Read Khoekhoegowab Nehemiab 12 Bible Online

Nehemiab 12 - Khoekhoegowab bible

Nehemiab 12

¹Tsî nēgu ge ǁnā pristergu tsî Leviǁîgu tsîga, Serubabeli, Sealtieli ôab tsî Jesuab tsîkha ǀkha ge doeǃapaga: Serajab, Jeremiab, Esrab,

²Amariab, Maluxi, Hatub,

³Sexanjab, Rehummi, Meremoti,

⁴Idob, Ginetonni, Abiab,

⁵Mijaminni, Maadjab, Bilgab,

⁶Semajab, Jojarib, Jedajab,

⁷Salub, Amoki, Hilkiab tsî Jedajab tsîga. Nēgu ge pristergu tsî ǃgâsagu âgu di dana ge i Jesuab di tsēdi ǃnâ.

⁸Leviǁîgu ge Jesuab, Binuib, Kadmieli, Serebjab, Judab tsî Matanjab tsîga ge i, ǁîb tsî ǁîb di ǃgâsagu ge ganganǃoabasa ge dī.

⁹Bakbukjab tsî Unib tsîkha, ǃgâsakha âgu, ge ǁîgu ǃoa-ai ge ǃûi.

¹⁰Jesuab ge Jojakimma ge hō, tsî Jojakimmi ge Eljasiba ge hō, tsî Eljasib ge Jojadaba ge hō,

¹¹Jojadab ge Jonatanna ge hō, Jonatanni ge Jaduaba ge hō.

¹²Jojakimmi di tsēdi ǃnâ gu ge pristerga ǁgûgu di dana ge i: Serajaba xub ge Merajaba ge ǀkhī tsî Jeremiaba xu Hananjaba;

¹³Esraba xu Mesulamma; Amariaba xu Johananna;

¹⁴Maluxa xu Jonatanna; Sebanjaba xu Joseba;

¹⁵Harimma xu Adnaba; Merajota xu Helkaiba;

¹⁶Idoba xu Saxariaba; Ginetonna xu Mesulamma;

¹⁷Abiaba xu Sixriba; Minjaminna xu, Moadjaba xu Piltaiba;

¹⁸Bilgaba xu Samuaba; Semajaba xu Jehonatanna;

¹⁹tsî Jojariba xu Matenaiba; Jedajaba xu Usiba;

²⁰Salaiba xu Kalaiba; Amoka xu Ebera;

²¹Hilkiaba xu Hasabjaba; Jedajaba xu Netanela.

²²Leviǁîgu xa gu ge Eljasib, Jojadab, Johananni tsî Jaduab di tsēdi ǃnâ ǁgûgu di danaga ge xoamâihe pristergu ǀkha, Dariub, Persiaǁîb di gaosis kōse.

²³ǀGôagu Levib digu, danagu ǁgûgu digu ge ǂkhanis ǁaeb ǃnaeǃkhaidi dis ǃnâ ge xoamâihe, Johananni, Eljasib ôab di tsēdi kōse.

²⁴Tsî danagu Leviǁîn digu ge Hasabjab tsî Serebjab tsî Jesuab, Kadmieli ôab tsîga ge i tsî ǁîgu di ǃgâsagu ǁîgu ǃoa-ai, kare tsî gu nî ganganse, mîmās Davib, eloǃaoǃgâxa aob dis ǃoa, ǃûisa xu ǃûis ǃoa.

²⁵Matanjab, Bakbukjab, Obadjab, Mesulammi, Talmonni tsî Akub tsîgu ge ǁāb ǃûi-ao ge i, ǃûisa ra hîǃâ ǁāgu di ǁuib ǃnā-omdi tawa.

²⁶Nēgu ge Jojakimmi, Jesuab ôab, Josadaki ôab di tsēdi ǃnâ tsî Nehemiab, ǃhūǃkhōmâi-aob, tsî pristeri Esrab, xoaǂansabeb tsîkha di tsēdi ǃnâ ge hâ i.

²⁷Tsî khaihes Jerusalems ǂnubiǂgoab dis ǃnân ge ge ôa-am, Leviǁîgan nî ǁîgu di ǃādi hoade xu Jerusalems tawa ūsī ǃkhaisa, khaisan nî ǃgâiaǂgaob ǀkha tsî gangandi ǀkha tsî ǁnaeb ǀkha tsî simbaln tsî ǀō ra ǀkhōxūn tsî harpdi tsîn ǀkha dīse.

²⁸Nēti gu ge ǁnae-aogu di ôaga ge ǀhaoǀhaohe ǂgās Jerusalems di ǂnamipe hâsa xus kas, Netofaǁîn di ǃhaide xus kas,

²⁹Bet-Gilgals di omma xus kas, Gebas tsî Asmavets tsîra xus kas hoasa, ǁnae-aogu ge ǃhaide ǂnubibasen Jerusalems ǂnamipe xui-ao.

³⁰Tsî pristergu tsî Leviǁîgu tsîgu ge ǁî-aitsama ge ǃanuǃanusen, ǁnās khaoǃgâ gu ge ǁaes tsî ǁāgu tsî ǂnubiǂgoab tsîna ge khai.

