūhâ i.

⁶Tsî Naaras ge ǁîba Ahusammi tsî Heferi tsî Temenib tsî Ahastarib tsîga ge ǁoraba. Nēgu ge a Naaras di ôa.

⁷Tsî Helas ôagu ge Sereti, Isari tsî Etnanni tsîga ge i.

⁸Tsî Kosi ge Anub tsî Sobebab tsîkha tsî ǃhaoǃnādi Aharheli, Harummi ôab dide ge hō.

⁹Tsî Jabeb ge ǃgâsagu âb xa ǂkhaisa ge i, xawe ǁgûs ge ǁîb di ǀonsa Jabeb ti ge ǂgai, tsî: Tsûgu ǀkha ta ge ǁîba ge ǁora, tis ge mî xui-ao.

¹⁰Tsî Jabeb ge Israeli di Eloba ǂgaiǀî tsî ge mî: Kaisets ga tita ǀkhaeo, tsî ti ǃhūǀkharibats ga kaikaio, tsî sa ǃommi ga tita ǀkha hâo, tsî ǂkhabab ǀkhats ga sîseno, xū-i xare-i xa ta tsûtsûhe tidese! Ob ge Eloba ǀgoreb ge xūna ge hā kai.

¹¹Tsî Kelub, Suhab ǃgâsab ge Mehira ge hō; ǁîb ge Estonni di îba.

¹²Tsî Estonni ge Bet-Rafab tsî Paseaxi tsî Tehinab, Ir-Nahab îba ge hō. Nēgu ge aogu Rexab diga.

¹³Tsî ǀgôakha Kenab dikha ge Otnieli tsî Serajab tsîkha ge i; tsî ǀgôagu Otnieli digu ge Hatati tsî Meonotaib tsîkha ge i.

¹⁴Tsî Meonotaib ge Ofraba ge hō; tsî Serajab ge Joab, haikuru-aogu di ǃgoaǃnāb îba ge hō, haikuru-aogu ge i amaga.

¹⁵Tsî ǀgôagu Kaleb Jefuneb ôab digu ge Irub, Elab tsî Naammi tsîga ge i; tsî ǀgôab Elab dib ge Kena ti ge ǀon hâ i.

¹⁶Tsî ǀgôagu Jehaleleli digu ge Sifi tsî Sifab, Tireab tsî Asareli tsîga ge i.

¹⁷Tsî ǀgôagu Esrab digu ge Jeteri tsî Meredi tsî Eferi tsî Jalonni tsîga ge i; tsî nēgu ge ǀgôagu Bitjas, Faraob ôas, Meredi ge ūs diga; ǁîs ge Miriams tsî Samaib tsî Jisbaxi, Estemoab îb hâna ge ǁora.

¹⁸Tsî ǁîb di taras Jodeǁîs ge Jeredi, Gedori îb, tsî Heberi, Soxob îb, Jekutieli, Sanoaxi îb tsîga ge ǁora.

¹⁹Tsî ǀgôakha Hodiab di taras, Nahammi ǃgâsas digu ge Abi-Keilab, Garmiǁîb, tsî Estemoab, Maaxaǁîb tsîkha ge i.

²⁰Tsî ǀgôagu Simonni digu ge Amnonni tsî Rinab tsî Ben-Hananni tsî Tilonni tsîga ge i; tsî ǀgôakha Jisib dikha ge Soheti tsî Ben-Soheti tsîkha ge i.

²¹Tsî ǀgôakha Selab, Judab ôab dikha ge Eri, Lexab îb, tsî Ladab, Maresab îb tsîkha ge i; tsî ǃhaoǃnādi linesîsenaon di ommi, Asbeab oms ǃnâ hân dide.

²²ǁNās tawa Jokimmi tsî ǁnā aogu Kosebab tsî Joab tsî Sarafi tsîgu, Moabǁîn ǂama ge gaogu diga, tsî Jasubi-Lehemmi diga; xawe nē ǃnaeǃkhaidi ge a ǀoro.

²³Nēgu ge sūǂnubi-ao ge i, Netaims tsî Gederas ǃnâ ǁan hâǃâ, tsî gu ge ǁnāpa gao-aob tawa ǃoabas âb ǃnâ ge hâ i.

