Read Khoekhoegowab Nehemiab 7 Bible Online

Nehemiab 7 - Khoekhoegowab bible

Nehemiab 7

¹Tsî ǂnubiǂgoab ge ǂnubihe ǃnubai i ge ge ī, dao-amde ta ge ǃamǂgā ǃkhaisa, o gu ge ǃûi-aogu tsî ǁnae-aogu tsî Leviǁîgu tsîga ge ǂgaimâihe.

²Tsî ta ge ti ǃgâsab Hananiba ge ǂnûiǂgā tsî Hananjab, Jerusalems ǁaposa ǃkhais di ǂamsab ona, îǂhôa aob ge i tsî ǂguigu ǂamaib ge eloǃaoǃgâxa i amaga.

³Tsî ta ge ǁîkha ǃoa ge mî: ǁĀgu Jerusalems diga a gu tā ǁkhowa-amhe sores nî ǀgams kōse, tsî ǁîkha ǁnāpa mâ hîa, a di dao-amde ǂganamhe, î kho sakho ǁîde ǁnās khaoǃgâ tsanana, î gu ǃûi-aoga mâihe, Jerusalems ǁansaben diga, mâb hoab ǁîb di ǃûiǃkhais ai tsî mâb hoab ǁîn di ommi ǃoagu.

⁴Tsî ǃās ge mâ ǀkhāb hoabǀî hara tsî ge kai i, xawe ǁaes ge ǁîs ǃnâ ǀoro, tsî omdi ge ǁîs ǃnâ ǂnubihe tama ge hâ i.

⁵Ob ge Eloba ǂgaob âtab ǃnâ ge mā, ǀgapiǃgôasagu tsî ǂamkhoegu tsî ǁaes tsîna ta nî ǀhûǁare kai ǃkhaisa, ǃhaode ta nî ǃgôase. Tsî ta ge ǃhaos ǃgôakhâihes di ǂkhanis ǁnān ǂgurose ge doen disa ge hō, tsî ta ge nēti ǁîs ǃnâ xoahe hâ ǃkhaisa ge mû:

⁶Nēn ge ǀgôan ǁnā ǃhūǃâs din, ǂgaeǂguibēsan ǃkhōsis din, Nebukadnesari, Babilons di gao-aob ge Babilons ǃoa ūǃgûn di ǃkhōsisa xu ge doeǂoana, Jerusalems tsî Judab tsîra ǃoa ge oana, mâ-i hoa-e ǁî-i di ǃāsa ǃoa,

⁷Serubabeli, Jesuab, Nehemiab, Asariab, Raamjab, Nahamanib, Mordekaib, Bilsanni, Mispereti, Bigvaib, Nehummi tsî Baanab tsîgu ǀkha ge hāna. Nēb ge ǃgôab Israeli ǁaes aogu diba:

⁸ǀGôan Parob din ge ǀgamǀoadisi tsî ǀguikaidisihûdisiǀgamǀa ge i.

⁹ǀGôan Sefatjab din ge ǃnonakaidisi tsî hûdisidisiǀgamǀa ge i.

¹⁰ǀGôan Araxi din ge ǃnanikaidisikorodisiǀgamǀa ge i.

¹¹ǀGôan Pahat-Moab din, Jesuab tsî Joab tsîkha ôan din ge ǀgamǀoadisiǁkhaisakaidisi tsî disiǁkhaisaǀa ge i.

¹²ǀGôan Elammi din ge ǀguiǀoadisiǀgamkaidisikorodisihakaǀa ge i.

¹³ǀGôan Satub din ge ǁkhaisakaidisihakadisikoroǀa ge i.

¹⁴ǀGôan Sakaib din ge hûkaidisiǃnanidisi ge i.

¹⁵ǀGôan Binuib din ge ǃnanikaidisihakadisiǁkhaisaǀa ge i.

¹⁶ǀGôan Bebaib din ge ǃnanikaidisiǀgamdisiǁkhaisaǀa ge i.

¹⁷ǀGôan Asgadi din ge ǀgamǀoadisiǃnonakaidisiǀgamdisiǀgamǀa ge i.

¹⁸ǀGôan Adonikammi din ge ǃnanikaidisiǃnanidisihûǀa ge i.

¹⁹ǀGôan Bigvaib din ge ǀgamǀoadisiǃnanidisihûǀa ge i.

²⁰ǀGôan Adinni din ge ǃnanikaidisikorodisikoroǀa ge i.

