Read Khoekhoegowab Nehemiab 11 Bible Online

Nehemiab 11 - Khoekhoegowab bible

Nehemiab 11

¹Tsî ǂamsagu ǁaes digu ge Jerusalems tawa ge ǁan, xawe naun ǁaes din ge ǀkhūde ge ao, disin xan nî ǀguiba hōǂuise, ǃanu ǃās Jerusalems ǃnâ nî ǁanna, î di nau khoese ǃâde nau ǃādi ǃnâ ǁan, ti.

²Tsî ǁaes ge ǁnā aogu, māsenxase Jerusalems ǃnâ ǁansa ge ǂâibasen hâ igu hoaga ge ǀkhae.

³Tsî nēgu ge danagu ǃhūǃâs digu, Jerusalems tawa ge ǁanga; xawe ǃādi Judab didi ǃnân ge ge ǁan, mâ-i hoa-e ǁî-i ūhâ ǃkhais ai ǁîn di ǃādi ǃnâ. Israeli tsî pristergu tsî Leviǁîgu tsî tempelǃgāgu tsî Salomob ǃgāgu di ôan tsîna.

⁴Tsî Jerusalems tawan ge ǀnîn Judab ôan din tsî Benjaminni ôan din tsîna ge ǁan. Judab ôan din xa: Atajab, Usiab ôab, Saxariab ôab, Amariab ôab, Sefatjab ôab, Mahalaleli ôab, Peresi ôan dib;

⁵tsî Maasejab, Baruxi ôab, Koloseb ôab, Hasajab ôab, Adajab ôab, Jojarib ôab, Saxariab ôab, Silonni ôab tsîga.

⁶ǀGôagu Peresi digu, Jerusalems tawa ge ǁan hâ igu ge hakakaidisiǃnanidisiǁkhaisaǀa ǃgari-ao ge i.

⁷Tsî nēgu ge a Benjaminni di ôa: Salub, Mesulammi ôab, Joedi ôab, Pedajab ôab, Kolajab ôab, Maasejab ôab, Itieli ôab, tsî Jesajab ôab tsîga,

⁸tsî ǁîb khaoǃgâ Gabaib tsî Salaib tsîkha, khoesekaidisiǀgamdisiǁkhaisaǀa.

⁹Tsî Joeli Sixrib ôab ge ǁîgu di mûǂam-ao ge i. Tsî Judab Hasenuab ôab ge ǃās di ǀgamǁî ge i.

¹⁰Pristergu xa gu ge Jedajab, Jojarib ôab, tsî Jaxinni,

¹¹tsî Serajab, Hilkiab ôab, Mesulammi ôab, Sadoki ôab, Merajoti ôab, Ahitub ôab tsîga Elob ommi di aiǃgû-ao ge i,

¹²tsî ǁîgu di ǃgâsagu, sîsenna ommi ǃnâ ra dīgu ge ǁkhaisakaidisiǀgamdisiǀgamǀa ge i. Tsî Adajab, Jerohammi ôab, Pelaljab ôab, Amsib ôab, Saxariab ôab, Pashuri ôab, Malkiab ôab,

¹³tsî ǁîb di ǃgâsagu, ǁgûgu di danagu tsîgu ge ǀgamkaidisihakadisiǀgamǀa ge i. Tsî Amasaib, Asareli ôab, Axsaib ôab, Mesilemoti ôab, Imeri ôab,

¹⁴tsî ǁîgu di ǃgâsagu ǃgari ǁē-aogu tsîgu ge ǀguikaidisiǀgamdisiǁkhaisaǀa ge i, tsî Sabdieli, Gedolimmi ôab ge ǁîgu di mûǂamao ge i.

