Read Khoekhoegowab 1 Kroniks 9 Bible Online

1 Kroniks 9 - Khoekhoegowab bible

1 Kroniks 9

¹Tsî Israeli hoab ge ǃhaos ǃgôakhâihes di ǂkhanidi ǃnâ ge ǃgôakhâihe, tsî mû, ǁîn ge xoahe hâ ǂkhanis Israeli di gao-aogu dis ǃnâ. Tsî Judab din ge Babilons ǃoa ge ūǃgûhe ǁîn di ǃûǂamdi ǃaroma.

²Tsî ǂguro ǁanǂgāsaben, ǁîn di ǃkhūsis ǃādi ǃnâ ge sīn ge Israelǁî ge i, pristergu tsî Leviǁîgu tsî tempelǃoaba-aogu tsîga.

³Tsî Jerusalems tawan ge Judab din tsî Benjaminni din tsî Efraimmi tsî Manaseb tsîkha di ôana ge ǁan.

⁴Utaib, Amihudi ôab, Omrib ôab, Imrib ôab, Banib ôab, Peresi ôan dib, Judab ôab.

⁵Tsî Silonǁîn xab ge Asajab, ǂguroǃnaesabeb tsî ǁîb di ôan tsîna ge i.

⁶Tsî Serab di ôan xab ge Jeuela ge i. Tsî ǃgâsan âb ge ǃnanikaidisi tsî khoesedisi ge i.

⁷Tsî Benjaminni di ôan xab ge Salub, Mesulammi ôab, Hodaviab ôab, Hasenuab ôab;

⁸tsî Jibneab, Jerohammi ôab, tsî Elab, Usib ôab, Mixrib ôab tsî Mesulammi, Sefatjab ôab, Regueli ôab, Jibnijab ôaba.

⁹Tsî ǁîgu di ǃgâsagu ge ǁîgu ǃhaodi ǃoa khoesekaidisi tsî korodisiǃnaniǀa ge i. Nē aogu hoagu ge ǁgûgu di dana ge i ǁgûgu âgu di omgu ǃnâ.

¹⁰Tsî pristergu xa: Jedajab tsî Jojarib tsî Jaxinni tsîga.

¹¹Tsî Asariab, Hilkiab ôab, Mesulammi ôab, Sadoki ôab, Merajoti ôab, Ahitub ôab, Elob ommi di ǂamkhoeb.

¹²Tsî Adajab Jerohammi ôab, Pashuri ôab, Malkiab ôab, tsî Masaib, Adieli ôab, Jaxserab ôab, Mesulammi ôab, Mesilemiti ôab, Imeri ôaba.

¹³ǁNās tawa ǁîgu di ǃgâsagu hîa ǁîgu îgu di omgu ǃnâ dana ge igu ge ǀguiǀoadisihûkaidisi tsî ǃnanidisi ǃgari ǁē-aogu, Elob ommi ǃoabas di sîsenni ǃnâ ge mâ iga.

¹⁴Tsî Leviǁîgu xa gu ge: Semajab Hasub ôab, Asrikammi ôab, Hasabjab ôab, Merarib ôan dib,

¹⁵tsî Bakbakari, Hereb tsî Galali tsî Matanjab, Mixab ôab, Sixrib ôab, Asafi ôab;

¹⁶tsî Obadjab, Semajab ôab, Galali ôab, Jedutunni ôab, tsî Berexjab, Asab ôab, Elkanab ôab, Netofaǁîn di ǃhaidi ǃnâ ge ǁan hâ ib tsîga.

¹⁷Tsî ǁāb ǃûi-aogu ge Salummi tsî Akub tsî Talmonni tsî Ahimanni tsî ǁîb di ǃgâsagu tsîga ge i: Salummi ge dana ge i.

¹⁸Nēsis kōse xawe gu ge nēga gao-aob di ǁāb, aiǂoas ǀkhāb ai ǁāb di ǃûi-ao ge i, Levib ôan di ǂnubidi ǃnâ.

¹⁹Tsî Salummi, Koreb ôab, Ebiasafi ôab, Koraxi ôab tsî ǁîb di ǃgâsagu ǁgûb ommi digu, Koraxǁîgu, ge ǃoabas di sîsenni ǂama ge hâ i, dā-aiǃkhaidi tabernakeli didi ǃûi-aose, ǁîgu îgu ge ǃKhūb di ǂnubis ǃnâ ǂgâdaos ǃûi-ao is ǁkhās xase.

²⁰Pinehab, Eleasari ôab ge ǁîgu ǃnâ aiǃgû-ao is ǁkhās xase, ǃKhūb ǁîb ǀkha ge hâ iba.

²¹Saxariab, Meselemjab ôab ge ǁāb ǃûi-ao ge i tentoms ǀhûs dis di dao-ams tawa.

²²ǁĀǃûi-aose, dā-aiǃkhaidi tawa ǃkhōǂuihe hâgu hoagu ge ǀgamkaidisi tsî disiǀgamǀa ge i. Nēgu ge ǃhaos ǃgôakhâihes di ǂkhanidi ǃnâ ge ǃgôakhâihe hâ i, ǁîgu di ǃhaidi i xase. Davib tsî Samueli, mûǂam-aob, tsîkha ge ǁîga ǃoabas âgu ǃnâ ǂnûiǂgā khami.