²¹ǀGôan Ateri din ge Hiskiab xa khoesedisiǁkhaisaǀa ge i.

²²ǀGôan Hasummi din ge ǃnonakaidisiǀgamdisiǁkhaisaǀa ge i.

²³ǀGôan Besaib din ge ǃnonakaidisiǀgamdisihakaǀa ge i.

²⁴ǀGôan Harifi din ge ǀguikaidisi tsî disiǀgamǀa ge i.

²⁵ǀGôan Gibeons din ge khoesedisikoroǀa ge i.

²⁶Aogu Betlehems tsî Netofas tsîra digu ge ǀguikaidisiǁkhaisadisiǁkhaisaǀa ge i.

²⁷Aogu Anatots digu ge ǀguikaidisiǀgamdisiǁkhaisaǀa ge i.

²⁸Aogu Bet-Asmavets digu ge hakadisiǀgamǀa ge i.

²⁹Aogu Kirjat-Jearims tsî Kefiras tsî Beerots tsîdi digu ge hûkaidisihakadisiǃnonaǀa ge i.

³⁰Aogu Ramas tsî Gebas tsîra digu ge ǃnanikaidisiǀgamdisiǀguiǀa ge i.

³¹Aogu Mixmas digu ge ǀguikaidisiǀgamdisiǀgamǀa ge i.

³²Aogu Bet-Els tsî Ais digu ge ǀguikaidisiǀgamdisiǃnonaǀa ge i.

³³Aogu nau Nebos digu ge korodisiǀgamǀa ge i.

³⁴ǀGôan nau Elams din ge ǀguiǀoadisiǀgamkaidisikorodisihakaǀa ge i.

³⁵ǀGôan Harims din ge ǃnonakaidisiǀgamdisi ge i.

³⁶ǀGôan Jerixos din ge ǃnonakaidisihakadisikoroǀa ge i.

³⁷ǀGôan Lods tsî Hadids tsî Onos tsîdi din ge hûkaidisiǀgamdisiǀguiǀa ge i.

³⁸ǀGôan Senaas din ge ǃnonaǀoadisikhoesekaidisiǃnonadisi ge i.

³⁹Pristergu: ǀGôan Jedajab din, Jesuab ommi din ge khoesekaidisihûdisiǃnonaǀa ge i.

⁴⁰ǀGôan Imeri din ge ǀguiǀoadisikorodisiǀgamǀa ge i.

⁴¹ǀGôan Pashuri din ge ǀguiǀoadisiǀgamkaidisihakadisihûǀa ge i.

⁴²ǀGôan Harimmi din ge ǀguiǀoadisi tsî disihûǀa ge i.

⁴³Leviǁîgu: ǀGôan Jesuab din, Kadmieli, Hodevab dib din ge hûdisihakaǀa ge i.

⁴⁴ǁNae-aogu: ǀGôan Asafi din ge ǀguikaidisihakadisiǁkhaisaǀa ge i.

⁴⁵ǁĀb ǃûi-aogu: ǀGôan Salummi din, ǀgôan Ateri din, ǀgôan Talmonni din, ǀgôan Akub din, ǀgôan Hatitab din, ǀgôan Sobaib din ge ǀguikaidisiǃnonadisiǁkhaisaǀa ge i.

⁴⁶Tempelǃgāgu: ǀGôan Sihab din, ǀgôan Hasufab din, ǀgôan Tabaoti din,

⁴⁷ǀgôan Kerob din, ǀgôan Siab din, ǀgôan Padonni din,

⁴⁸ǀgôan Lebanab din, ǀgôan Hagabab din, ǀgôan Salmaib din,

⁴⁹ǀgôan Hananni din, ǀgôan Gideli din, ǀgôan Gahari din,

⁵⁰ǀgôan Reajab din, ǀgôan Resinni din, ǀgôan Nekodab din,

⁵¹ǀgôan Gasammi din, ǀgôan Usab din, ǀgôan Paseaxi din,

⁵²ǀgôan Besaib din, ǀgôan Meunimmi din, ǀgôan Nefisimmi din,

⁵³ǀgôan Bakbuki din, ǀgôan Hakufab din, ǀgôan Harhuri din,

⁵⁴ǀgôan Basluti din, ǀgôan Mehidab din, ǀgôan Harsab din,

⁵⁵ǀgôan Barkob din, ǀgôan Siserab din, ǀgôan Temaxi din,

⁵⁶ǀgôan Nesiaxi din, ǀgôan Hatifab din.