¹⁵Tsî Leviǁîgu xa: Semajab, Hasub ôab, Asrikammi ôab, Hasabjab ôab, Bunib ôab tsîga;

¹⁶tsî Sabetaib tsî Josabadi tsîkha, Leviǁîgu di danakha, ge ǃaugab sîsenni Elob ommi dib ǂama ge hâ i;

¹⁷tsî Matanjab, Mixab ôab, Sabdib ôab, Asafi ôab ge ǁnā dana ge i, gangansa ǀgores ǃnâ ge tsoatsoaba, tsî Bakbukjab ge ǃgâsagu âb di ǀgamǁî ge i; tsî Abdab Samuab ôab, Galali ôab, Jedutunni ôab tsîga.

¹⁸Leviǁîgu, ǃanu ǃās ǃnâ hâgu hoagu ge ǀgamkaidisiǁkhaisadisihakaǀa ge i.

¹⁹Tsî ǁāb ǃûi-aogu: Akub tsî Talmonni tsîkha, ǁîkha di ǃgâsagu, ǁāga ge ǃûigu ge ǀguikaidisihûdisiǀgamǀa ge i.

²⁰Tsî naugu Israeli digu, pristergu tsî Leviǁîgu tsîgu ge Judab di ǃādi hoadi ǃnâ ge hâ i, mâb hoaba ǁîb di ǀumi-amǃnâs ǃnâ.

²¹Tsî tempelǃgāgu ge Ofels ǃnâ ge ǁan; tsî Sihab tsî Gispab tsîkha ge ǁîgu ǂama ge hâ i.

²²Tsî Jerusalems tawab ge Usib, Banib ôab, Hasabjab ôab, Matanjab ôab, Mixab ôaba Leviǁîgu di mûǂam-ao ge i; tsî Asafi di ôan xa gu ge ǁnae-aoga Elob ommi di sîsenni ǂama ge hâ i.

²³Gao-aob mîmā-i ge ǁîgu ai ge ǁgoe i xui-ao, ûixūn di ǃâs ge nî ǁnae-aogu di, mâb hoab tsēkorobe ǂhâba hâs kōse.

²⁴Tsî Petaxjab, Mesesabeli ôab, Serab ôan dib, Judab ôab, ge gao-aoba ge mâǃgâ ǁaes di dīǃkhaidi hoadi ǃnâ.

²⁵Tsî ǃhaidi ǃnâ ǃhanagu ân ain ge ǀnîn Judab ôan dina ge ǁan, Kirjat-Arbas tsî ǃnaga hâ ǃhaidi ǃnâ tsî Dibons tsî ǁîs ǃnaga hâ ǃhaidi ǃnâ tsî Kabseels tsî ǁîs ǃnaga hâ ǃhaidi ǃnâ,

²⁶tsî Jesuas tawa tsî Moladas tsî Bet-Pelets tawa,

²⁷tsî Hasar-Suals tawa tsî Bersebas tsî ǁîs ǃnaga hâ ǃādi ǃnâ,

²⁸tsî Siklags tsî Mexonas tsî ǁîs ǃnaga hâ ǃādi ǃnâ,

²⁹tsî En-Rimons tawa tsî Soras tawa tsî Jarmuts tawa,

³⁰tsî Sanoaxs tawa tsî Adulams tsî ǁîs ǃnaga hâ ǃhaidi ǃnâ tsî Laxis ǃnâ tsî ǃhanagu âs ai tsî Asekas tsî ǁîs ǃnaga hâ ǃādi ǃnâ, tsîn ge ǁnāti ge ǁgoe Bersebasa xu ǃgoaǃnāb Hinommi kōse.

³¹Tsî ǀgôan Benjaminni din ge Gebasa xu ge ǁan Mixmas ǃnâ tsî Ajas ǃnâ tsî Bet-Els tsî ǁîs ǃnaga hâ ǃādi ǃnâ,

³²Anatots, Nobs, Ananjas,

³³Hasors, Ramas, Gitajims,

³⁴Hadids, Seboims, Nebalats,

³⁵Lods, Onos tsî ǃgoaǃnāb haikuru-aogu dib ǃnâ.

³⁶Tsî Leviǁîgu xa gu ge ǀnîga Judab di amǃnâdi ǃnâ ge ǁan tsî Benjaminni din on xa.