Read Khoekhoegowab Nehemiab 10 Bible Online

Nehemiab 10 - Khoekhoegowab bible

Nehemiab 10

¹Tsî ǂganamǀgaiǀgai-aogu ge nēga ge i: Nehemiab, ǃhūǃkhōmâi-aob, Haxaljab ôab, tsî Sedekiab,

²Serajab, Asariab, Jeremiab,

³Pashuri, Amariab, Malkiab,

⁴Hatub, Sebanjab, Maluxi

⁵Harimmi, Meremoti, Obadjab,

⁶Danieli, Ginetonni, Baruxi,

⁷Mesulammi, Abiab, Mijaminni,

⁸Maasjab, Bilgaib tsî Semajab tsîga. Nēgu ge prister ge iga.

⁹Tsî Leviǁîgu xa nēga: Jesuab, Asanjab ôab, tsî Binuib Henadadi ôagu xa tsî Kadmieli tsîga,

¹⁰tsî ǁîgu di ǃgâsagu: Sebanjab, Hodiab, Kelitab, Pelajab, Hananni,

¹¹Mixab, Rehob, Hasabjab,

¹²Sakuri, Serebjab, Sebanjab

¹³Hodiab, Banib tsî Beninub tsîga.

¹⁴ǁAes di ǂgaeǂgui-aogu ase: Parob, Pahat-Moab, Elammi, Satub, Banib,

¹⁵Bunib, Asgadi, Bebaib,

¹⁶Adoniab, Bigvaib, Adinni,

¹⁷Ateri, Hiskiab, Asuri,

¹⁸Hodiab, Hasummi, Besaib,

¹⁹Harifi, Anatoti, Nebaib,

²⁰Magpiab, Mesulammi, Hesiri,

²¹Mesesabeli, Sadoki, Jaduab,

²²Pelatjab, Hananni, Anajab,

²³Hoseab, Hananjab, Hasub,

²⁴Haloheb, Pilhab, Sobeki,

²⁵Rehummi, Hasabnab, Maasejab,

²⁶Ahiab, Hananni, Ananni,

²⁷Maluxi, Harimmi tsî Baanab tsîga.

²⁸Tsî naugu ǁaes digu, pristergu tsî Leviǁîgu tsî ǁāb ǃûi-aogu tsî ǁnae-aogu tsî tempelǃgāgu tsî ǃhūgu di ǁaede xu Elob di ǂhanubǀî ge khaisengu hoagu tsî ǁîgu taradi tsî ǁîgu ôagu tsî ǁîgu ôadi tsîn, ǂans tsî ǁnâuǃāb tsîra ūhâgu hoagu,

²⁹ǁîgu ge ǃgâsagu âgu, ǀgapiǃgôasagu âga ge ǁaeǁaesen, tsî gu ge ge hā, ǀâxareb tsî nūs tsîra ǃnâ gu nî ǂgâse, Elob di ǂhanub, Elob ǃgāb Moseb di ǃomǁaeba xu ge māheb ǃnâ gu nî ǃgû ti, tsî ǃKhūb, sada Elob di mîmādi hoadi tsî ǁîb di ǂhanugu tsî ǁîb di ǂnûiǂgādi tsîna gu nî dī, ti.

³⁰Tsî sada ôade da ge ǃhūb di ǁaede mā tide, tsî ǁîn ôade da ge sada ôaga ūba tide.

³¹Tsî ǃhūb di ǁaedi ga xūn tsî ǃhoroǃnôan hoana sâtsēs ai ǁamaxūn nîga ūǂgâxao, o da ge sâtsēs ais kas, ǀnî ǃanu tsēs ais kas hoasa ǁîn xa ū tide; tsî hûǁî kurib ǃnâ da ge mâ ǃgomain hoana nîra ǃnoraǃnora.

³²ǃAruǀî da ge mîmāde ge ǂnûibasen, ǃnonaǁî ǃâs sekels disa da nî kurib ǃnâ sada Elob ommi di ǃoabasa ǀkhaeba,

³³pereb ǁāǁās dib tawa tsî tsēkorobe khauǁguibas tawa tsî tsēkorobe khauǁguibas sâtsēgu dis tsî ǂkham ǁkhâgu dis tsî ǂnûihesa kai ǁaegu dis ǃoa tsî ǁoreǁguibadi ǃoa, Israeli nî ǂkhîbagu kaihese; tsî mâ sîsenni sada Elob ommi dib hoab ǃoa.

³⁴Tsî da ge ǁkhāti ǀkhūde ge ao pristergu ǃnâ tsî Leviǁîgu tsî ǁaes tsîn ǃnâ ǁguibas ǁnā ǀaen Elob ommi tawa nî ūhāhen dis xa, sada îgu di omgu ǃoa, mîmâihesa ǁaeb ai, kurikorobe nî ǁguibahesa, khauhe nîga, ǃKhūb, sada Elob di altars ai ǂhanub ǃnâ xoahe hâse.

³⁵ǁKhāti da ge ǂgurosan sada ǃhanab din tsî ǂgurosan mâ ǂûǃnôan hoan mâ haiǃnôan hoan dina kurikorobe ǃKhūb di ommi tawa nî ūhā.

³⁶Tsî ǂgurosagu sada ôagu digu tsî sada ǀgoan diga, ǂhanub ǃnâ xoahe hâse; tsî ǂgurosagu sada goman tsî sada gūn diga da ge sada Elob di ommi tawa ǁnā pristergu sada Elob di ommi ǃnâ ra ǃoabagu ǃoa nî ūhā.

³⁷Tsî ǂgurosan sada tsamǀâpereb din tsî sada di ǁguibadi tsî ǂûn mâ haiǃnôan hoan din tsî ǂkhonxûib tsî olib tsîna da ge pristergu ǁga Elob ommi di ǃnā-omdi ǃnâ nî ūhā, tsî disiǁî ǃân sada ǃhanab dina Leviǁîgu tawa tsî ǁnā Leviǁîgu ǁkhāgu ge disiǁî ǃâna nî ūhâ, ǃhanasîsenni di ǃādi hoadi ǃnâ.

³⁸Tsî ǀgui pristeri, Aronni ôab, ge Leviǁîgu tawa nî hâ, Leviǁîgu ga disiǁî ǃâna ǃkhōǃoao, tsî Leviǁîgu ge disiǁî ǃân di disiǁî ǃâba sada Elob di ommi ǃoa ǁuib ommi di ǃnā-omdi ǃnâ nî ūhā.

³⁹Israeli ôan tsî Leviǁîgu tsîn ǁguibade nî ūhā xui-ao ǃhorob xa tsî ǂkhonxûib xa tsî olib xa ǁnā ǃnā-omdi ǃnâ, ǁnāpan soan ǃanusib dina hâ xui-ao tsî pristergu hîa ra ǃoabagu tsî ǁāb ǃûi-aogu tsî ǁnae-aogu tsîna, î da ǁnāti ommi sada Elob diba tā ǁnāxū.