³¹ǃNubai ta ge tita gaosagu Judab diga ǂnubiǂgoab ai ge ǃapa kai. Tsî ta ge ǀgam kai ganganǂnubira tsî ǃgûǂnamipeǂnubira ge ǂnûi, ǀguisa amǀkhābǀî ǂnubiǂgoab ai ǂHauǁābǀî.

³²Tsî ǁîgu khaoǃgâb ge Hosajaba ge ǃgû tsî Judab gaosagu di ǃkhareba,

³³Asariab, Esrab, Mesulammi,

³⁴Judab, Benjaminni, Semajab tsî Jeremiab tsîga

³⁵tsî pristerǀgôagu xa ǀgapadadi ǀkha, Saxariab, Jonatanni ôab, Semajab ôab, Matanjab ôab, Mikajab ôab, Sakuri ôab, Asafi ôab,

³⁶tsî ǁîb di ǃgâsagu, Semajab, Asareli, Milalaib, Gilalaib, Maaib, Netaneli, Judab tsî Hananib tsîga ǀkhōxūn Davib, eloǃaoǃgâxa aob din ǀkha, tsî Esrab, xoaǂansabeb ge ǁîgu di ais aiǃâ ge ǃgû.

³⁷Aiǃâb ǃoa ǀAus di ǁāb ǁga tsî ǁîgu ǃoa-ai gu ge ǃapa-ūdadi Davib ǃās didi ai ge ǃapa ǂnubiǂgoab di ǃapa-ūǃkhais ǁga, Davib ommi ǂamai ǁGammi ǁĀb kōse aiǂoasǀî.

³⁸Tsî ǀgamǁî ganganǂnubis hîa ǃoa-ai ge ǃgûs khaoǃgâ ta ge tita ge ǃgû ǁaes di ǃkhareb ǀkha ǂnubiǂgoab ai ǁganoms di ǂgō-omma xu ǂhaba ǂnubiǂgoab kōse,

³⁹tsî Efraimmi ǁĀba xu tsî Kaiǁāba xu tsî ǁAuǁāba xu tsî Hananeli ǂGō-omma xu tsî Meab ǂGō-omma xu Gūǁāb kōse, tsîn ge ǃKhōsis di ǁāb tawa ge sī mâ.

⁴⁰ǁNās khaoǃgâ ra ge ganganǂnubira hoara Elob ommi ǃnâ ge mâ; tita tsî ǂamkhoegu di ǃkhareba tita ǀkha,

⁴¹tsî pristergu: Eljakimmi, Maasejab, Minjaminni, Mikajab, Eljoenaib, Saxariab tsî Hananjab tsîga ǀgapadadi ǀkha,

⁴²tsî Maasejab, Semajab, Eleasari, Usib, Johananni, Malkiab, Elammi tsî Eseri tsîga tsî ǁnae-aogu on ge ǃgarise ge ǁnae Jisraxjab, mûǂam-aob ǀkha.

⁴³Tsîn ge ǁnātsē kai ǂāǁguibade ǁguiba tsî ge ǃgâiaǂgao, Elob ge ǁîna kaise ǃgâiaǂgao kai amaga. Tsî taradi tsî ǀgôan on ge gere ǃgâiaǂgao, ǃgâiaǂgaob Jerusalems dib ge ǃnūse ǁnâuhes kōse.

⁴⁴ǁKhāti gu ge ǁnā tsēs ǁkhās ai aoga ǃnā-omdi ǂama ge mâihe, ǁuigu ǂama tsî ǁguibadi ǂama, ǂguron tsî disiǁîn tsîn ǂama, ǁîdi ǃnâ gu nî ǃādi di ǃhanagu xa ǂhanub di amǃnâde pristergu tsî Leviǁîgu tsîga ǃkhōǃoabase; Judab ge pristergu tsî Leviǁîgu tsîgu, ǁnā mâgu ǂama ǃgâiaǂgao xui-ao.

⁴⁵Tsî gu ge ǃûis ǁîgu Elob disa ge ǃûi tsî ǃûis ǃanuǃanus dis ona, ǁnās ǁkhās xase ǁnae-aogu tsî ǁāb ǃûi-aogu tsîgu, mîmās Davib dis tsî ǁîb ôab Salomob dis ǃoa.

⁴⁶Hugasa xu gu ge Davib tsî Asafi tsîkha di tsēdi ǃnâ ǁnae-aogu di dana ge i tsî ǃkhōǀkhādi tsî gangandi, Elobǀî ra dīhedi di ge i.

⁴⁷ǁNāxab ge Israeli hoaba Serubabeli di tsēdi ǃnâ tsî Nehemiab di tsēdi ǃnâ ǁnae-aogu tsî ǁāb ǃûi-aogu tsîgu di amǃnâde tsēkorobe gere mā, mâb hoaba tsēs âb ai, tsîn ge ǁî xūna Leviǁîga ge khaiba, tsî Leviǁîgu ge ǁî xūna Aronni ôaga ge khaiba.