²³ǁÎgu tsî ǁîgu ôagu on ge ǁāgu ǃKhūb ommi digu tawa tentoms ǃnâ ǃûi-aose ge hâ i.

²⁴Haka ǂoadi tawa gu ge ǁnā ǃûi-aoga ge hâ i, aiǂoasǀî, huriǂoasǀî, ǀapasǀî tsî ǃkhawagasǀî.

²⁵Tsî ǁîgu di ǃgâsagu ge ǁîgu di ǃhaidi ǃnâ hâ tsî hugaǀgui hûǁî tsēs ai gere hāǂgâxa, ǁîgu ǀkha gu nî ǃoabaga.

²⁶Nē ǃoabas ǃnâ gu ge haka ǂamǁāǃûi-aogu, Leviǁî ge iga ge hâ i; tsî gu ge ǃnā-omdi tsî hōdi Elob ommi didi ǂama ge ǂnûihe hâ i.

²⁷Tsî gu ge Elob ommi ǂnamipe gere hâǁgoa; ǁîgu gere ǃûi xui-ao, tsî gu ge mâ ǁgoas hoasa gere ǁkhowa-am.

²⁸Tsî ǀnîgu âgu ge sîsenūxapan ǃoabas din ǂama ge ǂnûihe hâ i, ǃgôahe hâsen ge ǁîna ge taniǂgā, tsî ǃgôahe hâsen ge ǁîna ge taniǂui.

²⁹Tsî ǁîgu xa gu ge ǀnîga xapan ǂama ge ǂnûihe hâ i, tsî ǃanu xapan hoan ǂama tsî tsampereb ǂama, tsî ǂauxûib ǂama tsî olib ǂama tsî wiroki ǂama tsî ǃgâihamxūn ǂama.

³⁰Tsî ǀgôagu pristergu digu xa gu ge ǀnîga ǁāǁā-ao ge i ǃgâihamxūn sîsenni diga.

³¹Tsî Matitjab, Leviǁîgu dib hîa ǂguroǃnaesabe ge ib, Salummi, Koraxǁîb, ge amaiǃoredi ǃnâ ra amhe xūn di sîsenna ge ǂgomaiǂnûibahe hâ i.

³²Tsî Kehatǁîn di ôagu, ǁîn ǃgâsagu xa gu ge ǀnîga ǁgauperegu ǂama ge ǂnûihe hâ i, sâtsēkorobe gu nî ǁîga ǁāǁāse.

³³ǁÎga xu gu ge ǁkhāti ǁnae-aoga ge hâ i, ǁgûgu di danaga, Leviǁîn ǁaegu ǃnā-omdi ǃnâ sîsenni xa a ǃnorasaga; tsēa tsî tsuxuba ǁnā sîsenna dīsa gu ge ǁguiǂamhe hâ i xui-ao.

³⁴Nēgu ge Leviǁîn ǁaegu hâ ǁgûgu di dana ge i, ǃhaodi âgu ǃnâ a danaga; nēgu ge Jerusalems tawa ge ǁan hâ i.

³⁵Tsî Gibeons tawab ge ge ǁan Jeieli, Gibeonni di îba; ǀons taras âb dis ge Maaxa ge i,

³⁶tsî Abdonni ge ǁîb di ǂguroǃnaesabe ǀgôa ge i, ǁnās khaoǃgâ Suri, Kisi, Baali, Neri, Nadab,

³⁷Gedori, Ahiob, Saxariab tsî Mikloti tsîga.

³⁸Tsî Mikloti ge Simeaba ge hō; nēgu on ge Jerusalems tawa ge ǁan, ǁîgu di ǃgâsagu ǃoa-ai ǃgâsagu âgu ǀkha.

³⁹Tsî Neri ge Kisa ge hō, tsî Kisi ge Saula ge hō, tsî Sauli ge Jonatanni tsî Malkisuab tsî Abinadab tsî Esbaali tsîga ge hō.

⁴⁰Tsî Jonatanni di ôab ge Merib-Baala ge i, tsî Merib-Baali ge Mixaba ge hō.

⁴¹Tsî ǀgôagu Mixab digu ge Pitonni tsî Melexi tsî Taxreab tsî Axasi tsîga ge i.

⁴²Tsî Axasi ge Jaraba ge hō, tsî Jarab ge Alemeta ge hō tsî Asmaveti tsî Simriba, tsî Simrib ge Mosaba ge hō.

⁴³Tsî Mosab ge Binaba ge hō, ǁîb ôab ge Refajaba ge i, ǁîb di ôab ge Eleasaba ge i, ǁîb di ôab ge Asela ge i.

⁴⁴Tsî Aseli ge ǃnani ǀgôaga ge ūhâ i, tsî nēdi ge ǁîgu di ǀonde: Asrikammi, Boxrub, Ismaeli, Searjab, Obadjab tsî Hananni tsîga; nēgu ge Aseli di ôaga.