Read Khoekhoegowab 2 Kroniks 4 Bible Online

2 Kroniks 4 - Khoekhoegowab bible

2 Kroniks 4

¹Tsîb ge ǁkhāti ǂai-altarsa ge dī ǀgamdisi ǂhâgu kōse gaxu tsî ǀgamdisi ǂhâgu kōse ǂhaba tsî disi ǂhâgu kōse a ǀgapisa.

²ǃAruǀîb ge huriba ge dī, ǂnâhe hâba; ǁîb ge disi ǂhâgu kō ge i nē ǀams âba xu nau ǀams âb kōse, hoaragase ǃgupuba, tsîb ge koro ǂhâgu kōse ge ǀgapi i, tsîb ge ǀguiro-ūtsurib ǃnonadisi ǂhâgu kōse ge gaxu ib xa ge hâǂnamihe hâ i.

³Tsî ǁîb ǃnagab ge īb gomagu diba ǁîba ge ǃnamiǂgā, disi ǂhâgu kōse huriba ra hâǂgāǃâ, ǀgam ǁgarakha nē goman dikha ge ǁîb di ǂnâs ǃnâ ge ǂnâhe hâ i.

⁴ǁÎb ge disiǀgamǀa gomagu ai ge mâ i, ǃnonagu ǀapasǀî ra kōse, tsî ǃnonagu huriǂoasǀî ra kōse, tsî ǃnonagu ǃkhawagasǀî ra kōse, tsî ǃnonagu aiǂoasǀî ra kōse; tsî hurib ge ǁîgu ai ge hâ i, tsî ǁîgu di khaosǀkhāgu hoagu ge ǃnābǀî ge hâ i.

⁵Tsî ǁaub âb ge ǀgui ǃommi di ǂhabasib kō ge i, tsî amǃgâb âb ge ǀgabis amǃgâb khami ge ī i, leliǃkhās dib khami, tsîb ge ǁîba ǃnonaǀoadisi batga ge ǃkhōǂgā hâ i.

⁶Tsîb ge disi ǁāǃnâǃorega ge dī, tsîb ge koroga ǁareǀkhāb ai tsî koroga amǀkhāb âb ai ge mâi, ǁîgu ǃnâ nî ǁāhega; khauǁguibasa anuban, ǁîna gu ge ge dīǂgā, xawe hurib ge ge hâ i, pristergu nî ǁîb ǃnâ ǁāsenga.

⁷Tsîb ge ǁkhāti disi ǃhuniǀurikandelarga ge dī ǁîgu di dommi ai, tsîb ge ǁîga tempeli ǃnâ ge mâi, koroga amǀkhāb tsî koroga ǁareǀkhāb ai.

⁸ǁKhātib ge disi tāga ge kuru, tsîb ge ǁîga tempeli ǃnâ ge mâi, koroga amǀkhāb ai tsî koroga ǁareǀkhāb ai, tsîb ge ǀguikaidisi ǃhuniǀuriǀgapiǃorega ge kuru.

⁹ǃAruǀîb ge ai-ommi pristergu diba ge kuru, tsî ai-ommi kaib ǁîb di dao-amdi ǀkha, tsîb ge dao-amdi âga ǂaib ǀkha ge ǃkhûǀkhā.

¹⁰Tsî huribab ge amǀkhāb ǁôab ai ge mâi, aiǂoasǀî ǃkhawagas ǃoa-ai.

¹¹ǁNās tawab ge Huramma sūdi tsî sîsenbē-ūxūn tsî ǀgapiǃoregu tsîna ge kuru; nētib ge Huramma sîsenna ge dītoa, gao-aob Salomobab ge Elob ommi tawa dībaba:

¹²ǀGam ǂkhâǃnâkha; tsî ǃgupu xūkha tsî ǀgam ǂkhâǀuidanakha, ǂkhâǃnâkha di danas ai hâkha; tsî ǀgam ǀûira ǂkhâǀuidanakha di ǀgam ǃgupu xūkha, ǂkhâǃnâkha di danas ai ǀgapise hâkha nî ǃgū-aihese.

¹³Tsî hakakaidisi granatǂûn tsî ǀgam ǀûira dina, ǀgam ǁgarakha granatǂûn dikha mâ ǀûis hoas tawa, kapitelkha di ǀgam ǃgupu xūra ǂkhâǃnâhaikha ai ise hâra nî ǃgū-aihega.

¹⁴ǁÎb ge ǁkhāti mâ-aixūde ge kuru, tsî ǁāǃnâǃorega mâ-aixūdi ai;

¹⁵ǁnān tawa ǀgui hurib, tsî disiǀgamǀa gomagu tsîna hurib ǃnaga;

¹⁶tsî sūdi tsî sîsenbē-ūxūn tsî ǃkhā-ūxūn tsî ǁîn di xapan hoanab ge Huram-Abiba gao-aob Salomoba ǃKhūb di omma ge kuruba ǃanuǃanusa ǂaib xa.

¹⁷Jordanǃāb di ǂgāb aib ge gao-aoba ǁîna ge ǂnâ, ǂgoaxa ǃhūb ǃnâ, Sukots tsî Seredas tsîra ǁaegu.

¹⁸Tsî Salomob ge nē soadi hoade kaise ge ǂguiǂgui, tsî ǃgommi ǂaib dib ge ǀnōhe ǁoa ge i.

¹⁹ǁKhātib ge Salomoba ǁnā xapadi ǃKhūb ommi didi hoadi tsî ǃhuniǀuri-altars tsî tāgu ǁgauperegu ǃaroma hâgu;

²⁰tsî kandelargu ǁîgu di ǃamamǀaedi ǀkha, ǃgomǀgausa ǃhuniǀurib ǀkha, mîǁguisa ǀgaub ain nî ǃamhese ǃhoaǀîǃkhais aiǃâ;

²¹tsî ǃkhādi tsî ǃamǀaedi tsî ǁaraǂaoxūdi tsîna ǃhuniǀurib ǀkha; hoan xa ǃgâi ǃhuniǀurib ge ge i;

²²tsî gôadi tsî ǀgapiǃoredi tsî ǀanǀan xapadi tsî ǃgâihamxūn soadi tsîna ǃgomǀgausa ǃhuniǀurib ǀkha; tsî ǂgâǃkhais ommi dis xasa, ǃnāb di dao-amdi ǃanun di ǃanub didi tsî dao-amdi tempelommi didi ge ǃhuniǀuri ge i.