Read Khoekhoegowab 2 Kroniks 27 Bible Online

2 Kroniks 27 - Khoekhoegowab bible

2 Kroniks 27

¹Jotammi ge ǀgamdisikoroǀa kurixa ge i, gao-ao kaib ge ǃnubai, tsîb ge disiǃnaniǀa kuriga ge gaosîsen Jerusalems tawa. Tsî ǀons ǁîb îs dis ge Jerusa ge i, Sadoki di ôasa.

²Tsîb ge ǃKhūb mûǁae a ǂhanuna gere dī, ǁîb îb Usiab ge dīn hoan ǃoa. ǃKhūb di tempeli ǃnâb ge ǂgâ tama hâ is ǀguis ge, xawe ǁaes ge ganupe tsūse gere dī.

³ǁÎb ge ǀgapise hâ ǁāgu ǃKhūb di ommi diga ge ǂnubi; ǁîb ge ǁkhāti kaise Ofeli di ǂnubiǂgoab tawa gere ǂnubi.

⁴ǁNās tawab ge ǃāde gere ǂnubi Judab di ǃhommi ai; tsî ǁoedi ǃnâb ge ǁaposa ǃkhaidi tsî ǂgō-omgu tsîna gere ǂnubi.

⁵ǁÎb ge ǁkhāti Amonni ôan di gao-aoba ge ǃkhamū, tsîb ge ǁîna ge dan. Amonni ôan ge ǁîba ǁnā kurib ǁkhāb ǃnâ ǀguikaidisi talende ǀhaiǀurib xa tsî disiǀoadisi korgu ǃhorob xa tsî disiǀoadisi korga gerstǃhorob xa mās kōse. Nē xūnan ge Amonni ôana ǁkhawa ǁkhāti ǀgamǁî tsî ǃnonaǁî kurib ǃnâ ge ūhā.

⁶Nētib ge Jotamma ge ǀgaiǀgaisen; daogu âbab ge ǃKhūb, ǁîb di Elob ais aiǃâ ǃkhō-ūnuǃgâ xui-ao.

⁷Tsî nau xūn Jotammi di ǃnaeǃkhaidi din tsî ǁîb torogu hoagu tsî ǁîb daogu tsîn, mû, ǁîn ge xoahe hâ ǂkhanis Israeli tsî Judab tsîkha di gao-aogu dis ǃnâ.

⁸ǁÎb ge ǀgamdisikoroǀa kurixa ge i, gao-ao kaib ge ǃnubai, tsîb ge disiǃnaniǀa kuriga ge gaosîsen Jerusalems tawa.

⁹Tsî Jotammi ge ǁîb îgu khami ge ǁō, tsîn ge ǁîba Davib di ǃās ǃnâ ge ǁkhō. Tsî ǁîb ôab Axasi ge ǁîb di ǃās ǃnâ ge gao-ao kai.