²⁴ǀGôagu Simeonni digu ge Nemueli tsî Jaminni, Jarib, Serab tsî Sauli tsîga ge i.

²⁵Salummi ge ǁîb di ôa ge i, Mibsammi ge ǁîb ôa ge i; Mismab ge ǁîb ôa ge i.

²⁶ǀGôagu Mismab digu ge nēga: Hamueli, ǁîb ôab, Sakuri ǁîb ôab tsî Simib, ǁîb ôab.

²⁷Tsî Simib ge disiǃnaniǀa ǀgôagu tsî ǃnani ǀgôadi tsîna ge ūhâ i; xawe ǃgâsagu âb ge ǂgui ǀgôaga ge ūhâ tama hâ i; tsî ǁîgu di ǃhaoǃnādi ge Judab ôan didi khami kaise ǂguiǂguisen tama ge hâ i.

²⁸Tsîn ge Bersebas tawa ge ǁan tsî Moladas tawa tsî Hasar-Suals tawa,

²⁹tsî Bilhas tawa tsî Esems tawa tsî Tolads tawa,

³⁰tsî Betuels tawa tsî Hormas tawa tsî Siklags tawa,

³¹tsî Bet-Markabots tawa tsî Hasar-Susims tawa tsî Bet-Biris tawa tsî Saarajims tawa. Nēdi ge ǁîb di ǃā ge i Davib ge gao-ao kais kōse.

³²Tsî ǁîn di ǃhaidi ge Etams tsî Ains, Rimons tsî Toxens tsî Asans tsîde ge i: Koro ǃāde.

³³Tsî ǁîn di ǃhaidi hoadi nē ǃādi ǂnamipe ǁgoedi ge Baals kōse ge sī. Nēdi ge ǁîn di ǁanǃkhaide ge i, tsî ǁîn di ǃhaoǃnāǂkhani-en ge ge ūhâ i ǁîn ǁaegu.

³⁴Xawe Mesobab tsî Jamlexi tsî Josab, Amasiab ôab,

³⁵tsî Joeli tsî Jehub, Josibjab ôab, Serajab ôab, Asieli ôab,

³⁶tsî Eljoenaib tsî Jaakobab tsî Jesohajab tsî Asajab tsî Adieli tsî Jesimieli tsî Benajab,

³⁷tsî Sisab, Sifib ôab, Alonni ôab, Jedajab ôab, Simrib ôab, Semajab ôab tsîga.

³⁸Nēgu, ǀondi âgu xoahe hâgu ge gaosa ge i ǁîn di ǃhaoǃnādi ǃnâ, tsî ǃhaoǃnādi ǁîgu îgu didi ge kaise ge khoraǂuisen.

³⁹Tsî gu ge ǂgâdaos Gedors dis, ǃgoaǃnāb di aiǂoasǀî ǁgoes kōse ge doe, ǁîgu di gūna gu nî ǃû-ai-e hōbase.

⁴⁰Tsî gu ge kausa tsî ǃgâi ǃû-ai-e ge hō, tsî ǃhūb ge hara tsî ǃnōsa tsî ǂkhî ge i; Xamǁîn ge aibe ǁnāpa ǁan hâ i xui-ao.

⁴¹Nēgu, ǀondi âgu xoahe hâgu ge Hiskiab, Judab gao-aob di tsēdi ǃnâ ge hā tsî gu ge tentomdi tsî Meunǁîn ǁnāpa ge hōhena ǂnau tsî ǁîna ge ǀâxare, nētsēs kōse tsî gu ge ǁîn di ǃās ǃnâ ge ǁan, ǃû-ai-i ge ǁnāpa ǁîgu di gūna hâba i xui-ao.

⁴²ǁKhāti gu ge korokaidisi aogu Simeonni ôan diga Seirǃhommi ǃoa ge ǃgû; tsî Pelatjab tsî Nearjab tsî Refajab tsî Usieli tsîgu, Jisib ôagu ge ǁîga danase ge ība.

⁴³Tsî gu ge ǀnîgu Amalekǁîn xa ge ǃgaun diga ge hîkākā, tsî gu ge ǁnāpa ge ǁan nē tsēs kōse.