⁵⁷ǀGôan Salomob ǃgāgu din: ǀGôan Sotaib din, ǀgôan Sofereti din, ǀgôan Peridab din,

⁵⁸ǀgôan Jaalab din, ǀgôan Darkonni din, ǀgôan Gideli din,

⁵⁹ǀgôan Sefatjab din, ǀgôan Hatili din, ǀgôan Pokeret-Hasebaimmi din, ǀgôan Amonni din.

⁶⁰Tempelǃgāgu hoagu tsî Salomob ǃgāgu hoagu di ôan ge ǃnonakaidisikhoesedisiǀgamǀa ge i.

⁶¹Tsî ǁîgu ge ǁkhāti ǁnāgu Tel-Melaxs tsî Tel-Harsas tsî Kerub tsî Adonni tsî Imeri tsîga xu ge doeǂoa, xawe gu ge ǁîgu îgu di ommi tsî ǁîgu di suriba, ise gu a Israeli di ǃkhaisa ǁgauǃā ǁoa ge i:

⁶²ǀGôan Delajab din, ǀgôan Tobiab din, ǀgôan Nekodab din ge ǃnanikaidisihakadisiǀgamǀa ge i.

⁶³Tsî pristergu xa: ǀGôan Hobajab din, ǀgôan Hakob din, ǀgôan Barsilaib, ǁnā Barsilaib, Gileadǁîb ôadi di ǀguisa tarase ge ūb, tsî ǁîn di ǀons ǃoa ge ǂgaiheba.

⁶⁴Nēgu ge ǁîgu ǃhaos di ǃgôakhâiǂkhanis ǃnâ ǃgôakhâihe hân ǃnâ ǁîgu di ǃgôakhâihesa ge ôa, xawe gu ge hō tama ge i, o gu ge pristersisa gu anuba tama, ti ge ǂkhāhe.

⁶⁵Ob ge ǃhūǃkhōmâi-aoba ǁîgu ǃoa ge mî, hoan xa ǃanu xūn xa gu ǂû tidesa, pristeri Urims tsî Tumims tsîra ǀkha nî mâs kōse.

⁶⁶Nē ǀhaohâb hoab ge ǀhûpe hakadisiǀgamǀaǀoadisiǃnonakaidisi tsî ǃnanidisi ge i,

⁶⁷ǁîn ǃgāgu tsî ǁîn ǃgādi tsîn ose, ǁîn ge hûǀoadisiǃnonakaidisiǃnonadisihûǀa ge i, tsîn ge ǀgamkaidisihakadisikoroǀa ǁnae-aogu tsî ǁnae-aodi tsîna ge ūhâ i.

⁶⁸Hān ân ge hûkaidisiǃnonadisiǃnaniǀa ge i, hā-eseln ân ge ǀgamkaidisihakadisikoroǀa,

⁶⁹ǃnaina hakakaidisiǃnonadisikoroǀa tsî eselna ǃnaniǀoadisihûkaidisi tsî ǀgamdisi.

⁷⁰Tsî ǁgûgu di danagu xa gu ge ǀnîna sîsenni tawa ge mā. ǃHūǃkhōmâi-aob ge ǁuib ǃnâ ǃhuniǀurib xa ǀguiǀoadisi draxmen tsî korodisi ǀgapiǃoredi tsî korokaidisi tsî ǃnonadisi pristersaragu tsîna ge mā.

⁷¹Tsî naugu ǁgûgu di danagu digu ge sîsenni di ǁuib ǃnâ ge mā: ǃHuniǀurib xa ǀgamdisiǀoadisi draxmen tsî ǀhaiǀurib xa ǀgamǀoadisi tsî ǀgamkaidisi pondi kōse.

⁷²Tsî naun ǁaes din ge mā xūn ge ǃhuniǀurib xa ǀgamdisiǀoadisi draxmen tsî ǀhaiǀurib xa ǀgamǀoadisi pondi tsî ǃnanidisihûǀa pristersaragu tsîn kō ge i.

⁷³Tsî pristergu tsî Leviǁîgu tsî ǁāb ǃûi-aogu tsî ǁnae-aogu tsî ǀnîn ǁaes din tsî tempelǃgāgu tsî Israeli hoab tsîn ge ǃādi ǃnâ ge ǁan.